ਹੁਸ਼ਿਆਰਪੁਰ, 13 ਜੂਨ (ਬਲਜਿੰਦਰਪਾਲ ਸਿੰਘ)-ਸਨਿਚਰਵਾਰ ਤੜਕੇ ਆਈ ਤੇਜ਼ ਹਨੇ੍ਹਰੀ ਤੇ ਮੂਸਲਾਧਾਰ ਮੀਂਹ ਦੇ ਚੱਲਦਿਆਂ ਪਿੰਡ ਖਰੜ ਰਾਵਲ ਬੱਸੀ 'ਚ ਸਥਿਤ ਸਤਿਗੁਰੂ ਰਾਈਸ ਮਿਲ ਦੀ ਕੀਮਤੀ ਮਸ਼ੀਨਰੀ 'ਤੇ ਲੱਗੀ ਟੀਨਸ਼ੈਡ ਉੱਡ ਗਈ, ਜਿਸ ਨਾਲ ਅੰਦਰ ਲੱਗੀ ਮਹਿੰਗੀ ਮਸ਼ੀਨਰੀ ਬੁਰੀ ਤਰ੍ਹਾਂ ਨਾਲ ਨੁਕਸਾਨੀ ਗਈ, ਜਿਸ ਨਾਲ ਮਿਲ ਮਾਲਕਾਂ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ, ਹਾਲਾਂਕਿ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ | ਇਸ ਸੰਬੰਧੀ ਮਿਲ ਮਾਲਕ ਆਸ਼ੀਸ਼ ਗੁਪਤਾ ਨੇ ਦੱਸਿਆ ਕਿ ਸਨਿਚਰਵਾਰ ਤੜਕੇ ਕਰੀਬ ਢਾਈ ਤੋਂ ਸਾਢੇ ਤਿੰਨ ਵਜੇ ਅਚਾਨਕ ਆਈ ਤੇਜ਼ ਹਨ੍ਹੇਰੀ ਤੇ ਭਾਰੀ ਮੀਂਹ ਨਾਲ ਆਏ ਤੂਫ਼ਾਨ ਨੇ ਉਨ੍ਹਾਂ ਦੀ ਮਿਲ 'ਚ ਲੱਗੀ ਮਸ਼ੀਨਰੀ 'ਤੇ ਲੱਗੀ ਵੱਡੀ ਟੀਨ ਸ਼ੈੱਡ ਉੱਡ ਗਈ, ਜਿਸ ਨਾਲ ਸ਼ੈੱਡ ਥੱਲੇ ਲੱਗੀ ਮਹਿੰਗੀ ਮਸ਼ੀਨਰੀ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ | ਉਨ੍ਹਾਂ ਦੱਸਿਆ ਕਿ ਘਟਨਾ ਦੇ ਚੱਲਦਿਆਂ ਕੋਈ ਜਾਨੀ ਨੁਕਸਾਨ ਤਾਂ ਨਹੀਂ ਹੋਇਆ ਪਰ ਉਨ੍ਹਾਂ ਦਾ ਲਗਪਗ 35 ਲੱਖ ਰੁਪਏ ਦਾ ਨੁਕਸਾਨ ਹੋਇਆ ਹੈ |
