ਤਲਵਾੜਾ, 30 ਮਈ (ਮਹਿਤਾ)-ਦਾਤਾਰਪੁਰ ਦੇ ਗੁਆਂਢੀ ਪਿੰਡ ਨਗਰ ਤੇ ਨੇੜਲੇ ਹੋਰ ਪਿੰਡਾਂ ਵਿਚ ਵੀ ਪਿਛਲੇ ਲੰਬੇ ਸਮੇਂ ਤੋਂ ਬਾਂਦਰਾਂ ਨੇ ਖ਼ੂਬ ਆਂਤਕ ਮਚਾਇਆ ਹੋਇਆ ਹੈ | ਪਿੰਡ ਨਗਰ ਦਾ ਐਲੀਮੈਂਟਰੀ ਸਕੂਲ ਜੋ ਕਿ ਮੇਨ ਰੋਡ 'ਤੇ ਸਥਿਤ ਹੈ, ਬਾਂਦਰ ਸਕੂਲ ਦੀ ਚਾਰਦੀਵਾਰੀ 'ਤੇ ਹਰ ਸਮੇਂ ਬੈਠੇ ਰਹਿੰਦੇ ਹਨ, ਜਿਸ ਨਾਲ ਸਕੂਲ ਦੇ ਵਿਦਿਆਰਥੀਆਂ ਤੇ ਹੋਰ ਰਾਹਗੀਰਾਂ ਨੂੰ ਹਰ ਸਮੇਂ ਖਤਰਾ ਬਣਿਆ ਹੋਇਆ ਹੈ | ਇਸ ਤੋਂ ਇਲਾਵਾ ਬਾਂਦਰ ਪਿੰਡ ਦੇ ਘਰਾਂ ਵਿਚ ਜਾ ਕੇ ਪੀਣ ਦੇ ਪਾਣੀ ਦੀਆਂ ਟੈਂਕੀਆਂ, ਹੋਰ ਘਰਾਂ ਦਾ ਜ਼ਰੂਰੀ ਸਾਮਾਨ ਤੋੜ ਜਾਂਦੇ ਹਨ | ਜੇਕਰ ਇਨ੍ਹਾਂ ਦਾ ਸਾਹਮਣਾ ਕੀਤਾ ਜਾਵੇ ਤਾਂ ਇਹ ਹਮਲਾ ਕਰ ਦਿੰਦੇ ਹਨ | ਪਿੰਡ ਨਗਰ ਦੇ 2 ਵਿਅਕਤੀ ਪਿਛਲੇ ਦਿਨੀਂ ਜ਼ਖ਼ਮੀ ਵੀ ਹੋ ਚੁੱਕੇ ਹਨ | ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਇਨ੍ਹਾਂ ਖ਼ੁਖਾਂਰ ਬਾਂਦਰਾਂ 'ਤੇ ਲਾਗਾਮ ਕੱਸੀ ਜਾਵੇ |
