ਤਲਵਾੜਾ, 8 ਜੂਨ (ਮਹਿਤਾ)-ਦਾਤਾਰਪੁਰ ਦੇ ਨਜਦੀਕੀ ਪਿੰਡ ਦੇਪੁਰ ਵਿਖੇ ਸਥਿਤ ਬਾਬਾ ਈਸਰ ਦਾਸ ਮਹਾਰਾਜ ਦੇ ਪਾਵਨ ਦਰਬਾਰ 'ਚ ਉਨ੍ਹਾਂ ਦੇ ਪ੍ਰਕਾਸ਼ ਉਤਸਵ ਮੌਕੇ ਕਰਵਾਏ ਵਿਸ਼ਾਲ ਮੇਲੇ 'ਚ ਦਸੂਹਾ ਤੋਂ ਕਾਂਗਰਸ ਪਾਰਟੀ ਦੇ ਸਾਬਕਾ ਅਰੁਣ ਕੁਮਾਰ ਮਿੱਕੀ ਡੋਗਰਾ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ | ਇਸ ਮੌਕੇ ਸ੍ਰੀ ਡੋਗਰਾ ਨੇ ਬਾਬਾ ਜੀ ਦੀ ਪ੍ਰਤਿਮਾ ਅੱਗੇ ਮੱਥਾ ਟੇਕਿਆ ਤੇ ਆਸੀਰਵਾਦ ਪ੍ਰਾਪਤ ਕੀਤਾ | ਸਾਬਕਾ ਵਿਧਾਇਕ ਸ੍ਰੀ ਡੋਗਰਾ ਨੇ ਕਿਹਾ ਕਿ ਬਾਬਾ ਈਸਰ ਦਾਸ ਮਹਾਰਾਜ ਵਰਗੇ ਮਹਾਨ ਸੰਤ ਮਹਾਂਪੁਰਖਾਂ ਨੂੰ ਸਮਰਪਿਤ ਮੇਲੇ ਨਾ ਸਿਰਫ ਲੋਕਾਂ 'ਚ ਧਾਰਮਿਕ ਆਸਥਾ ਨੂੰ ਮਜ਼ਬੂਤ ਕਰਦੇ ਹਨ, ਸਗੋ ਆਪਸੀ ਪ੍ਰੇਮ, ਭਾਈਚਾਰੇ ਤੇ ਸਮਾਜਿਕ ਏਕਤਾ ਦਾ ਸੰਦੇਸ਼ ਵੀ ਦਿੰਦੇ ਹਨ | ਸਮਾਗਮ ਦੌਰਾਨ ਦਰਬਾਰ ਦੀ ਪ੍ਰਬੰਧਕੀ ਕਮੇਟੀ ਵਲੋਂ ਸਾਬਕਾ ਵਿਧਾਇਕ ਡੋਗਰਾ ਤੇ ਸੀਨੀਅਰ ਕਾਂਗਰਸੀ ਨੇਤਾ ਰਾਜੀਵ ਸ਼ਰਮਾ 'ਸੰਜੀਵਨੀ' ਸਪੁੱਤਰ ਸਵ. ਪਿ੍. ਰਤਨ ਲਾਲ ਸ਼ਰਮਾ ਨੂੰ ਸਿਰੋਪਾਓ ਭੇਟ ਕਰਕੇ ਸਨਮਾਨਿਤ ਕੀਤਾ | ਇਸ ਮੌਕੇ ਪ੍ਰਧਾਨ ਪਵਨ ਸਿੰਘ, ਹਰੀ ਸਿੰਘ, ਵਿਜੈ ਮਾਲੀਆ, ਮੌਂਟੀ ਸ਼ਰਮਾ, ਦਿਲਬਾਗ ਸਿੰਘ, ਕੇਵਲ ਸਿੰਘ, ਪ੍ਰਕਾਸ਼ ਡਡਵਾਲ, ਕਾਹਨ ਸਿੰਘ, ਦੀਪੂ ਮਹੰਤ, ਰਾਜ ਕੁਮਾਰ ਰਾਣਾ, ਸੰਨੀ ਰਾਣਾ ਆਦਿ ਸ਼ਰਧਾਲੂ ਹਾਜ਼ਰ ਸਨ |
