ਗੋਲਡ ਮੈਡਲ ਜੇਤੂ ਰਿਤਿਕਾ ਅਰੋੜਾ ਦਾ ਬ੍ਰਾਹਮਣ ਸਭਾ ਵਲੋਂ ਸਨਮਾਨ
ਗੜ੍ਹਸ਼ੰਕਰ, 12 ਸਤੰਬਰ (ਧਾਲੀਵਾਲ)-ਗੜ੍ਹਸ਼ੰਕਰ ਦੀ ਹੋਣਹਾਰ ਧੀ ਰਿਤਿਕਾ ਅਰੋੜਾ ਪੁੱਤਰੀ ਰੁਮੇਸ਼ ਕੁਮਾਰ ਗੋਲਡੀ ਵਨੋਂ ਜੀ. ਐੱਨ.
ਗੜ੍ਹਸ਼ੰਕਰ, 12 ਸਤੰਬਰ (ਧਾਲੀਵਾਲ)-ਗੜ੍ਹਸ਼ੰਕਰ ਦੀ ਹੋਣਹਾਰ ਧੀ ਰਿਤਿਕਾ ਅਰੋੜਾ ਪੁੱਤਰੀ ਰੁਮੇਸ਼ ਕੁਮਾਰ ਗੋਲਡੀ ਵਨੋਂ ਜੀ. ਐੱਨ. ਏ. ਯੂਨੀਵਰਸਿਟੀ ਵਲੋਂ ਸੋਨ ਤਗਮਾ ਹਾਸਿਲ ਕਰਕੇ ਇਲਾਕੇ ਦਾ ਨਾਂਅ ਰੌਸ਼ਨ ਕੀਤਾ ਹੈ। ਰਿਤਿਕਾ ਅਰੋੜਾ ਦੀ ਇਸ ਪ੍ਰਾਪਤੀ ’ਤੇ ਸ੍ਰੀ ਬ੍ਰਾਹਮਣ ਸਭਾ ਗੜ੍ਹਸ਼ੰਕਰ ਵਲੋਂ ਪ੍ਰਧਾਨ ਠੇਕੇਦਾਰ ਕੁਲਭੂਸ਼ਨ ਸ਼ੋਰੀ ਦੀ ਅਗਵਾਈ ਹੇਠ ਮੋਹਤਵਰ ਸ਼ਖ਼ਸੀਅਤਾਂ ਵਲੋਂ ਰਿਤਿਕਾ ਅਰੋੜਾ ਤੇ ਉਸ ਦੇ ਪਰਿਵਾਰ ਦਾ ਵਿਸ਼ੇਸ਼ ਸਨਮਾਨ ਕੀਤਾ। ਇਸ ਮੌਕੇ ਠੇਕੇਦਾਰ ਕੁਲਭੂਸ਼ਨ ਸ਼ੋਰੀ, ਕੌਂਸਲਰ ਪੰਡਿਤ ਵਿਕਰਾਂਤ ਰਣਦੇਵ, ਮਹੰਤ ਸ਼ਸ਼ੀ ਭੂਸ਼ਨ ਨੇ ਦੱਸਿਆ ਕਿ ਸਾਡੇ ਲਈ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਰਿਤਿਕਾ ਅਰੋੜਾ ਨੇ ਜੀ. ਐੱਨ. ਏ. ਯੂਨੀਵਰਸਿਟੀ ਵਿਖੇ 40 ਦੇ ਕਰੀਬ ਕਾਲਜਾਂ ਦੇ ਮੁਕਾਬਲੇ ਵਿਚ ਸੋਨ ਤਗਮਾ ਜਿੱਤ ਕੇ ਪਰਿਵਾਰ ਤੇ ਗੜ੍ਹਸ਼ੰਕਰ ਦਾ ਨਾਂਅ ਰੌਸ਼ਨ ਕੀਤਾ ਹੈ। ਉਨ੍ਹਾਂ ਇਸ ਪ੍ਰਾਪਤੀ ਲਈ ਪਰਿਵਾਰ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਪਵਨ ਕੁਮਾਰ ਹੈਪੀ, ਅਮਨਦੀਪ ਅੱਪੂ, ਵਿਨੈ ਸ਼ਰਮਾ, ਅਜੇ ਅਗਨੀਹੋਤਰੀ, ਪੰਡਿਤ ਰਾਕੇਸ਼ ਗਰਗ ਤੇ ਹੋਰ ਮੁਹਤਬਰ ਹਾਜ਼ਰ ਹੋਏ।
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
