ਮੀਂਹ ਝੋਨੇ ਦੀ ਫ਼ਸਲ ਲਈ ਲਾਹੇਵੰਦ, ਮੌਸਮ ਹੋਇਆ ਠੰਢਾ

 ਹਾਜੀਪੁਰ, 12 ਜੁਲਾਈ (ਜੋਗਿੰਦਰ ਸਿੰਘ)- ਕਸਬਾ ਹਾਜੀਪੁਰ ਤੇ ਆਸ ਪਾਸ ਦੇ ਇਲਾਕੇ ’ਚ ਅੱਜ ਪਏ ਭਾਰੀ ਮੀਂਹ ਕਰਕੇ ਲੋਕਾਂ ਨੂੰ ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਅੱਤ ਦੀ ਗਰਮੀ ਤੋਂ ਰਾਹਤ ਮਿਲੀ ਹੈ। ਭਾਰੀ ਮੀਂਹ ਕਰਕੇ ਕਸਬਾ ਹਾਜੀਪੁਰ ਦੇ ਨੀਵੇਂ ਬਾਜ਼ਾਰ ’ਚ ਪਾਣੀ ਭਰ ਗਿਆ ਜਿਸ ਕਰਕੇ ਲੋਕਾਂ ਨੂੰ ਗੁਜ਼ਰਨ ਸਮੇਂ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਬਰਖਾ ਝੋਨੇ ਦੀ ਫ਼ਸਲ ਲਈ ਲਾਹੇਵੰਦ ਹੈ। ਕਿਸਾਨ ਜਗਦੀਪ ਸਿੰਘ, ਕਰਨੈਲ ਸਿੰਘ, ਦਵਿੰਦਰ ਸਿੰਘ, ਸੰਤੋਖ ਸਿੰਘ, ਕੁਲਦੀਪ ਸਿੰਘ ਨੇ ਦੱਸਿਆ ਕਿ ਬਰਖਾ ਪੈਣ ਕਰਕੇ ਝੋਨੇ ਦੀ ਗਰੋਥ ਹੋਵੇਗੀ ਤੇ ਰਹਿੰਦੀਆਂ ਜ਼ਮੀਨਾਂ ’ਚ ਵੀ ਝੋਨਾ ਲੱਗ ਜਾਵੇਗਾ ਤੇ ਕਿਸਾਨਾਂ ਨੂੰ ਇੰਜਨਾਂ ਤੇ ਡੀਜ਼ਲ ਨਹੀਂ ਫੁਕਣਾ ਪਵੇਗਾ ਉਨ੍ਹਾਂ ਨੂੰ ਆਰਥਿਕ ਲਾਭ ਹੋਵੇਗਾ।