ਰਾਜ ਸਭਾ ’ਚ ਪਾਸ ਹੋਇਆ ਵੰਦੇ ਮਾਤਰਮ ਨਾਲ ਜੁੜਿਆ ਸੋਧ ਬਿੱਲ
ਅਜੀਤ ਡੈਸਕ
30-07-2026
ਨਵੀਂ ਦਿੱਲੀ, 29 ਜੁਲਾਈ (ਉਪਮਾ ਡਾਗਾ ਪਾਰਥ)- ਰਾਜ ਸਭਾ ’ਚ ਵੰਦੇ ਮਾਤਰਮ ਨਾਲ ਜੁੜਿਆ ਸੋਧ ਬਿੱਲ ਪਾਸ ਹੋ ਗਿਆ। ਰਾਸ਼ਟਰੀ ਸਨਮਾਨ ਅਪਮਾਨ ਨਿਵਾਰਣ ਸੋਧ (ਬਿੱਲ) 2026 ਦੇ ਪਾਸ ਹੋਣ ਤੋਂ ਬਾਅਦ ਹੁਣ ਜਨ-ਗਣ ਮਨ ਵਾਂਗ ਵੰਦੇ ਮਾਤਰਮ ਨੂੰ ਵੀ ਕਾਨੂੰਨੀ ਸੁਰੱਖਿਆ ਮਿਲੇਗੀ। ਵੰਦੇ ਮਾਤਰਮ ਦਾ ਅਪਮਾਨ ਕਰਨ ਅਤੇ ਗਾਣ ’ਚ ਰੁਕਾਵਟ ਪਾਉਣਾ ਹੁਣ ਸਜ਼ਾਯੋਗ ਜੁਰਮ ਹੋਵੇਗਾ। ਇਸ ਸੋਧ ਬਿੱਲ ਤਹਿਤ 1971 ਦੇ ਮੂਲ ਕਾਨੂੰਨ ’ਚ ਸੋਧ ਦੀ ਵਿਵਸਥਾ ਕੀਤੀ ਗਈ ਹੈ। ਨਵੇਂ ਕਾਨੂੰਨ ’ਚ ਰਾਸ਼ਟਰੀ ਗੀਤ ਦੇ ਅਪਮਾਨ ਲਈ ਤਿੰਨ ਸਾਲ ਤੱਕ ਦੀ ਜੇਲ੍ਹ ਜਾਂ ਜੁਰਮਾਨਾ ਜਾਂ ਦੋਵੇਂ ਲਗਾਏ ਜਾ ਸਕਦੇ ਹਨ।
