ਰਾਏਕੋਟ, 23 ਫਰਵਰੀ (ਬਲਵਿੰਦਰ ਸਿੰਘ ਲਿੱਤਰ)-ਪੀ.ਐੱਮ ਸ੍ਰੀ ਭਗਵਾਨ ਮਹਾਂਵੀਰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰਾਏਕੋਟ ਦੇ ਵਿਦਿਆਰਥੀਆਂ ਦਾ 5 ਰੋਜ਼ਾ ਜੈਪੁਰ ਦਾ ਟੂਰ ਲਗਵਾਇਆ ਗਿਆ | ਇਸ ਮੌਕੇ ਵਿਦਿਆਰਥੀਆਂ ਨੇ ਟੂਰ ਦੌਰਾਨ ਜੈਪੁਰ (ਰਾਜਸਥਾਨ) ਦੀਆਂ ਪ੍ਰਸਿੱਧ ਇਮਾਰਤਾਂ ਹਵਾ ਮਹਿਲ, ਸਿਟੀ ਪੈਲੇਸ, ਬਿਰਲਾ ਮੰਦਰ, ਜੰਤਰ-ਮੰਤਰ, ਜਲ ਮਹਿਲ, ਪਟਰੀਕਾ ਗੇਟ, ਖਾਟੂ ਸ਼ਿਆਮ ਮੰਦਰ, ਬਾਪੂ ਬਜ਼ਾਰ, ਮਸ਼ਾਲਾ ਚੌਂਕ, ਅਕਸਰ ਧਾਮ ਆਦਿ ਦਾ ਦੌਰਾ ਕੀਤਾ | ਵਿਦਿਆਰਥੀਆਂ ਨੇ ਹਰ ਇਮਾਰਤ ਨੂੰ ਬੜੇ ਗੌਰ ਨਾਲ ਤੱਕਿਆ ਅਤੇ ਟੂਰ ਦਾ ਅਨੰਦ ਮਾਣਿਆ | ਇਸ ਟੂਰ ਦੌਰਾਨ ਸਕੂਲ ਦੇ ਪਿ੍ੰਸੀਪਲ ਮੈਡਮ ਕੁਲਦੀਪ ਕੌਰ, ਮੈਡਮ ਤਜਿੰਦਰ ਕੌਰ, ਕਰਨ ਕੁਮਾਰ, ਰਾਜੇਸ਼ ਕੁਮਾਰ, ਬਲਵਿੰਦਰ ਸਿੰਘ ਆਦਿ ਹਾਜ਼ਰ ਸਨ |
