ਬਰਸੀ ’ਤੇ ਵਿਸ਼ੇਸ਼-ਸੰਗੀਤਕਾਰ ਪ੍ਰੋ. ਦਰਸ਼ਨ ਸਿੰਘ ‘ਕੋਮਲ’ ਨੰਗਲ ਕਲਾਂ
ਕੋਟਫ਼ਤੂਹੀ-ਸੰਗੀਤਕਾਰ, ਕਵੀਰਾਜ, ਪ੍ਰੋ. ਦਰਸ਼ਨ ਸਿੰਘ ‘ਕੋਮਲ’ ਦਾ ਜਨਮ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਨੰਗਲ ਕਲਾਂ ਵਿਖੇ ਇਕ ਗ਼ਰੀਬ ਪਰਿਵਾਰ ਵਿਚ ਹੋਇਆ।
ਕੋਟਫ਼ਤੂਹੀ-ਸੰਗੀਤਕਾਰ, ਕਵੀਰਾਜ, ਪ੍ਰੋ. ਦਰਸ਼ਨ ਸਿੰਘ ‘ਕੋਮਲ’ ਦਾ ਜਨਮ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਪਿੰਡ ਨੰਗਲ ਕਲਾਂ ਵਿਖੇ ਇਕ ਗ਼ਰੀਬ ਪਰਿਵਾਰ ਵਿਚ ਹੋਇਆ। ਆਪ ਨੂੰ ਆਪਣੇ ਬਚਪਨ ਤੋਂ ਹੀ ਸੰਗੀਤ ਵੱਲ ਬਹੁਤ ਰੁਝਾਨ ਹੋਣ ਕਰ ਕੇ ਆਪ ਨੇ ਆਪਣੀ ਲਗਪਗ 44 ਕੁ ਸਾਲ ਦੀ ਉਮਰ ’ਚ ਸੰਗੀਤ ਦੀ ਦੁਨੀਆ ਵਿਚ ਉਹ ਮਹਾਨ ਕੰਮ ਕੀਤੇ, ਜਿਸ ਲਈ ਅੱਜ ਵੀ ਦੁਨੀਆ ਆਪ ਨੂੰ ਯਾਦ ਕਰਦੀ ਹੈ, ਆਪ ਉੱਘੇ ਸੰਗੀਤਕਾਰ, ਗੀਤਕਾਰ, ਵਿਆਖਿਆਕਾਰ ’ਤੇ ਜੋਤਸ਼ ਵਿੱਦਿਆ ਦੇ ਮਾਹਿਰ ਵਿਦਵਾਨ ਸਨ। ਆਪ ਨੇ ਅਨੇਕਾਂ ਬੇਸਹਾਰੇ, ਨੇਤਰਹੀਣ, ਅਨਾਥਾਂ ਨੂੰ ਸੰਗੀਤ ਵਿਚ ਨਿਪੁੰਨ ਕਰ ਕੇ ਉਨ੍ਹਾਂ ਨੂੰ ਜਿਊਣ ਦਾ ਗੁਰ ਸਿਖਾਇਆ ’ਤੇ ਵੱਖ-ਵੱਖ ਪਿੰਡਾਂ ਵਿਚ ਗੁਰੂ ਨਾਨਕ ਸੰਗੀਤ ਵਿਦਿਆਲੇ ਖੋਲ੍ਹ ਕੇ ਅਣਗਿਣਤ ਸੰਗੀਤ ਪ੍ਰੇਮੀਆ ਨੂੰ ਗਿਆਨ ਦੀ ਦਾਤ ਬਖ਼ਸ਼ੀ। ਆਪ ਦੀ 65 ਵੀਂ ਸਾਲਾਨਾ ਬਰਸੀ ਪ੍ਰੋ. ਦਰਸ਼ਨ ਸਿੰਘ ਕੋਮਲ ਟਰੱਸਟ ਤੇ ਪਰਿਵਾਰ ਵਲੋਂ 19 ਸਤੰਬਰ ਨੂੰ ਗੁਰਦੁਆਰਾ ਸਿੰਘ ਸਭਾ ਨੰਗਲ ਕਲਾਂ ਵਿਖੇ ਮਨਾਈ ਜਾ ਰਹੀ ਹੈ। ਇਸ ਮੌਕੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਠ ਦੇ ਭੋਗ ਤੋਂ ਉਪਰੰਤ ਧਾਰਮਿਕ ਦੀਵਾਨ ਸਜਾਏ ਜਾਣਗੇ। -ਅਵਤਾਰ ਸਿੰਘ ਅਟਵਾਲ
