ਦਸੂਹਾ, 23 ਫਰਵਰੀ (ਕੌਸ਼ਲ)-ਦਸੂਹਾ ਵਿਖੇ ਵਿਧਾਇਕ ਐਡਵੋਕੇਟ ਕਰਮਵੀਰ ਸਿੰਘ ਘੁੰਮਣ ਵਲੋਂ ਰਿਸ਼ੀ ਮੁਹੱਲਾ ਤੋਂ ਰਲਹਣ ਮਾਰਕੀਟ ਤੱਕ ਜਾਣ ਵਾਲੇ ਨਾਲੇ ਦੇ ਨਿਰਮਾਣ ਦੇ ਕੰਮ ਦੀ ਸ਼ੁਰੂਆਤ ਕਰਵਾਈ ਗਈ | ਇਸ ਪ੍ਰਾਜੈਕਟ ਨਾਲ ਮਰਾਸਗੜ੍ਹ ਇਲਾਕੇ ਵਿਚ ਲੰਬੇ ਸਮੇਂ ਤੋਂ ਚੱਲ ਰਹੀ ਗੰਦੇ ਪਾਣੀ ਦੀ ਸਮੱਸਿਆ ਦਾ ਪੱਕਾ ਹੱਲ ਹੋਣ ਦੀ ਉਮੀਦ ਜਤਾਈ ਗਈ ਹੈ | ਇਸ ਮੌਕੇ ਵਿਧਾਇਕ ਘੁੰਮਣ ਨੇ ਕਿਹਾ ਕਿ ਨਾਲਾ ਬਣਨ ਨਾਲ ਨਾ ਸਿਰਫ਼ ਮਰਾਸਗੜ੍ਹ ਦੇ ਗੰਦੇ ਪਾਣੀ ਦੀ ਨਿਕਾਸੀ ਸੁਚਾਰੂ ਹੋਵੇਗੀ, ਸਗੋਂ ਇਲਾਕੇ ਵਿਚ ਸਫ਼ਾਈ ਅਤੇ ਸਿਹਤ ਸੰਬੰਧੀ ਹਾਲਾਤ ਵੀ ਸੁਧਰਨਗੇ | ਇਸ ਸਮੇਂ ਸੀਨੀਅਰ ਸਿਟੀਜ਼ਨ ਓਮਕਾਰ ਰਲਹਨ ਨੇ ਰੀਬਨ ਕੱਟ ਕੇ ਕੰਮ ਦੀ ਅਧਿਕਾਰਕ ਸ਼ੁਰੂਆਤ ਕੀਤੀ | ਸਮਾਗਮ ਦੌਰਾਨ ਈ.ਓ. ਕਮਲਜਿੰਦਰ ਸਿੰਘ, ਅਮਰਪ੍ਰੀਤ ਸਿੰਘ ਖ਼ਾਲਸਾ, ਓਮਕਾਰ ਰਲਹਨ, ਵਿਨੋਦ ਰਲਹਨ (ਮਿੰਟਾ), ਪਿੰਟਾ ਰਲਹਨ, ਸੀਐਮ ਰਲਹਨ, ਸੋਮਨਾਥ ਰਲਹਨ, ਸੰਤੋਖ ਤੋਖੀ, ਤਰਸੇਮ ਪੰਨੂ, ਵਿਕਰਾਂਤ ਸਿੰਘ, ਮੰਗਲ ਸਿੰਘ, ਲਾਟੂ ਹਲਵਾਈ, ਜਸਵੰਤ ਸਿੰਘ ਮਾਸਟਰ, ਮੋਨੂੰ ਭੰਡਾਰੀ, ਗੁਰਮੁੱਖ ਬਾਜਵਾ, ਬਲਬੀਰ ਬਾਜਵਾ, ਸੋਨੂੰ ਮਰਾਸਗੜ੍ਹ, ਸੁਮੀਤ ਕੁਮਾਰ, ਰਾਕੇਸ਼ ਬੱਸੀ ਅਤੇ ਰਾਜੂ ਠਕੁਰਾਲ ਸਮੇਤ ਕਈ ਹੋਰ ਪ੍ਰਮੁੱਖ ਹਸਤੀਆਂ ਮੌਜੂਦ ਸਨ | ਇਲਾਕਾ ਵਾਸੀਆਂ ਨੇ ਇਸ ਪ੍ਰੋਜੈਕਟ ਦੀ ਸ਼ੁਰੂਆਤ 'ਤੇ ਖ਼ੁਸ਼ੀ ਜਤਾਉਂਦੇ ਹੋਏ ਕਿਹਾ ਕਿ ਇਹ ਕੰਮ ਲੰਬੇ ਸਮੇਂ ਤੋਂ ਉਡੀਕਿਆ ਜਾ ਰਿਹਾ ਸੀ ਅਤੇ ਹੁਣ ਸ਼ਹਿਰ ਦੇ ਵਿਕਾਸ ਨੂੰ ਹੋਰ ਗਤੀ ਮਿਲੇਗੀ |
