ਡਰੱਗ-ਐਂਡ ਸੋਸ਼ਲ ਇਕਨਾਮਿਕ ਸਰਵੇ ਕਰਨ ਵਾਲੇ ਅਮਲੇ ਦਾ ਮਾਣ ਭੱਤਾ ਤੁਰੰਤ ਜਾਰੀ ਕੀਤਾ ਜਾਵੇ-ਆਗੂ

ਕੋਟਫ਼ਤੂਹੀ, 12 ਅਗਸਤ (ਅਵਤਾਰ ਸਿੰਘ ਅਟਵਾਲ)-ਚੱਬੇਵਾਲ ਹਲਕੇ ਲਈ ਤਾਇਨਾਤ ਕੀਤੇ ਡਰੱਗ-ਐਂਡ ਸੋਸ਼ਲ ਇਕਨਾਮਿਕ ਸਰਵੇ ਕਰਨ ਵਾਲੇ ਅਮਲੇ ਵਲੋਂ ਕੀਤੇ ਡੋਰ-ਟੂ-ਡੋਰ ਸਰਵੇ ਦਾ ਮਿਹਨਤਾਨਾ ਜਾਰੀ ਨਾ ਕਰਨ ਦੇ ਵਿਰੋਧ ਵਿਚ ਗੌਰਮਿੰਟ ਟੀਚਰਜ਼ ਯੂਨੀਅਨ ਵਲੋਂ ਆਪਣਾ ਰੋਸ ਪ੍ਰਗਟ ਕਰਦੇ ਹੋਏ ਮੰਗ ਕੀਤੀ ਗਈ ਕਿ ਡਰੱਗ-ਐਂਡ ਸੋਸ਼ਲ ਇਕਨਾਮਿਕ ਸਰਵੇ ਕਰਨ ਵਾਲੇ ਅਮਲੇ ਦਾ ਮਾਣ ਭੱਤਾ ਬਿਨਾਂ ਕਿਸੇ ਦੇਰੀ ਦੇ ਤੁਰੰਤ ਜਾਰੀ ਕੀਤਾ ਜਾਵੇ। ਕੋਟਫ਼ਤੂਹੀ ਵਿਖੇ ਮੀਟਿੰਗ ਦੌਰਾਨ ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਗੌਰਮਿੰਟ ਟੀਚਰਜ਼ ਯੂਨੀਅਨ ਬਲਾਕ ਕੋਟਫ਼ਤੂਹੀ ਪ੍ਰਧਾਨ ਨਰਿੰਦਰ ਅਜਨੋਹਾ, ਉਂਕਾਰ ਸਿੰਘ ਅਤੇ ਪੁਰਾਣੀ ਪੈਨਸ਼ਨ ਬਹਾਲੀ ਸੰਘਰਸ਼ ਕਮੇਟੀ ਆਗੂ ਅਜੇ ਕੁਮਾਰ ਨੇ ਕਰਦੇ ਕਿਹਾ ਕਿ ਸਰਕਾਰ ਵੱਲੋਂ ਇਸ ਕੰਮ ਲਈ ਅਧਿਆਪਕਾਂ ਨੂੰ ਅੱਤ ਦੀ ਪਈ ਗਰਮੀ ਵਿਚ ਡਰੱਗ-ਐਂਡ ਸੋਸ਼ਲ ਇਕਨਾਮਿਕ ਸਰਵੇ ਲਈ ਘਰ-ਘਰ ਘੁਮਾਇਆ ਅਤੇ ਜਦੋਂ ਇਸ ਕੰਮ ਦੇ ਬਦਲੇ ਬਣਦੇ ਮਾਣ ਭੱਤੇ ਦੀ ਵਾਰੀ ਆਈ ਤਾਂ ਉਹ ਸਮੇਂ ਸਿਰ ਜਾਰੀ ਨਹੀਂ ਕੀਤਾ ਜਾ ਰਿਹਾ।