ਸੰਯੁਕਤ ਰਾਸ਼ਟਰ, 7 ਅਪ੍ਰੈਲ (ਪੀ.ਟੀ.ਆਈ.)-ਰੂਸ ਅਤੇ ਚੀਨ ਨੇ ਮੰਗਲਵਾਰ ਨੂੰ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦੇ ਹੋਰਮੁਜ਼ ਜਲਡਮਰੂ ਨੂੰ ਮੁੜ ਖੋਲ੍ਹਣ ਦੇ ਮਤੇ ਨੂੰ ਵੀਟੋ ਕਰ ਦਿੱਤਾ, ਜੋ ਕਿ ਇਕ ਮਹੱਤਵਪੂਰਨ ਸਮੁੰਦਰੀ ਰੋਕ ਹੈ ਜਿੱਥੋਂ ਵਿਸ਼ਵ ਲਈ ਤੇਲ ਦਾ ਪੰਜਵਾਂ ਹਿੱਸਾ ਲੰਘਦਾ ਹੈ ਅਤੇ ਈਰਾਨ ਨੇ ਇਸ ਨੂੰ ਬੰਦ ਕੀਤਾ ਹੋਇਆ ਹੈ | 15 ਦੇਸ਼ਾਂ ਦੀ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ਬਹਿਰੀਨ ਦੁਆਰਾ ਪ੍ਰਸਤਾਵਿਤ ਮਤੇ 'ਤੇ ਵੋਟ ਪਾਈ, ਜਿਸ ਦੇ ਹੱਕ ਵਿਚ 11 ਵੋਟਾਂ ਪਈਆਂ ਅਤੇ ਦੋ ਵਿਰੋਧ ਵਿਚ ਜਦਕਿ ਦੋ ਦੇਸ਼ ਗੈਰ-ਹਾਜ਼ਰ ਰਹੇ | ਇਸ ਤਰ੍ਹਾਂ ਪ੍ਰਸਤਾਵ ਪਾਸ ਨਹੀਂ ਕੀਤਾ ਜਾ ਸਕਿਆ ਕਿਉਂਕਿ ਵੀਟੋ-ਸ਼ਕਤੀਸ਼ਾਲੀ ਸਥਾਈ ਮੈਂਬਰ ਰੂਸ ਅਤੇ ਚੀਨ ਨੇ ਪ੍ਰਸਤਾਵ ਦੇ ਵਿਰੁੱਧ ਵਿਚ ਵੋਟ ਦਿੱਤੀ |
