ਹਲਵਾਰਾ, 4 ਮਈ (ਮਨਦੀਪ ਸਿੰਘ ਉੱਭੀ)-ਭਾਜਪਾ ਵਲੋਂ ਪੱਛਮੀ ਬੰਗਾਲ, ਅਸਾਮ, ਪਾਂਡੂਚੇਰੀ 'ਚ ਸਰਕਾਰ ਬਣਾਉਣ 'ਤੇ ਭਾਜਪਾ ਦੇ ਆਗੂਆਂ ਨੇ ਹਲਵਾਰਾ ਵਿਖੇ ਲੱਡੂ ਵੰਡ ਕੇ ਜਿੱਤ ਦੀ ਖੁਸ਼ੀ ਮਨਾਈ | ਹਲਕਾ ਰਾਏਕੋਟ ਦੇ ਚੋਣ ਇੰਚਾਰਜ ਪਰਮਜੀਤ ਸਿੰਘ ਟੂਸਾ ਨੇ ਬੀ. ਜੇ. ਪੀ. ਦੀ ਜਿੱਤ 'ਚ ਅੱਜ ਲੱਡੂ ਵੰਡਣ ਮੌਕੇ ਖੁਸ਼ੀ ਜਾਹਿਰ ਕਰਦਿਆਂ ਕਿਹਾ ਕਿ ਲੋਕਾਂ ਦੇ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ ਕੀਤੇ ਕੰਮਾਂ ਨੂੰ ਦੇਸ਼ ਵਾਸੀ ਵੋਟਾਂ ਪਾ ਕੇ ਆਪਣਾ ਫਰਜ਼ ਨਿਭਾ ਰਹੇ ਹਨ | ਆਉਣ ਵਾਲੇ ਸਮੇਂ ਵਿਚ ਪੰਜਾਬ 'ਚ ਬੀਜੇਪੀ ਆਪਣੀ ਇਕ ਵੱਡੀ ਲਹਿਰ ਖੜ੍ਹੀ ਕਰੇਗੀ ਅਤੇ ਪੰਜਾਬ 'ਚ ਸਾਰੀਆਂ ਸੀਟਾਂ 'ਤੇ ਆਪਣੇ ਉਮੀਦਵਾਰ ਖੜੇ੍ਹ ਕਰੇਗੀ | ਇਸ ਸਮੇਂ ਬੀਜੇਪੀ ਦੇ ਆਗੂ ਭਜਨ ਸਿੰਘ ਅਕਾਲਗੜ੍ਹ, ਜਸਪਾਲ ਸ਼ਰਮਾ ਨਿਊ ਅਬਾਦੀ ਅਕਾਲਗੜ੍ਹ, ਮਹਿੰਦਰ ਸਿੰਘ ਟੂਸਾ, ਜਗਰੂਪ ਸਿੰਘ ਹਲਵਾਰਾ ਅਤੇ ਹੋਰ ਆਗੂ ਹਾਜ਼ਰ ਸਨ |
