ਹਲਵਾਰਾ, 16 ਜੁਲਾਈ (ਮਨਦੀਪ ਸਿੰਘ ਉੱਭੀ)-ਐਤੀਆਣਾ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਬੀਤੇ ਦਿਨੀਂ ਬਿਜਲੀ ਜ਼ਿਆਦਾ ਆਉਣ ਕਾਰਨ ਵਿਦਿਆਰਥੀਆਂ ਦੇ ਪੜ੍ਹਾਈ ਵਾਲੇ ਕਮਰਿਆਂ ਦੇ ਪੱਖੇ ਅਤੇ ਹੋਰ ਬਿਜਲੀ ਉਪਕਰਣ ਸੜਨ ਕਾਰਨ ਗਰਮੀ ਦੇ ਦਿਨਾਂ ਕਾਰਨ ਵਿਦਿਆਰਥੀ ਅਤੇ ਸਟਾਫ਼ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਸਕੂਲ ਦੇ ਕਮਰਿਆਂ ਵਿੱਚ ਨਵੇਂ ਪੱਖੇ ਲਗਾਏ ਗਏ ਅਤੇ ਹੋਰ ਬਿਜਲੀ ਦੇ ਉਪਕਰਣ ਵੀ ਠੀਕ ਕਰਵਾਏ ਗਏ ਜਿਸ ਵਿੱਚ ਨਗਰ ਨਿਵਾਸੀ ਅਤੇ ਅਤੇ ਐੱਨ.ਆਰ.ਆਈ ਭਰਾਵਾਂ ਨੇ ਮਿਲ ਕੇ ਇਸ ਸੇਵਾ ਨੂੰ ਨੇਪਰੇ ਚੜ੍ਹਾਇਆ। ਇਸ ਸੇਵਾ ਵਿੱਚ ਹਿੱਸਾ ਲੈਣ ਵਾਲੇ ਮਾਸਟਰ ਹਰਦੇਵ ਸਿੰਘ ਕੈਨੇਡਾ, ਸੁਰਜੀਤ ਸਿੰਘ ਕੈਨੇਡਾ, ਕੁਲਜੀਤ ਸਿੰਘ ਕੈਨੇਡਾ, ਨਿਰਮਲ ਸਿੰਘ ਕੈਨੇਡਾ, ਸ਼ਿੰਗਾਰਾ ਸਿੰਘ ਸਾਬਕਾ ਪੰਚ, ਕੋਆਪ੍ਰੇਟਿਵ ਸੋਸਾਇਟੀ ਪ੍ਰਧਾਨ ਇੰਦਰਜੀਤ ਸਿੰਘ ਸਿੱਧੂ, ਜਗਸੀਰ ਸਿੰਘ ਆਸਟ੍ਰੇਲੀਆ, ਸ਼ਹੀਦ ਸੂਬੇਦਾਰ ਹਰਵਿੰਦਰ ਸਿੰਘ ਦੇ ਪਰਿਵਾਰ ਵੱਲੋਂ ਸੇਵਾ, ਜਗਦੇਵ ਸਿੰਘ ਕੈਨੇਡਾ, ਸੁਖਚੈਨ ਸਿੰਘ ਕੈਨੇਡਾ ਅਤੇ ਨਰਿੰਦਰ ਸਿੰਘ ਨੀਟੂ ਵੱਲੋਂ ਯੋਗਦਾਨ ਪਾਇਆ ਗਿਆ। ਬਿਜਲੀ ਜ਼ਿਆਦਾ ਆਉਣ ’ਤੇ ਸੜ ਚੁੱਕੇ ਵਾਟਰ ਕੂਲਰ ਅਤੇ ਪਾਣੀ ਵਾਲਾ ਆਰ.ਓ. ਵੀ ਠੀਕ ਕਰਵਾਇਆ ਗਿਆ । ਇਸ ਮੌਕੇ ਸਾਬਕਾ ਸਰਪੰਚ ਲਖਵੀਰ ਸਿੰਘ, ਪ੍ਰਧਾਨ ਇੰਦਰਜੀਤ ਸਿੰਘ ਸਿੱਧੂ, ਐੱਸ.ਐੱਮ.ਸੀ. ਕਮੇਟੀ ਚੇਅਰਮੈਨ ਬਲਜਿੰਦਰ ਕੌਰ, ਮੇਜਰ ਸਿੰਘ, ਗਿਆਨੀ ਕੁਲਦੀਪ ਸਿੰਘ, ਸਾਬਕਾ ਸਰਪੰਚ ਗੁਰਮੀਤ ਸਿੰਘ, ਹੈੱਡ ਟੀਚਰ ਬਲਜੀਤ ਸਿੰਘ, ਦਰਸ਼ਨਾ ਰਾਣੀ, ਦਪਿੰਦਰ ਸਿੰਘ ਆਦਿ ਹਾਜ਼ਰ ਸਨ ।
