22-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 07-09-2025

ਸਰਦੂਲਗੜ੍ਹ ਤੇ ਚਾਂਦਪੁਰਾ ਬੰਨ੍ਹ•'ਤੇ ਘੱਗਰ ਦਰਿਆ 'ਚ ਪਾਣੀ ਦਾ ਪੱਧਰ ਵਧਣਾ ਜਾਰੀ

Ad Position 21
No active advertisement
ਅਜੀਤ ਡੈਸਕ 07-09-2025
ਸਰਦੂਲਗੜ• (ਮਾਨਸਾ), 6 ਸਤੰਬਰ (ਬਲਵਿੰਦਰ ਸਿੰਘ ਧਾਲੀਵਾਲ, ਜੀ.ਐਮ.ਅਰੋੜਾ)- ਸਰਦੂਲਗੜ• ਘੱਗਰ ਪੁਲ ਤੇ ਚਾਂਦਪੁਰਾ ਬੰਨ• 'ਤੇ ਘੱਗਰ ਦਰਿਆ 'ਚ ਪਾਣੀ ਦਾ ਪੱਧਰ ਵਧਦਾ ਜਾ ਰਿਹਾ ਹੈ | ਦੇਰ ਸ਼ਾਮ ਤੱਕ ਘੱਗਰ ਪੁਲ 'ਤੇ ਪਾਣੀ ਦਾ ਲੈਵਲ 23 ਫੁੱਟ ਦੇ ਕਰੀਬ ਜਦਕਿ ਚਾਂਦਪੁਰਾ ਬੰਨ• 'ਤੇ 8 ਫੁੱਟ 3 ਇੰਚ 'ਤੇ ਵਗ ਰਿਹਾ ਹੈ | ਪਾਣੀ ਪਾਣੀ ਦਾ ਵਹਾਅ ਵਧਣ ਕਰ ਕੇ ਜਿੱਥੇ ਲੋਕਾਂ 'ਚ ਸਹਿਮ ਪਾਇਆ ਜਾ ਰਿਹਾ ਹੈ ਉੱਥੇ ਕਿਸਾਨ ਤੇ ਆਮ ਲੋਕ ਕਿਨਾਰਿਆਂ ਨੂੰ ਹੋਰ ਮਜ਼ਬੂਤ ਕਰਨ 'ਚ ਰੁੱਝੇ ਹੋਏ ਹਨ | ਅੱਜ ਪਈ ਬਾਰਸ਼ ਨੇ ਬਚਾਅ ਕਾਰਜਾਂ ਨੂੰ ਕਈ ਘੰਟੇ ਰੋਕ ਕੇ ਰੱਖਿਆ | ਇਸੇ ਦੌਰਾਨ ਝੰਡਾ ਖ਼ੁਰਦ ਅਤੇ ਰੋੜਕੀ ਵਿਚਾਲੇ ਬੰਨ• ਦੀ ਲੀਕੇਜ ਹੋਈ, ਦਾ ਪਤਾ ਲੱਗਣ 'ਤੇ ਇਹ ਪੁਆਇੰਟ ਬੰਦ ਕਰ ਦਿੱਤਾ ਗਿਆ | ਹਲਕਾ ਵਿਧਾਇਕ ਗੁਰਪ੍ਰੀਤ ਸਿੰਘ ਬਣਾਂਵਾਲੀ ਨੇ ਪੁਆਇੰਟ 'ਤੇ ਪਹੁੰਚ ਕੇ ਦਰਿਆ ਦਾ ਕੰਢਿਆਂ ਦਾ ਨਿਰੀਖਣ ਕੀਤਾ | ਉਨ•ਾਂ ਕਿਹਾ ਕਿ ਸਥਿਤੀ ਕਾਬੂ ਹੇਠ ਹੈ | ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ• ਫੂਸ ਮੰਡੀ ਕੋਲ ਉਸ ਥਾਂ ਤੋਂ ਪਾਣੀ ਲੀਕ ਹੋ ਗਿਆ ਸੀ, ਨੂੰ ਵੀ ਮੌਕੇ 'ਤੇ ਪੂਰ ਲਿਆ ਸੀ | ਸਰਦੂਲਗੜ• ਪੁਲ 'ਤੇ ਪਾਣੀ ਦਾ ਵਹਾਅ ਬਹੁਤ ਤੇਜ਼ ਸੀ ਕਿਉਂਕਿ ਹਰਿਆਣਾ ਰਾਜ ਦੇ ਪਿੰਡ ਪਨਿਹਾਰੀ ਕੋਲ ਘੱਗਰ 'ਚ 30 ਫੁੱਟ ਦੇ ਕਰੀਬ ਪਾੜ ਪੈਣ ਕਰ ਕੇ 1000 ਏਕੜ ਰਕਬੇ 'ਚ ਪਾਣੀ ਭਰ ਗਿਆ | ਪਾੜ ਹਰ ਪਲ ਵਧ ਰਿਹਾ ਹੈ | ਜਾਣਕਾਰੀ ਅਨੁਸਾਰ ਇਸ ਪਾੜ ਨਾਲ ਪਨਿਹਾਰੀ ਤੋਂ ਇਲਾਵਾ ਫਰਵਾਹੀ, ਨੇਜਾ ਡੱਲਾ ਪਿੰਡ ਦੀ 3000 ਏਕੜ ਦੇ ਕਰੀਬ ਫ਼ਸਲ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ | ਜੇਕਰ ਪਾੜ ਨਾ ਪੂਰਿਆ ਗਿਆ ਤਾਂ ਹਰਿਆਣਾ ਦੇ ਪਿੰਡ ਮੱਲੇਵਾਲਾ, ਖਹਿਰੇਕੇ, ਝੋਡਵਾਲੀ, ਸਹਾਰਨੀ, ਨੇਜਾ ਡੱਲਾ ਖ਼ੁਰਦ ਆਦਿ ਵੀ ਪਾਣੀ ਦੀ ਮਾਰ ਹੇਠ ਆ ਸਕਦੇ ਹਨ | ਸਿਰਸਾ ਦੇ ਡਿਪਟੀ ਕਮਿਸ਼ਨਰ ਸ਼ਾਤਨੂ ਸ਼ਰਮਾ ਮੁਤਾਬਿਕ ਨਹਿਰੀ ਵਿਭਾਗ ਦੀਆਂ 24 ਟੀਮਾਂ ਬੰਨ• ਨੂੰ ਪੂਰਨ 'ਚ ਕੰਮ ਕਰ ਰਹੀਆਂ ਹਨ ਜਦਕਿ ਐਸ.ਡੀ.ਆਰ.ਐਫ. ਨਾਲ ਵੀ ਸੰਪਰਕ ਕੀਤਾ ਗਿਆ ਹੈ | ਹਰਿਆਣਾ 'ਚ ਟੁੱਟੇ ਬੰਨ• ਦਾ ਪਾਣੀ ਮਾਨਸਾ ਜ਼ਿਲੇ• ਦੇ ਪਿੰਡ ਝੰਡਾ ਖ਼ੁਰਦ ਨੂੰ ਵੀ ਪ੍ਰਭਾਵਿਤ ਕਰ ਸਕਦਾ ਹੈ |
ਘੱਗਰ, ਨਹਿਰਾਂ, ਸੂਇਆਂ ਨਜ਼ਦੀਕ ਖੜ•ੇ ਹੋ ਕੇ ਫ਼ੋਟੋ ਖਿੱਚਣ 'ਤੇ ਪਾਬੰਦੀ
-ਇਸੇ ਦੌਰਾਨ ਜ਼ਿਲ•ਾ ਮੈਜਿਸਟਰੇਟ-ਕਮ-ਡਿਪਟੀ ਕਮਿਸ਼ਨਰ ਨਵਜੋਤ ਕੌਰ ਨੇ ਧਾਰਾ 163 ਅਧੀਨ ਪ੍ਰਾਪਤ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਜ਼ਿਲ•ੇ ਦੇ ਜਿਸ ਵੀ ਇਲਾਕੇ/ਥਾਵਾਂ 'ਤੇ ਪਾਣੀ ਦਾ ਪੱਧਰ ਵਧਿਆ ਹੋਇਆ ਹੈ, ਉੱਥੇ ਮੋਬਾਈਲ ਫੋਨਾਂ/ਕੈਮਰਿਆਂ ਰਾਹੀਂ ਸੈਲਫੀ/ਫ਼ੋਟੋ ਲੈਣ 'ਤੇ ਪੂਰਨ ਤੌਰ ਤੇ ਪਾਬੰਦੀ ਲਗਾਈ ਹੈ | ਜਾਰੀ ਹੁਕਮ 'ਚ ਉਨ•ਾਂ ਕਿਹਾ ਕਿ ਅਜਿਹਾ ਕਰਨ ਨਾਲ ਜਾਨੀ ਨੁਕਸਾਨ ਦਾ ਖ਼ਦਸ਼ਾ ਬਣਿਆ ਰਹਿੰਦਾ ਹੈ | ਇਸ ਪ੍ਰਵਿਰਤੀ ਨੂੰ ਰੋਕਿਆ ਜਾਣਾ ਅਤਿ-ਜ਼ਰੂਰੀ ਬਣ ਜਾਂਦਾ ਹੈ |
Ad Position 22
No active advertisement
ਪਿਛਲੀ ਖ਼ਬਰ ਨਵੇਂ ਸ਼੍ਰੋਮਣੀ ਅਕਾਲੀ ਦਲ ਨੇ ਹੜ੍ਹ ਪੀੜਤਾਂ ਦੀ ਮਦਦ ਲਈ ਸੈਂਟਰ ਖੋਲਿ੍ਹਆ ਅਗਲੀ ਖ਼ਬਰ ਦਲੇਲ ਸਿੰਘ ਵਾਲਾ ਵਿਖੇ 21 ਸਤੰਬਰ ਦੀ ਚੰਡੀਗੜ੍ਹ ਰੈਲੀ ਸੰਬੰਧੀ ਮੀਟਿੰਗ
Ad Position 24