ਜਗਰਾਉਂ, 30 ਮਈ (ਸ਼ਮਸ਼ੇਰ ਸਿੰਘ ਗਾਲਿਬ)-ਬੀ.ਕੇ.ਯੂ. ਉਗਰਾਹਾਂ ਜਥੇਬੰਦੀ ਵਲੋਂ ਆਸਟ੍ਰੇਲੀਆ ਵਰਕ ਪਰਮਿਟ 'ਤੇ ਭੇਜਣ ਦੀ ਆੜ੍ਹ 'ਚ ਮਾਰੀ ਠੱਗੀ ਦੇ 13 ਲੱਖ ਰੁਪਏ ਪਰਿਵਾਰ ਨੂੰ ਵਾਪਿਸ ਕਰਵਾਏ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਸਤਪਾਲ ਸਿੰਘ ਲਾਡੀ, ਗੁਰਦੀਪ ਸਿੰਘ ਵਿਰਕ, ਜਸਪਾਲ ਸਿੰਘ ਵਿਰਕ ਅਤੇ ਪੰਮਾ ਸਿੰਘ ਛੀਨਾ ਨੇ ਦੱਸਿਆ ਕਿ ਸਾਡੇ ਕੋਲ ਇਕ ਲਿਖਤੀ ਸ਼ਿਕਾਇਤ ਆਈ ਸੀ ਕਿ ਕਿਸ਼ਨਪੁਰੇ ਪਿੰਡ ਦੀ ਲੜਕੀ ਜੋ ਮੋਗਾ ਵਿਖੇ ਵਿਆਹੀ ਹੋਈ ਹੈ, ਇਸ ਲੜਕੀ ਨੇ ਆਸਟ੍ਰੇਲੀਆ ਵਰਕ ਪਰਮਿਟ 'ਤੇ ਜਾਣ ਲਈ ਮੁਹਾਲੀ ਦੇ ਇਕ ਏਜੰਟ ਨੂੰ 13 ਲੱਖ ਰੁਪਏ ਦਿੱਤੇ ਸਨ | ਏਜੰਟ ਨੇ ਨਾ ਹੀ ਲੜਕੀ ਨੂੰ ਆਸਟ੍ਰੇਲੀਆ ਭੇਜਿਆ ਅਤੇ ਨਾ ਹੀ ਪੈਸੇ ਵਾਪਿਸ ਕੀਤੇ | ਜਥੇਬੰਦੀ ਵਲੋਂ ਸਰਗਰਮੀ ਦਿਖਾਉਣ ਅਤੇ ਪਰਿਵਾਰ ਨੂੰ ਇਨਸਾਫ਼ ਨੂੰ ਦਿਵਾਉਣ ਲਈ ਜਦੋਂ ਏਜੰਟ ਨਾਲ ਰਾਬਤਾ ਕੀਤਾ ਤਾਂ ਏਜੰਟ ਵਲੋਂ ਜਥੇਬੰਦੀ ਦੇ ਦਬਾਅ ਕਾਰਨ ਪਰਿਵਾਰ ਨੂੰ ਇਹ ਪੈਸੇ ਦੇਣੇ ਪਏ | ਜਥੇਬੰਦੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਭਰੋਸੇਯੋਗ ਏਜੰਟਾਂ ਰਾਹੀਂ ਹੀ ਕੇਸ ਅਪਲਾਈ ਕੀਤੇ ਜਾਣ |
