ਮਾਨਸਾ, 3 ਜੂਨ (ਸ.ਰਿ.)-ਸਥਾਨਕ ਸ੍ਰੀ ਨਰਾਇਣ ਸਰਵਹਿੱਤਕਾਰੀ ਵਿੱਦਿਆ ਮੰਦਰ ਵਿਖੇ 2 ਰੋਜਾ ਸਮਰ ਕੈਂਪ ਲਗਾਇਆ ਗਿਆ | ਦੂਜੀ ਤੋਂ ਲੈ ਕੇ 6ਵੀਂ ਜਮਾਤ ਤੱਕ ਦੇ ਲਗਪਗ 200 ਬੱਚਿਆਂ ਨੇ ਭਾਗ ਲਿਆ | ਬੱਚਿਆਂ ਨੂੰ ਆਰਟ ਐਂਡ ਕਰਾਫ਼ਟ 'ਚ ਕੌਲਾਜ ਤੇ ਪੋਸਟਰ ਬਣਾਉਣ, ਮਿਊਜ਼ਿਕ 'ਚ ਹਾਰਮੋਨੀਅਮ, ਢੋਲ ਤੇ ਤਬਲਾ ਵਜਾਉਣਾ ਸਿਖਾਇਆ ਗਿਆ | ਸੰਗੀਤ ਦੀ ਜਾਣਕਾਰੀ ਦੇਣ ਤੋਂ ਇਲਾਵਾ ਸਪਲੈਸ਼ ਪੂਲ ਅਤੇ ਸਪੋਰਟਸ 'ਚ ਫੁੱਟਬਾਲ ਦਾ ਅਭਿਆਸ ਕਰਵਾਇਆ ਗਿਆ | ਯੋਗਾ 'ਚ ਸੂਖਮ ਆਸਨ ਕਰਵਾਉਣ ਦੇ ਨਾਲ ਹੀ ਯੋਗ ਦੇ ਲਾਭਾਂ ਬਾਰੇ ਜਾਣਕਾਰੀ ਦਿੱਤੀ ਗਈ |