ਰਾਏਕੋਟ, 28 ਅਪ੍ਰੈਲ (ਸੁਸ਼ੀਲ)-ਬੀਤੇ ਦਿਨੀ ਨਵੀਂ ਦਿੱਲੀ ਵਿਖੇ ਤਿਆਗਰਾਜ ਸਟੇਡੀਅਮ ਵਿਚ ਕਰਵਾਏ ਗਏ 47ਵੇਂ ਨੈਸ਼ਨਲ ਅਬੈਕਸ ਕੰਪਟੀਸ਼ਨ ਵਿੱਚ ਰਾਏਕੋਟ ਦੇ ਵਿਦਿਆਰਥੀਆਂ ਨੇ ਮੱਲਾਂ ਮਾਰੀਆਂ ਹਨ | ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਸਥਾਨਕ ਬਰੇਨੋ ਬ੍ਰੇਨ ਅਬੈਕਸ ਸਕੂਲ ਦੀ ਸੰਚਾਲਕਾ ਮੈਡਮ ਆਰਤੀ ਮਹੰਤ ਨੇ ਦੱਸਿਆ ਕਿ ਇਸ ਕੌਮੀ ਪੱਧਰ ਦੇ ਮੁਕਾਬਲੇ ਵਿਚ ਦੇਸ਼ ਦੇ ਵੱਖ-ਵੱਖ ਰਾਜਾਂ ਵਿਚੋਂ ਤਿੰਨ ਹਜ਼ਾਰ ਤੋਂ ਉੱਪਰ ਬੱਚਿਆਂ ਨੇ ਭਾਗ ਲਿਆ | ਇਸ ਕੰਪੀਟੀਸ਼ਨ ਦਾ ਮਕਸਦ ਬੱਚਿਆਂ ਦੀ ਤੇਜ਼ ਕੈਲਕੂਲੇਸ਼ਨ ਇਕਾਗਰਤਾ ਨੂੰ ਪਰਖਣਾ ਸੀ ਜੋ ਕਿ ਤਿੰਨ ਮਿੰਟ ਦਾ ਪੇਪਰ ਸੀ | ਇਸ ਮੁਕਾਬਲੇ ਵਿਚ ਪੰਜਾਬ ਸਟੇਟ ਤੋਂ ਬਰੇਨੋ ਬਰੇਨ ਰਾਏਕੋਟ ਜੋ ਕਿ ਲਿਟਲ ਸਟਾਰ ਪਲੇਵੇ ਵਿੱਚ ਚਲਾਇਆ ਜਾ ਰਿਹਾ ਹੈ ਵਿੱਚੋਂ ਵੀ 10 ਬੱਚਿਆਂ ਨੇ ਇਸ ਮੁਕਾਬਲੇ ਵਿਚ ਭਾਗ ਲਿਆ, ਜਿਨਾਂ ਵਿਚ ਛੇ ਬੱਚੇ ਚੈਂਪੀਅਨ ਤਿੰਨ ਗੋਲਡ ਟਾਪਰ ਅਤੇ ਇਕ ਸਿਲਵਰ ਟਾਪਰ ਰਿਹਾ | ਚੈਂਪੀਅਨ ਬਣਨ ਵਾਲੇ ਬੱਚੇ ਅੰਗਤ ਜੋਤ ਸਿੰਘ, ਗੁਨਵੀ ਕਟਿਆਲ, ਡੇਵਿਨ ਜੈਦਕਾ, ਮਹਿਤਾਬ ਸਿੰਘ, ਹਾਸ਼ਮ ਸਿੰਗਲਾ ਅਤੇ ਗੁਰਸੀਰਤ ਕੌਰ ਸ਼ਾਮਿਲ ਸਨ | ਜਿੰਨਾਂ ਵਿੱਚੋਂ ਮੰਨਤਪ੍ਰੀਤ ਕੌਰ, ਜੀਆ ਰਾਜ, ਏਕ ਨੂਰ ਗੋਲਡ ਟਾਪਰ ਰਹੇ | ਜਦਕਿ ਨਵਰਾਜ ਸਿਲਵਰ ਟਾਪਰ ਰਿਹਾ | ਮੈਡਮ ਆਰਤੀ ਮਹੰਤ ਅਤੇ ਮਹੰਤ ਰਾਜਪਾਲ ਨੇ ਜੇਤੂ ਰਹਿਣ ਵਾਲੇ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦੇ ਸੁਨਹਿਰੇ ਭਵਿੱਖ ਦੀ ਕਾਮਨਾ ਕੀਤੀ |
