ਹੁਸ਼ਿਆਰਪੁਰ, 26 ਅਪ੍ਰੈਲ (ਸ.ਰ)-ਸਿਟੀ ਪੁਲਿਸ ਨੇ ਮਾਰਕੁੱਟ ਕਰਨ ਅਤੇ ਜ਼ਬਰਦਸਤੀ ਪਲਾਟ 'ਤੇ ਕਬਜ਼ਾ ਕਰਨ ਦੇ ਦੋਸ਼ 'ਚ 4 ਵਿਅਕਤੀਆਂ ਨੂੰ ਨਾਮਜ਼ਦ ਕਰਕੇ ਮਾਮਲਾ ਦਰਜ਼ ਕੀਤਾ ਹੈ | ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਬੀਰਬਲ ਨਗਰ ਦੇ ਵਾਸੀ ਰਮਨ ਡੋਗਰਾ ਪੁੱਤਰ ਰਮੇਸ਼ ਚੰਦਰ ਡੋਗਰਾ ਨੇ ਦੱਸਿਆ ਕਿ ਕੁੱਝ ਵਿਅਕਤੀਆਂ ਵਲੋਂ 11 ਅਪ੍ਰੈਲ ਨੂੰ ਦਸਹਿਰਾ ਗਰਾਊਾਡ ਕੋਲ ਉਸਦੇ 203 ਮਰਲੇ ਦੇ ਪਲਾਟ, ਨੇੜੇ ਮੋਤੀ ਮਹਲ, ਹੁਸ਼ਿਆਰਪੁਰ 'ਤੇ ਟਰੈਕਟਰ-ਟਰਾਲੀ ਨਾਲ ਕੰਧ ਡਾਹ ਕੇ ਜ਼ਬਰਦਸਤੀ ਪਲਾਟ ਵਿਚ ਦਾਖਲ ਹੋ ਕੇ ਕੰਮ ਕਰ ਰਹੇ ਮਜ਼ਦੂਰਾਂ ਨਾਲ ਕੁੱਟਮਾਰ ਕਰਕੇ ਉਨ੍ਹਾਂ ਨੂੰ ਧਮਕੀਆਂ ਦਿੱਤੀਆਂ | ਉਸਨੇ ਇਹ ਵੀ ਦੋਸ਼ ਲਗਾਇਆ ਕਿ ਕਥਿਤ ਦੋਸ਼ੀਆਂ ਨੇ ਕੁੱਟਮਾਰ ਅਤੇ ਜ਼ਬਰਦਸਤੀ ਦਾਖ਼ਲੇ ਤੋਂ ਬਾਅਦ ਪਲਾਟ 'ਤੇ ਪਿਆ ਇਮਾਰਤੀ ਸਮਾਨ ਵੀ ਚੱਕ ਕੇ ਲੈ ਗਏ | ਪੁਲਿਸ ਨੇ ਸੀਨੀਅਰ ਕਾਂਗਰਸੀ ਆਗੂ ਵਿਸ਼ਵਨਾਥ ਉਰਫ਼ ਬੰਟੀ, ਕੌਂਸਲਰ ਨਵਾਬ ਦੋਵੇਂ ਵਾਸੀ ਮੁਹੱਲਾ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਨਗਰ, ਹੁਸ਼ਿਆਰਪੁਰ, ਅਜੈ ਰਾਣਾ ਗਾਂਧੀ ਅਤੇ ਮਨੀ ਅਤੇ ਕੁੱਝ ਅਣਪਛਾਤੇ ਵਿਅਕਤੀ ਨੂੰ ਨਾਮਜ਼ਦ ਕਰਕੇ ਮਾਮਲਾ ਦਰਜ਼ ਕਰ ਲਿਆ ਹੈ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ |
