ਮਾਨਸਾ, 29 ਦਸੰਬਰ (ਸ.ਰਿ.)-ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਲਿਬਰੇਸ਼ਨ ਵਲੋਂ ਨਿੱਜੀ ਫਾਈਨਾਂਸ ਕੰਪਨੀਆਂ ਖ਼ਿਲਾਫ਼ ਕਾਰਵਾਈ ਕਰਵਾਉਣ ਲਈ ਥਾਣਾ ਸ਼ਹਿਰੀ-2 ਮਾਨਸਾ ਅੱਗੇ ਧਰਨਾ ਲਗਾਉਣ ਦਾ ਐਲਾਨ ਕੀਤਾ ਗਿਆ ਹੈ | ਮੋਰਚਾ ਦੇ ਪ੍ਰਧਾਨ ਕਾ. ਬਲਵਿੰਦਰ ਸਿੰਘ ਘਰਾਂਗਣਾ ਤੇ ਆਟੋ ਚਾਲਕਾਂ ਦੀ ਕਮੇਟੀ ਦੇ ਆਗੂ ਕਾ. ਨਿਰਮਲ ਸਿੰਘ ਨੇ ਦੱਸਿਆ ਕਿ ਗਰੀਬ ਲੋਕਾਂ ਨੇ ਕਿਸ਼ਤਾਂ 'ਤੇ ਆਟੋ ਖ਼ਰੀਦੇ ਸਨ ਪਰ ਸ਼ਹਿਰ ਦੀਆਂ ਮਾੜੀਆਂ ਸੜਕਾਂ ਹੋਣ ਕਰ ਕੇ ਆਟੋ ਜਲਦੀ ਨੁਕਸਾਨੇ ਗਏ ਤੇ ਕਿਸ਼ਤਾਂ ਵੀ ਭਰੀਆਂ ਨਹੀਂ ਗਈਆਂ | ਇਸੇ ਦੇ ਚੱਲਦਿਆਂ ਕੰਪਨੀਆਂ ਦੇ ਕਰਿੰਦੇ ਜਬਰੀ ਆਟੋ ਚੁੱਕ ਕੇ ਲੈ ਗਏ, ਜਿਸ ਕਰ ਕੇ ਇਹ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ |
