ਕਹਾਣੀ ਸੁਣਾਉਣ ਦਾ ਮੁਕਾਬਲਾ ਹੋਇਆ

ਜੋਧਾਂ, 22 ਅਗਸਤ (ਗੁਰਵਿੰਦਰ ਸਿੰਘ ਹੈਪੀ)-ਦ੍ਰਿਸ਼ਟੀ ਡਾ. ਆਰਸੀ ਜੈਨ ਇਨੋਵੇਟਿਵ ਪਬਲਿਕ ਸਕੂਲ ਨਾਰੰਗਵਾਲ ਵਿਖੇ ਤੀਜੀ ਤੋਂ ਪੰਜਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਕਹਾਣੀ ਸੁਣਾਉਣ ਮੁਕਾਬਲਾ ਕਰਵਾਇਆ ਗਿਆ ਇਸ ਮੁਕਾਬਲੇ ਦਾ ਉਦੇਸ਼ ਵਿਦਿਆਰਥੀਆਂ ਵਿਚ ਆਤਮ-ਵਿਸ਼ਵਾਸ, ਰਚਨਾਤਮਿਕਤਾ, ਕਲਪਨਾ ਅਤੇ ਕਹਾਣੀਆਂ ਪ੍ਰਤੀ ਰੁਚੀ ਨੂੰ ਉਤਸ਼ਾਹਿਤ ਕਰਨਾ ਸੀ ਇਸ ਮੁਕਾਬਲੇ ਵਿਚ ਐਮਰਲਡ, ਟੋਪਾਜ਼, ਰੂਬੀ ਅਤੇ ਸਫਾਇਰ ਹਾਊਸ ਦੇ ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ ਵਿਦਿਆਰਥੀਆਂ ਨੇ ਕੁਦਰਤ, ਮਿਹਨਤ, ਚੰਗੇ ਆਚਰਨ, ਹਿੰਮਤ ਅਤੇ ਪ੍ਰੇਰਨਾ ਵਰਗੇ ਵਿਸ਼ਿਆਂ ‘ਤੇ ਕਹਾਣੀਆਂ ਪੇਸ਼ ਕੀਤੀਆਂ ਉਨ੍ਹਾਂ ਦੀ ਪ੍ਰਭਾਵਸ਼ਾਲੀ ਪੇਸ਼ਕਾਰੀ, ਰਚਨਾਤਮਿਕਤਾ ਅਤੇ ਆਤਮ-ਵਿਸ਼ਵਾਸ ਭਰੀ ਕਹਾਣੀ ਸੁਣਾਉਣ ਦੀ ਕਲਾ ਨੇ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ ਇਸ ਮੌਕੇ ਅੰਗਰੇਜ਼ੀ ਸ਼੍ਰੇਣੀ ਵਿਚ ਜਪਰੋਜ਼ ਕੌਰ ਸਫਾਇਰ ਹਾਊਸ ਨੇ ਪਹਿਲਾ ਸਥਾਨ, ਬਨਰੀਤ ਕੌਰ ਟੋਪਾਜ਼ ਹਾਊਸ ਨੇ ਦੂਜਾ ਸਥਾਨ ਅਤੇ ਮਨਰੀਤ ਕੌਰ ਐਮਰਲਡ ਹਾਊਸ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ ਜਦਕਿ ਹਿੰਦੀ ਸ਼੍ਰੇਣੀ ਵਿਚ ਗੁਰਬਾਜ਼ ਸਿੰਘ ਟੋਪਾਜ਼ ਹਾਊਸ ਨੇ ਪਹਿਲਾ ਸਥਾਨ, ਯਸ਼ਵੀ ਜੈਨ ਸਫਾਇਰ ਹਾਊਸ ਨੇ ਦੂਜਾ ਸਥਾਨ ਅਤੇ ਮਾਨਿਆ ਭੱਟ ਰੂਬੀ ਹਾਊਸ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ ਪੰਜਾਬੀ ਸ਼੍ਰੇਣੀ ਵਿਚ ਦਿਲਤਾਜਵੀਰ ਕੌਰ ਅਤੇ ਅਭਿਰੂਪ ਕੌਰ ਟੋਪਾਜ਼ ਹਾਊਸ ਨੇ ਪਹਿਲਾ ਸਥਾਨ, ਨਿਮਰਲੀਨ ਕੌਰ ਰੂਬੀ ਹਾਊਸ ਨੇ ਦੂਜਾ ਸਥਾਨ ਅਤੇ ਸ਼ੁਭਜੋਤ ਕੌਰ ਸਫਾਇਰ ਹਾਊਸ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ ਇਸ ਮੁਕਾਬਲੇ ਨੇ ਨੰਨ੍ਹੇ ਸਿੱਖਿਆਰਥੀਆਂ ਨੂੰ ਆਪਣੀ ਕਹਾਣੀ ਸੁਣਾਉਣ ਦੀ ਪ੍ਰਤਿਭਾ ਅਤੇ ਸੰਚਾਰ ਕੌਸ਼ਲ ਨੂੰ ਪ੍ਰਦਰਸ਼ਿਤ ਕਰਨ ਲਈ ਸ਼ਾਨਦਾਰ ਮੰਚ ਪ੍ਰਦਾਨ ਕੀਤਾ ਪ੍ਰਿੰਸੀਪਲ ਡਾ.