ਤਿੰਨ ਦਿਨਾਂ ਤੋਂ ਲਾਪਤਾ ਸਾਹਿਲ ਦਾ ਨਹੀਂ ਲੱਗਾ ਥਹੁ ਪਤਾ
ਮਾਛੀਵਾੜਾ ਸਾਹਿਬ, 20 ਸਤੰਬਰ (ਮਨੋਜ ਕੁਮਾਰ)-ਅਕਸਰ ਪਹਿਲਾਂ ਵਾਂਗ ਵੱਖ-ਵੱਖ ਦੁਕਾਨਦਾਰਾਂ ਤੋਂ ਸਮਾਨ ਦੇ ਪੈਸੇ ਦੀ ਉਗਰਾਹੀ ਇਕੱਠੀ ਕਰਨ ਦੀ ਡਿਊਟੀ ਕਰਦਾ ਸਾਹਿਲ ਕੁਮਾਰ (29) ਆਖ਼ਰ ਕਿੱਥੇ ਲਾਪਤਾ ਹੋ ਗਿਆ। ਅਸਲ ਵਿਚ 17 ਸਤੰਬਰ ਨੂੰ ਨੌਜਵਾਨ ਸਾਹਿਲ ਜੋ ਕਿ ਸਮਰਾਲਾ ਵਿਖੇ ਸਚਦੇਵਾ ਐਂਡ ਕੰਪਨੀ ਵਿਚ ਪਿਛਲੇ ਕਈ ਸਾਲਾਂ ਤੋਂ ਕੰਮ ਕਰਦਾ ਸੀ ਤੇ ਮਾਛੀਵਾੜਾ ਦੀਆਂ ਕੁੱਝ ਦੁਕਾਨਾਂ ਤੋਂ ਆਮ ਰੁਟੀਨ ਵਾਂਗ ਸਮਾਨ ਦੇ ਪੈਸੇ ਲੈਣ ਆਇਆ।
ਮਾਛੀਵਾੜਾ ਸਾਹਿਬ, 20 ਸਤੰਬਰ (ਮਨੋਜ ਕੁਮਾਰ)-ਅਕਸਰ ਪਹਿਲਾਂ ਵਾਂਗ ਵੱਖ-ਵੱਖ ਦੁਕਾਨਦਾਰਾਂ ਤੋਂ ਸਮਾਨ ਦੇ ਪੈਸੇ ਦੀ ਉਗਰਾਹੀ ਇਕੱਠੀ ਕਰਨ ਦੀ ਡਿਊਟੀ ਕਰਦਾ ਸਾਹਿਲ ਕੁਮਾਰ (29) ਆਖ਼ਰ ਕਿੱਥੇ ਲਾਪਤਾ ਹੋ ਗਿਆ। ਅਸਲ ਵਿਚ 17 ਸਤੰਬਰ ਨੂੰ ਨੌਜਵਾਨ ਸਾਹਿਲ ਜੋ ਕਿ ਸਮਰਾਲਾ ਵਿਖੇ ਸਚਦੇਵਾ ਐਂਡ ਕੰਪਨੀ ਵਿਚ ਪਿਛਲੇ ਕਈ ਸਾਲਾਂ ਤੋਂ ਕੰਮ ਕਰਦਾ ਸੀ ਤੇ ਮਾਛੀਵਾੜਾ ਦੀਆਂ ਕੁੱਝ ਦੁਕਾਨਾਂ ਤੋਂ ਆਮ ਰੁਟੀਨ ਵਾਂਗ ਸਮਾਨ ਦੇ ਪੈਸੇ ਲੈਣ ਆਇਆ। ਜਾਣਕਾਰੀ ਅਨੁਸਾਰ ਉਸ ਕੋਲ 140000 ਰੁਪਏ ਵੀ ਸਨ। ਪਰ ਤਿੰਨ ਦਿਨ ਹੋ ਗਏ, ਅਜੇ ਤੱਕ ਘਰ ਨਹੀਂ ਪਹੁੰਚਿਆ। ਉਸ ਦੇ ਦੁਕਾਨ ਮਾਲਕ ਤੇ ਪਰਿਵਾਰ ਨੂੰ ਕਿਸੇ ਅਣਹੋਣੀ ਦਾ ਖ਼ੌਫ਼ ਸਤਾ ਰਿਹਾ ਹੈ ਕਿਉਂਕਿ ਅੱਜ ਕੱਲ੍ਹ ਜਿਸ ਤਰ੍ਹਾਂ ਸ਼ਰਾਰਤੀ ਅਨਸਰਾਂ ਦੀ ਫ਼ਿਜ਼ਾ ਖ਼ਰਾਬ ਹੈ ਤਾਂ ਡਰ ਬਣਨਾ ਵੀ ਸੁਭਾਵਿਕ ਹੈ। ਹਾਲਾਂਕਿ ਇਸ ਮਾਮਲੇ ਸਬੰਧੀ ਮਾਛੀਵਾੜਾ ਥਾਣੇ ਰਿਪੋਰਟ ਵੀ ਦਰਜ ਹੈ ਤੇ ਥਾਣਾ ਮੁਖੀ ਕਰਮਜੀਤ ਸਿੰਘ ਨੇ ਗੱਲਬਾਤ ਵਿਚ ਇਸ ਗੱਲ ਦਾ ਸਿਰੇ ਤੋਂ ਇਨਕਾਰ ਕਰਦਿਆਂ ਕਿਹਾ ਕਿ ਉਸ ਨੂੰ ਕਿਸੇ ਨੇ ਕਿਡਨੈਪ ਨਹੀਂ ਕੀਤਾ ਕਿਉਂਕਿ ਲਾਪਤਾ ਹੋਣ ਦੇ ਦਿਨ ਦੀ ਵੱਖ-ਵੱਖ ਥਾਵਾਂ ਦੀ ਸੀ. ਸੀ. ਟੀ. ਵੀ. ਫੁਟੇਜ ਖੰਗਾਲੀ ਜਾ ਚੁੱਕੀ ਹੈ। ਪਰ ਫਿਰ ਵੀ ਪੁਲਿਸ ਦੀ ਮੁਸਤੈਦੀ ਜਲਦ ਹੀ ਉਸ ਨੌਜਵਾਨ ਨੂੰ ਲੱਭ ਲਿਆਏਗੀ। ਸਾਹਿਲ ਦਾ ਪਿਛਲੇ ਸਾਲ ਹੀ ਵਿਆਹ ਹੋਇਆ ਸੀ ਤੇ ਪਰਿਵਾਰ ਵਿਚ ਉਸ ਦੇ ਪਿਤਾ ਤੇ ਸਾਢੇ ਤਿੰਨ ਮਹੀਨਿਆਂ ਦੀ ਮਾਸੂਮ ਬੱਚੀ ਹੈ।
