ਸਿਹਤ ਵਿਭਾਗ ਵਲੋਂ ਸ਼ਹਿਰ ਦੀ ਪ੍ਰਸਿੱਧ ਬੇਕਰੀ ਦੀ ਚੈਕਿੰਗ, ਅਨੇਕਾਂ ਖ਼ਾਮੀਆਂ ਪਾਈਆਂ ਗਈਆਂ
ਹੁਸ਼ਿਆਰਪੁਰ, 4 ਅਕਤੂਬਰ (ਬਲਜਿੰਦਰਪਾਲ ਸਿੰਘ, ਹਰਪ੍ਰੀਤ ਕੌਰ)-ਹੁਸ਼ਿਆਰਪੁਰ ਸ਼ਹਿਰ ਦੀ ਸਭ ਤੋ ਵੱਧ ਚੱਲਣ ਵਾਲੀ ਰਾਜੇਸ਼ ਬੇਕਰੀ ’ਤੇ ਜ਼ਿਲ੍ਹਾ ਸਿਹਤ ਅਫ਼ਸਰ ਡਾ. ਜਤਿੰਦਰ ਭਾਟੀਆ ਤੇ ਉਨ੍ਹਾਂ ਦੀ ਟੀਮ ਵਲੋਂ ਚੈਕਿੰਗ ਕੀਤੀ ਗਈ ਅਤੇ ਇਸ ਦੌਰਾਨ ਸਿਹਤ ਵਿਭਾਗ ਦੀ ਟੀਮ ਹੈਰਾਨ ਰਹਿ ਗਈ ਕਿਉਂਕਿ ਜੋ ਰਜੇਸ਼ ਬੇਕਰੀ ਵਲੋਂ ਜੋ ਭੋਜਨ ਲੋਕਾਂ ਨੂੰ ਪਰੋਸਿਆ ਜਾ ਰਿਹਾ ਸੀ, ’ਚ ਸਫ਼ਾਈ ਨੂੰ ਕੇ ਅਨੇਕਾਂ ਖਾਮੀਆਂ ਸਨ।
ਹੁਸ਼ਿਆਰਪੁਰ, 4 ਅਕਤੂਬਰ (ਬਲਜਿੰਦਰਪਾਲ ਸਿੰਘ, ਹਰਪ੍ਰੀਤ ਕੌਰ)-ਹੁਸ਼ਿਆਰਪੁਰ ਸ਼ਹਿਰ ਦੀ ਸਭ ਤੋ ਵੱਧ ਚੱਲਣ ਵਾਲੀ ਰਾਜੇਸ਼ ਬੇਕਰੀ ’ਤੇ ਜ਼ਿਲ੍ਹਾ ਸਿਹਤ ਅਫ਼ਸਰ ਡਾ. ਜਤਿੰਦਰ ਭਾਟੀਆ ਤੇ ਉਨ੍ਹਾਂ ਦੀ ਟੀਮ ਵਲੋਂ ਚੈਕਿੰਗ ਕੀਤੀ ਗਈ ਅਤੇ ਇਸ ਦੌਰਾਨ ਸਿਹਤ ਵਿਭਾਗ ਦੀ ਟੀਮ ਹੈਰਾਨ ਰਹਿ ਗਈ ਕਿਉਂਕਿ ਜੋ ਰਜੇਸ਼ ਬੇਕਰੀ ਵਲੋਂ ਜੋ ਭੋਜਨ ਲੋਕਾਂ ਨੂੰ ਪਰੋਸਿਆ ਜਾ ਰਿਹਾ ਸੀ, ’ਚ ਸਫ਼ਾਈ ਨੂੰ ਕੇ ਅਨੇਕਾਂ ਖਾਮੀਆਂ ਸਨ। ਚੈਕਿੰਗ ਦੌਰਾਨ ਸਾਹਮਣੇ ਆਇਆ ਕਿ ਬੇਕਰੀ ’ਚ ਗੰਦਗੀ ਨਾਲ ਲਿੱਬੜੀਆਂ ਟਰੇਆਂ ’ਚ ਪੈਟੀ ਕੁਲਚੇ ਤੇ ਹੋਰ ਖਾਣ ਵਾਲਾ ਸਾਮਾਨ ਪਿਆ ਹੋਇਆ ਸੀ। ਇਸ ਦੌਰਾਨ ਮਹਿਜ਼ ਪੰਜ ਰੁਪਏ ਵਿਚ ਵਿਕਣ ਰਹੀ ਲੈਮਨ ਡ੍ਰਿੰਕ ਦੀ ਬੋਤਲਾਂ ਵੀ ਦੇਖ ਕੇ ਰਾਜੇਸ਼ ਬੇਕਰੀ ਦੀ ਕਾਰਜ ਪ੍ਰਣਾਲੀ ’ਤੇ ਸਵਾਲ ਖੜ੍ਹੇ ਹੋ ਰਹੇ ਸਨ। ਇਸ ਮੌਕੇ ਫੂਡ ਸੇਫ਼ਟੀ ਅਫ਼ਸਰ ਵਿਵੇਕ ਕੁਮਾਰ, ਰਾਮ ਲੁਭਾਇਆ ਤੇ ਗੁਰਵਿੰਦਰ ਸ਼ਾਨੇ ਵੀ ਹਾਜ਼ਰ ਸਨ। ਇਸ ਮੌਕੇ ਡਾ ਜਤਿੰਦਰ ਭਾਟੀਆ ਨੇ ਦੱਸਿਆ ਕਿ ਲੋਕਾਂ ਵਲੋਂ ਬਹੁਤ ਸਾਰੀਆਂ ਸ਼ਿਕਾਇਤਾਂ ਆ ਰਹੀਆਂ ਸਨ। ਇਸ ਤੋਂ ਬਾਅਦ ਚੈਕਿੰਗ ’ਚ ਪਾਇਆ ਗਿਆ ਕਿ ਬੱਚਿਆ ਨੂੰ 5 ਰੁਪਏ ਦਾ ਘਟੀਆ ਕਿਸਮ ਦੇ ਮਸਾਲੇ ਨਾਲ ਤਿਆਰ ਜ਼ੀਰਾ ਲੈਮਨ ਵੇਚ ਕੇ ਲੋਕਾਂ ਦੀ ਸਿਹਤ ਨਾਲ ਖਿਲਵਾੜ ਕੀਤਾ ਜਾ ਰਿਹਾ ਸੀ। ਉਨ੍ਹਾਂ ਦੱਸਿਆ ਜਾਂਚ ਦੌਰਾਨ ਬੇਕਰੀ ਤੇ ਅਨ-ਹਾਈਜੀਨਕ ਕਿਸਮ ਦੀ ਪੈਟੀ, ਪੀਜ਼ਾ ਤੇ ਬਰੈੱਡ ਵੀ ਲੰਘੀ ਹੋਈ ਮਿਆਦ ਵਾਲੀ ਪਾਈ ਗਈ। ਇਸ ਮੌਕੇ ਉਨ੍ਹਾਂ ਵਲੋਂ ਜ਼ੀਰਾ ਲੈਮਨ ਨਾਲ ਤਿਆਰ ਹੋਣ ਵਾਲੇ ਮਿਸ਼ਰਨ ਦਾ ਸੈਂਪਲ ਲੈ ਲਿਆ। ਉਨ੍ਹਾਂ ਦੱਸਿਆ ਕਿ ਲੈਮਨ ਜ਼ੀਰਾ ਦੀਆਂ ਬੋਤਲਾਂ ’ਤੇ ਕੋਈ ਵੀ ਮਿਆਦ ਲੰਘਣ ਜਾਂ ਪ੍ਰੋਡਕਟ ਨੂੰ ਬਣਾਏ ਜਾਣ ਦੀ ਮਿਤੀ ਨਹੀਂ ਸੀ। ਇਸ ਮੌਕੇ ਬੇਕਰੀ ਦੇ ਮਾਲਕ ਰਜੇਸ਼ ਨੇ ਇਹ ਗੱਲ ਮੰਨੀ ਕਿ ਬੇਕਰੀ ਦੀ ਦੁਕਾਨ ’ਤੇ ਸਫ਼ਾਈ ਨਹੀਂ ਸੀ ਤੇ ਉਨ੍ਹਾਂ ਮੁਆਫੀ ਮੰਗੀ। ਉਨ੍ਹਾਂ ਭਰੋਸਾ ਦੁਆਇਆ ਕਿ ਆਉਣ ਵਾਲੇ ਸਮੇਂ ’ਚ ਇਸਦਾ ਪੂਰਾ ਧਿਆਨ ਰੱਖਣਗੇ।
