ਸਮਰਾਟ ਨੇ ਸੰਭਾਲੀ ਬਿਹਾਰ ਦੀ ਕਮਾਨ

ਮੁੱਖ ਮੰਤਰੀ ਵਜੋਂ ਲਿਆ ਹਲਫ਼
ਪਟਨਾ, 15 ਅਪ੍ਰੈਲ (ਪੀ.ਟੀ.ਆਈ.)-ਭਾਜਪਾ ਨੇਤਾ ਸਮਰਾਟ ਚÏਧਰੀ ਨੇ ਬੁੱਧਵਾਰ ਨੂੰ ਬਿਹਾਰ ਦੇ 24ਵੇਂ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ, ਇਹ ਪਹਿਲੀ ਵਾਰ ਹੈ ਕਿ ਭਾਜਪਾ ਦਾ ਕੋਈ ਨੇਤਾ ਰਾਜ 'ਚ ਉੱਚ ਅਹੁਦੇ 'ਤੇ ਪਹੁੰਚਿਆ ਹੈ | ਉਨ੍ਹਾਂ ਨੂੰ ਰਾਜਪਾਲ ਸਈਦ ਅਤਾ ਹਸਨੈਨ ਨੇ ਲੋਕ ਭਵਨ ਵਿਖੇ ਅਹੁਦੇ ਦੀ ਸਹੁੰ ਚੁਕਾਈ, ਜਿਸ ਵਿਚ ਜਨਤਾ ਦਲ (ਯੂ) ਦੇ ਪ੍ਰਧਾਨ ਨਿਤਿਸ਼ ਕੁਮਾਰ, ਜਿਨ੍ਹਾਂ ਨੇ ਇਕ ਦਿਨ ਪਹਿਲਾਂ ਮੁੱਖ ਮੰਤਰੀ ਦਾ ਅਹੁਦਾ ਛੱਡ ਦਿੱਤਾ ਸੀ, ਸਮੇਤ ਕਈ ਪਤਵੰਤਿਆਂ ਦੀ ਮÏਜੂਦਗੀ 'ਚ, ਕੇਂਦਰੀ ਮੰਤਰੀ ਅਤੇ ਸਾਬਕਾ ਭਾਜਪਾ ਪ੍ਰਧਾਨ ਜੇ.ਪੀ. ਨੱਢਾ ਅਤੇ ਬਿਹਾਰ 'ਚ ਸੱਤਾਧਾਰੀ ਐਨ.ਡੀ.ਏ. ਦੇ ਤੀਜੇ ਸਭ ਤੋਂ ਵੱਡੇ ਹਿੱਸੇਦਾਰ ਐਲ.ਜੇ.ਪੀ. (ਆਰ.ਵੀ.) ਦੇ ਮੁਖੀ ਚਿਰਾਗ ਪਾਸਵਾਨ ਸ਼ਾਮਿਲ ਸਨ | ਇਸ ਮÏਕੇ ਜਨਤਾ ਦਲ (ਯੂ) ਦੇ ਬਿਜੇਂਦਰ ਪ੍ਰਸਾਦ ਯਾਦਵ ਅਤੇ ਵਿਜੇ ਕੁਮਾਰ ਚÏਧਰੀ ਨੇ ਵੀ ਸਹੁੰ ਚੁੱਕੀ | ਜੇ.ਡੀ. (ਯੂ) ਦੇ ਦੋ ਨੇਤਾਵਾਂ ਨੂੰ ਉਪ-ਮੁੱਖ ਮੰਤਰੀ ਨਿਯੁਕਤ ਕੀਤਾ ਗਿਆ ਹੈ, ਜੋ ਕਿ ਪਿਛਲੀ ਸਰਕਾਰ 'ਚ ਸੱਤਾ ਸਮੀਕਰਨਾਂ ਦਾ ਉਲਟਾ ਜਾਪਦਾ ਹੈ ਜਦੋਂ ਨਿਤਿਸ਼ ਕੁਮਾਰ ਸਰਕਾਰ ਦੀ ਅਗਵਾਈ ਕਰ ਰਹੇ ਸਨ, ਜਿਸ ਵਿਚ ਸਮਰਾਟ ਚÏਧਰੀ ਅਤੇ ਇਕ ਹੋਰ ਭਾਜਪਾ ਨੇਤਾ ਵਿਜੇ ਕੁਮਾਰ ਸਿਨਹਾ ਉਨ੍ਹਾਂ ਦੇ ਡਿਪਟੀ ਵਜੋਂ ਸੇਵਾ ਨਿਭਾਅ ਰਹੇ ਸਨ | ਸਮਰਾਟ ਚÏਧਰੀ ਲਗਭਗ ਤਿੰਨ ਦਹਾਕਿਆਂ ਤੋਂ ਰਾਜਨੀਤੀ 'ਚ ਹਨ ਹਾਲਾਂਕਿ 57 ਸਾਲਾ ਨੇਤਾ ਸਿਰਫ ਨੌਂ ਸਾਲ ਪਹਿਲਾਂ ਭਾਜਪਾ 'ਚ ਸ਼ਾਮਿਲ ਹੋਏ ਸਨ | ਸਮਰਾਟ ਚÏਧਰੀ ਨੇ ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ ਕਿ ਉਹ ਅੱਜ ਤੋਂ ਹੀ ਕੰਮ ਸ਼ੁਰੂ ਕਰ ਦੇਣਗੇ | ਭਰੋਸਾ ਰੱਖੋ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਸਾਬਕਾ ਮੁੱਖ ਮੰਤਰੀ ਨਿਤਿਸ਼ ਕੁਮਾਰ ਦੁਆਰਾ ਵਿਕਸਿਤ ਕੀਤੇ ਗਏ ਸ਼ਾਸਨ ਦੇ ਮਾਡਲ ਦਾ ਹੀ ਬਿਹਾਰ 'ਚ ਪਾਲਣ ਕੀਤਾ ਜਾਵੇਗਾ | ਉਨ੍ਹਾਂ ਦੇ ਬਣਨ ਦੋ ਸੰਭਾਵਿਤ ਉਪ ਮੁੱਖ ਮੰਤਰੀਆਂ ਨੇ 1980 ਦੇ ਦਹਾਕੇ 'ਚ ਆਪਣਾ ਰਾਜਨੀਤਿਕ ਕਰੀਅਰ ਸ਼ੁਰੂ ਕੀਤਾ ਸੀ ਤੇ ਨਿਤਿਸ਼ ਕੁਮਾਰ ਉਨ੍ਹਾਂ ਦੇ ਤਜਰਬੇ, ਯੋਗਤਾ ਅਤੇ ਰਾਜਨੀਤਿਕ ਵਫ਼ਾਦਾਰੀ ਲਈ ਉਨ੍ਹਾਂ 'ਤੇ ਭਰੋਸਾ ਕਰਦੇ ਸਨ | ਉਨ੍ਹਾਂ ਨੇ ਨਿਤਿਸ਼ ਕੁਮਾਰ ਸਰਕਾਰ 'ਚ ਅਹਿਮ ਮੰਤਰੀ ਅਹੁਦੇ ਸੰਭਾਲੇ ਸਨ ਤੇ ਇਸ ਤੋਂ ਇਲਾਵਾ, ਵਿਜੇ ਕੁਮਾਰ ਚÏਧਰੀ 2015-2020 ਤੱਕ ਵਿਧਾਨ ਸਭਾ ਸਪੀਕਰ ਵੀ ਰਹੇ | ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਮੁੱਖ ਮੰਤਰੀ ਸਮਰਾਟ ਸਕੱਤਰੇਤ ਗਏ ਜਿਥੇ ਉਨ੍ਹਾਂ ਨੇ ਸਰਕਾਰੀ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ, ਜਿਨ੍ਹਾਂ ਨੂੰ ਉਨ੍ਹਾਂ ਨੇ ਆਪਣੇ ਪ੍ਰਸ਼ਾਸਨ ਦੀਆਂ ਤਰਜੀਹਾਂ ਬਾਰੇ ਜਾਣਕਾਰੀ ਦਿੱਤੀ |