ਹੁਸ਼ਿਆਰਪੁਰ, 22 ਅਪ੍ਰੈਲ (ਬਲਜਿੰਦਰਪਾਲ ਸਿੰਘ)-ਦਿਵਿਆ ਜੋਤੀ ਜਾਗਿ੍ਤੀ ਸੰਸਥਾ ਵਲੋਂ ਸਥਾਨਕ ਰੌਸ਼ਨ ਗਰਾਉਂਡ 'ਚ ਸ੍ਰੀਮਦ ਭਾਗਵਤ ਕਥਾ ਦੌਰਾਨ ਰੋਜ਼ਾਨਾ ਸ਼ਾਮ 7 ਵਜੇ ਤੋਂ ਰਾਤ 10 ਵਜੇ ਤੱਕ ਵੱਡੀ ਗਿਣਤੀ 'ਚ ਸ਼ਰਧਾਲੂਆਂ ਨੇ ਸ਼ਾਮਿਲ ਹੋ ਕੇ ਭਗਤੀ ਤੇ ਗਿਆਨ ਦਾ ਲਾਭ ਪ੍ਰਾਪਤ ਕੀਤਾ | ਕਥਾ ਵਿਆਸ ਵਿਸ਼ਵ ਪ੍ਰਸਿੱਧ ਭਾਗਵਤ ਭਾਸਕਰ ਆਸ਼ੂਤੋਸ਼ ਮਹਾਰਾਜ ਦੀ ਸ਼ਿਸ਼ਿਆ ਸਾਧਵੀ ਵੈਸ਼ਣਵੀ ਭਾਰਤੀ ਨੇ ਆਪਣੇ ਓਜਸਵੀ ਅਤੇ ਭਾਵਪੂਰਨ ਪ੍ਰਵਚਨਾਂ ਨਾਲ ਸਭ ਨੂੰ ਮੋਹ ਲਿਆ | ਉਨ੍ਹਾਂ ਵਲੋਂ ਪੇਸ਼ ਕੀਤੀ ਕਥਾ ਰਾਹੀਂ ਸ਼ਰਧਾਲੂਆਂ ਨੂੰ ਧਰਮ, ਭਗਤੀ ਅਤੇ ਜੀਵਨ ਮੁੱਲਾਂ ਬਾਰੇ ਡੂੰਘਾ ਸੰਦੇਸ਼ ਮਿਲਿਆ | ਕਥਾ ਦੇ ਵਿਸ਼ਰਾਮ ਸਮੇਂ ਮੁਨੀਸ਼ ਗੁਪਤਾ ਮੁੱਖ ਯਜਮਾਨ, ਦਿਨੇਸ਼ ਕੌਸ਼ਲ, ਗੋਪਾਲ ਅਗਰਵਾਲ, ਜਗਦੀਸ਼ ਅਗਰਵਾਲ ਅਤੇ ਅਗਰਵਾਲ ਸਭਾ ਦੇ ਸਾਰੇ ਮੈਂਬਰਾਂ, ਲੱਕੀ ਠਾਕੁਰ, ਆਸ਼ੀਸ਼ ਗੋਇਲ, ਅਸ਼ਵਨੀ ਛੋਟਾ, ਯੁਵਾ ਵਾਹਿਨੀ ਕਮੇਟੀ ਦੇ ਮੈਂਬਰਾਂ, ਪਵਨ ਸ਼ਰਮਾ ਅਤੇ ਕਿ੍ਸ਼ਨ ਗੋਪਾਲ ਆਨੰਦ ਭਾਰਤੀ ਸਨਾਤਨ ਧਰਮ ਮਹਾਵੀਰ ਦਲ, ਸੰਜੀਵ ਗੁਪਤਾ, ਸੰਜੀਵ ਕੁਮਾਰ ਓਹਰੀ, ਸ਼ਹਿਰ ਦੇ ਪ੍ਰਮੁੱਖ ਵਿਅਕਤੀਆਂ ਅਤੇ ਵੱਖ-ਵੱਖ ਸੰਸਥਾਵਾਂ ਵਲੋਂ ਸਾਧਵੀ ਵੈਸ਼ਣਵੀ ਭਾਰਤੀ ਨੂੰ ਸਨਮਾਨਿਤ ਕੀਤਾ ਗਿਆ | ਸੰਸਥਾ ਵਲੋਂ ਸਾਰੇ ਸਹਿਯੋਗੀਆਂ, ਸ਼ਰਧਾਲੂਆਂ ਅਤੇ ਆਯੋਜਕਾਂ ਦਾ ਧੰਨਵਾਦ ਕੀਤਾ |
