ਗੁਰੂਸਰ ਸੁਧਾਰ, 13 ਮਈ (ਬਲਵਿੰਦਰ ਸਿੰਘ ਧਾਲੀਵਾਲ)- ਪਿੰਡ ਸੁਧਾਰ ਪੱਤੀ ਗਿੱਲ ਵਿਖੇ ਜ਼ਾਹਰ ਬਲੀ ਦੇ ਰਾਹ 'ਤੇ ਲੱਗਦੇ ਖੇਤਾਂ ਵਿਚ ਬਿਜਲੀ ਦੇ ਸ਼ਾਰਟ-ਸਰਕਟ ਨਾਲ ਅੱਗ ਲੱਗ ਗਈ | ਹਾਲਾਂਕਿ ਕਿਸਾਨਾਂ ਵਲੋਂ ਕਣਕ ਦੀ ਫ਼ਸਲ ਵੱਢੀ ਜਾਣ ਤੋਂ ਬਿਨਾਂ ਉਪਰਲੇ ਨਾੜ ਦੀ ਤੂੜੀ ਬਨਾਉਣ ਦਾ ਕੰਮ ਸਿਰੇ ਚੜਿਆ ਹੋਣ ਕਾਰਨ ਉਨ੍ਹਾਂ ਦਾ ਆਰਥਿਕ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ | ਕਿਸਾਨ ਸਤਪਾਲ ਸਿੰਘ ਪੁੱਤਰ ਗੁਰਚਰਨ ਸਿੰਘ, ਗੁਰਦੀਪ ਸਿੰਘ ਪੁੱਤਰ ਗੁਰਦੇਵ ਸਿੰਘ, ਇਕਬਾਲ ਸਿੰਘ ਪੁੱਤਰ ਮੇਜਰ ਸਿੰਘ ਅਨੁਸਾਰ ਕਰੀਬ ਛੇ ਸੱਤ ਏਕੜ ਰਕਬੇ ਨੂੰ ਇਸ ਅੱਗ ਨੇ ਫ਼ਸਲ ਦੇ ਜ਼ਮੀਨ ਦੇ ਬਿਲਕੁਲ ਹੇਠਲੇ ਬਚਦੇ ਨਾੜ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ | ਸਤਪਾਲ ਸਿੰਘ ਤੇ ਇਕਬਾਲ ਸਿੰਘ ਅਨੁਸਾਰ ਸ਼ਾਰਟ ਸਰਕਟ ਦੀ ਸੂਚਨਾ ਪਾਵਰਕਾਮ ਮਹਿਕਮੇ ਨੂੰ ਦਿੱਤੀ ਗਈ ਤੇ ਮੁਲਾਜ਼ਮਾਂ ਵਲੋਂ ਮੌਕੇ 'ਤੇ ਪਹੁੰਚ ਕੇ ਜਾਇਜ਼ਾ ਲਿਆ ਗਿਆ |
