ਬਜਟ ਦੇ 8 ਸਭ ਤੋਂ ਵੱਡੇ ਐਲਾਨ
ਅਜੀਤ ਡੈਸਕ
02-02-2026
17 ਕੈਂਸਰ ਦਵਾਈਆਂ 'ਤੇ ਆਯਾਤ ਡਿਊਟੀ ਹਟਾ ਦਿੱਤੀ ਗਈ ਹੈ | ਪਹਿਲਾਂ 5% ਡਿਊਟੀ ਲਗਾਈ ਗਈ ਸੀ | ਹੀਮੋਫਿਲਿਆ, ਸਿਕਲ ਸੈੱਲ ਅਨੀਮੀਆ ਤੇ ਮਾਸਪੇਸ਼ੀ ਡਿਸਟ੍ਰੋਫੀ ਵਰਗੀਆਂ 7 ਦੁਰਲੱਭ ਬਿਮਾਰੀਆਂ ਲਈ ਦਵਾਈਆਂ ਵੀ ਡਿਊਟੀ-ਮੁਕਤ ਹੋਣਗੀਆਂ |
ਰੱਖਿਆ ਬਜਟ 6.81 ਲੱਖ ਕਰੋੜ ਤੋਂ ਵਧਾ ਕੇ 7.85 ਲੱਖ ਕਰੋੜ ਕਰ ਦਿੱਤਾ ਗਿਆ ਹੈ, ਜੋ ਕਿ 15.2% ਵਾਧਾ ਹੈ | ਹਥਿਆਰਾਂ ਦੀ ਖਰੀਦ ਤੇ ਆਧੁਨਿਕੀਕਰਨ 'ਤੇ ਖਰਚ ਇਸ ਸਾਲ 2.19 ਲੱਖ ਕਰੋੜ ਹੋਵੇਗਾ, ਜੋ ਕਿ ਪਿਛਲੇ ਸਾਲ 1.80 ਲੱਖ ਕਰੋੜ ਸੀ, ਜੋ ਕਿ 22% ਵਾਧਾ ਹੈ |
7 ਹਾਈ-ਸਪੀਡ ਰੇਲ ਕਾਰੀਡੋਰਾਂ ਦਾ ਐਲਾਨ ਕੀਤਾ ਗਿਆ | ਇਨ੍ਹਾਂ 'ਚ ਮੁੰਬਈ-ਪੁਣੇ, ਪੁਣੇ-ਹੈਦਰਾਬਾਦ, ਹੈਦਰਾਬਾਦ-ਬੈਂਗਲੁਰੂ, ਹੈਦਰਾਬਾਦ-ਚੇਨਈ, ਚੇਨਈ-ਬੈਂਗਲੁਰੂ, ਦਿੱਲੀ-ਵਾਰਾਣਸੀ ਤੇ ਵਾਰਾਣਸੀ-ਸਿਲੀਗੁੜੀ ਸ਼ਾਮਿਲ ਹਨ |
3 ਆਯੁਰਵੈਦਿਕ ਏਮਜ਼ (ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼) ਸਥਾਪਿਤ ਕੀਤੇ ਜਾਣਗੇ | ਮੈਡੀਕਲ ਟੂਰਿਜ਼ਮ ਨੂੰ ਉਤਸ਼ਾਹਿਤ ਕਰਨ ਲਈ 5 ਮੈਡੀਕਲ ਹੱਬ ਵੀ ਬਣਾਏ ਜਾਣਗੇ |
5 ਲੱਖ ਤੋਂ ਵੱਧ ਆਬਾਦੀ ਵਾਲੇ ਟੀਅਰ-2 ਤੇ ਟੀਅਰ-3 ਸ਼ਹਿਰਾਂ ਦੇ ਵਿਕਾਸ ਲਈ 12.2 ਲੱਖ ਕਰੋੜ ਦਾ ਐਲਾਨ ਕੀਤਾ ਗਿਆ ਹੈ |
15,000 ਸੈਕੰਡਰੀ ਸਕੂਲਾਂ ਤੇ 500 ਕਾਲਜਾਂ 'ਚ ਸਮੱਗਰੀ ਸਿਰਜਣਹਾਰ ਪ੍ਰਯੋਗਸ਼ਾਲਾਵਾਂ ਸਥਾਪਿਤ ਕੀਤੀਆਂ ਜਾਣਗੀਆਂ |
ਲਗਭਗ 800 ਜ਼ਿਲਿ੍ਹਆਂ 'ਚ ਕੁੜੀਆਂ ਲਈ ਹੋਸਟਲ ਬਣਾਏ ਜਾਣਗੇ | ਹਰੇਕ ਜ਼ਿਲ੍ਹੇ 'ਚ ਇਕ ਹੋਸਟਲ ਬਣਾਇਆ ਜਾਵੇਗਾ |
