ਕਪੂਰਥਲਾ, 19 ਦਸੰਬਰ (ਅਮਨਜੋਤ ਸਿੰਘ ਵਾਲੀਆ)-ਸੰਘਣੀ ਧੁੰਦ ਹੋਣ ਕਾਰਨ ਸ਼ਿਵ ਮੰਦਿਰ ਚੌਂਕ ਨੇੜੇ ਕੰਮ 'ਤੇ ਜਾ ਰਹੀ ਇਕ ਔਰਤ ਦੀ ਐਕਟਿਵਾ ਟੋਏ 'ਚ ਪੈਣ ਕਾਰਨ ਔਰਤ ਡਿੱਗ ਕੇ ਗੰਭੀਰ ਜ਼ਖਮੀ ਹੋ ਗਈ | ਜਿਸ ਨੂੰ ਸਥਾਨਕ ਲੋਕਾਂ ਨੇ ਸਿਵਲ ਹਸਪਤਾਲ ਕਪੂਰਥਲਾ ਦਾਖਲ ਕਰਵਾਇਆ | ਜ਼ੇਰੇ ਇਲਾਜ ਰੋਮਾ ਪਤਨੀ ਬਲਵਿੰਦਰ ਸਿੰਘ ਵਾਸੀ ਮਹਿਤਾਬਗੜ੍ਹ ਨੇ ਦੱਸਿਆ ਕਿ ਅੱਜ ਸਵੇਰੇ ਉਹ ਜਦੋਂ ਐਕਟਿਵਾ 'ਤੇ ਆਪਣੇ ਕੰਮ 'ਤੇ ਜਾ ਰਹੀ ਸੀ ਤਾਂ ਸ਼ਿਵ ਮੰਦਰ ਚੌਕ ਨੇੜੇ ਧੁੰਦ ਸੰਘਣੀ ਹੋਣ ਕਾਰਨ ਉਸ ਦੀ ਐਕਟਿਵਾ ਦਾ ਇਕ ਟਾਇਰ ਛੋਟੇ ਟੋਏ ਵਿਚ ਪੈ ਗਿਆ ਜਿਸ ਕਾਰਨ ਉਸਦੀ ਐਕਟਿਵਾ ਅਚਾਨਕ ਡਿੱਗ ਪਈ ਜਿਸ ਕਾਰਨ ਉਸਦੀ ਬਾਂਹ ਟੁੱਟ ਗਈ | ਜਿਸਦਾ ਇਲਾਜ ਸਿਵਲ ਹਸਪਤਾਲ ਕਪੂਰਥਲਾ ਵਿਚ ਡਿਊਟੀ ਡਾਕਟਰ ਵਲੋਂ ਕੀਤਾ ਜਾ ਰਿਹਾ ਹੈ |
