16-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 08-09-2026

ਭਾਰਤ-ਲਕਜ਼ਮਬਰਗ ਸੰਬੰਧ ਨਵੇਂ ਪੜਾਅ ’ਚ-ਜੈਸ਼ੰਕਰ

ਭਾਰਤ-ਲਕਜ਼ਮਬਰਗ ਸੰਬੰਧ ਨਵੇਂ ਪੜਾਅ ’ਚ-ਜੈਸ਼ੰਕਰ

Ad Position 21
No active advertisement
ਅਜੀਤ ਡੈਸਕ 08-09-2026

ਐਫ.ਟੀ.ਏ. ਦੇ ਮਜ਼ਬੂਤ ਸਮਰਥਨ ਲਈ ਬੈਟਲ ਦਾ ਕੀਤਾ ਧੰਨਵਾਦ

ਨਵੀਂ ਦਿੱਲੀ, 7 ਸਤੰਬਰ (ਯੂ.ਐਨ.ਆਈ.)-ਭਾਰਤ ਤੇ ਲਕਜ਼ਮਬਰਗ ਨੇ ਦੁਵੱਲੀ ਭਾਈਵਾਲੀ ’ਤੇ ਚਰਚਾ ਕੀਤੀ। ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਸਬੰਧਾਂ ਨੂੰ ਬਹੁਤ ਭਰੋਸੇਮੰਦ ਦੱਸਿਆ ਜਦਕਿ ਲਕਜ਼ਮਬਰਗ ਦੇ ਉਪ-ਪ੍ਰਧਾਨ ਮੰਤਰੀ ਤੇ ਵਿਦੇਸ਼ ਮੰਤਰੀ ਜ਼ੇਵੀਅਰ ਬੈਟਲ ਨੇ ਭਾਰਤ ਦੀ ਕੁਸ਼ਲਤਾ ਤੇ ਵਚਨਬੱਧਤਾਵਾਂ ਨੂੰ ਅਮਲ ’ਚ ਲਿਆਉਣ ’ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਦੀ ਪ੍ਰਸੰਸਾ ਕੀਤੀ। ਨਵੀਂ ਦਿੱਲੀ ’ਚ ਬੈਟਲ ਨਾਲ ਆਪਣੀ ਮੁਲਾਕਾਤ ਦੌਰਾਨ ਜੈਸ਼ੰਕਰ ਨੇ ਕਿਹਾ ਕਿ ਦੋਵਾਂ ਦੇਸ਼ਾਂ ਨੇ ਵਪਾਰ, ਸਪਲਾਈ ਚੇਨ ਲਚਕਤਾ ਤੇ ਵਿਭਿੰਨਤਾ ’ਚ ਉੱਭਰ ਰਹੇ ਨਵੇਂ ਮੌਕਿਆਂ ਨੂੰ ਉਜਾਗਰ ਕਰਦੇ ਹੋਏ ਵਿਸ਼ਵਾਸ ਤੇ ਮਹੱਤਵਪੂਰਨ ਪ੍ਰਗਤੀ ਦੁਆਰਾ ਦਰਸਾਇਆ ਗਿਆ ਇਕ ਰਿਸ਼ਤਾ ਬਣਾਇਆ ਹੈ। ਇਕ ਅਜਿਹੇ ਯੁੱਗ ’ਚ ਜਿੱਥੇ ਆਮ ਤੌਰ ’ਤੇ ਵਿਦੇਸ਼ ਮੰਤਰੀ ਅਨਿਸਚਿਤਤਾਵਾਂ ਤੇ ਦੁਨੀਆ ਨਾਲ ਕੀ ਗਲਤ ਹੋ ਰਿਹਾ ਹੈ ਬਾਰੇ ਚਿੰਤਤ ਹੁੰਦੇ ਹਨ, ਮੈਨੂੰ ਲਗਦਾ ਹੈ ਕਿ ਸਾਡਾ ਇਕ ਬਹੁਤ ਭਰੋਸੇਮੰਦ ਰਿਸ਼ਤਾ ਹੈ। ਇਹ ਇਕ ਅਜਿਹਾ ਰਿਸ਼ਤਾ ਹੈ ਜਿੱਥੇ ਅਸੀਂ ਬਹੁਤ ਕੁਝ ਕੀਤਾ ਹੈ, ਜਿੱਥੇ ਸਾਨੂੰ ਹੋਰ ਵੀ ਕਰਨ ਦੇ ਯੋਗ ਹੋਣ ਦਾ ਵਿਸ਼ਵਾਸ ਹੈ। ਉਨ੍ਹਾਂ ਕਿਹਾ ਕਿ ਸਪਲਾਈ ਚੇਨ ਲਚਕਤਾ ਤੇ ਵਿਭਿੰਨਤਾ, ਭਾਰਤ-ਈ.ਯੂ. ਮੁਕਤ ਵਪਾਰ ਸਮਝੌਤੇ ’ਤੇ ਪ੍ਰਗਤੀ ਨਾਲ ਭਾਈਵਾਲੀ ਲਈ ਨਵੀਆਂ ਦਿਸ਼ਾਵਾਂ ਖੋਲ੍ਹ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਮੈਂ ਇਸ ਮੌਕੇ ਲਕਜ਼ਮਬਰਗ ਦੇ ਮੁਕਤ ਵਪਾਰ ਸਮਝੌਤੇ (ਐਫ.ਟੀ.ਏ.) ਲਈ ਬਹੁਤ ਮਜ਼ਬੂਤ ਸਮਰਥਨ ਲਈ ਤੁਹਾਡਾ ਧੰਨਵਾਦ ਕਰਨਾ ਚਾਹਾਂਗਾ। ਜੈਸ਼ੰਕਰ ਨੇ ਲਕਜ਼ਮਬਰਗ ਦੇ ਅਰਥਚਾਰੇ ਮੰਤਰੀ ਨਾਲ ਬੈਟਲ ਦੀ ਫੇਰੀ ਦਾ ਵੀ ਸਵਾਗਤ ਕੀਤਾ ਤੇ ਕਿਹਾ ਕਿ ਇਹ ਦੋਵਾਂ ਦੇਸ਼ਾਂ ਵਿਚਕਾਰ ਵਧਦੀ ਭਾਈਵਾਲੀ” ਨੂੰ ਦਰਸਾਉਂਦਾ ਹੈ।

Ad Position 22
No active advertisement
ਪਿਛਲੀ ਖ਼ਬਰ ਡੀ.ਏ. ਦਾ ਮਾਮਲਾ ਅਦਾਲਤ ’ਚ ਹੋਣ ਕਾਰਨ ਮੁਲਾਜ਼ਮਾਂ ਦੀ ਹੜਤਾਲ ਗੈਰ ਕਾਨੂੰਨੀ-ਅਮਨ ਅਰੋੜਾ ਅਗਲੀ ਖ਼ਬਰ ਪੰਜਾਬ ਦੀ ਸਿਆਸਤ ’ਚ ਨਵੀਂ ਨਹੀਂ ਹੈ ਅਪਰਾਧਕ ਪਿਛੋਕੜ ਵਾਲੇ ਚਿਹਰਿਆਂ ਦੀ ‘ਐਂਟਰੀ’
Ad Position 24