ਮਜਾਰੀ/ਸਾਹਿਬਾ, 4 ਜਨਵਰੀ (ਨਿਰਮਲਜੀਤ ਸਿੰਘ ਚਾਹਲ)-ਚੋਰਾਂ ਦੇ ਹੌਂਸਲੇ ਇੰਨੇ ਬੁਲੰਦ ਹਨ ਕਿ ਕਸਬਾ ਮਜਾਰੀ ਵਿਖੇ ਪਹਿਲੀ ਰਾਤ ਸੁਨਿਆਰੇ ਦੀ ਦੁਕਾਂਨ 'ਤੇ ਚੋਰੀ ਕਰਨ ਤੋਂ ਬਾਅਦ ਚੋਰਾਂ ਵਲੋਂ ਦੂਸਰੀ ਰਾਤ ਇੱਕ ਮੁਬਾਇਲਾਂ ਦੀ ਦੁਕਾਨ ਨੂੰ ਨਿਸ਼ਾਨਾ ਬਣਾਉਣ ਦੀ ਅਸਫਲ ਕੋਸ਼ਿਸ਼ ਕੀਤੀ ਗਈ | ਦੁਕਾਨ ਦੇ ਮਾਲਕ ਲਖਵੀਰ ਸਿੰਘ ਪੁੱਤਰ ਗੁਰਦੀਪ ਸਿੰਘ ਪਿੰਡ ਸਿੰਬਲ ਮਜਾਰਾ ਨੇ ਦੱਸਿਆ ਕਿ ਜਦੋਂ ਉਹ ਸਵੇਰੇ ਦੁਕਾਨ 'ਤੇ ਆਇਆ ਤਾਂ ਦੁਕਾਨ ਦੀਆਂ ਬਾਹਰਲੀਆਂ ਲਾਈਟਾਂ ਟੁੱਟ ਕੇ ਥੱਲੇ ਨੂੰ ਲਮਕ ਰਹੀਆਂ ਸਨ | ਇੱਕ ਪਾਸੇ ਤੋਂ ਬੋਰਡ ਵੀ ਤੋੜਿਆ ਹੋਇਆ ਸੀ ਤੇ ਸ਼ਟਰ ਦਾ ਸੈਂਟਰ ਲੋਕ ਥੱਲੇ ਤੋਂ ਕਿਸੇ ਰਾੜ ਨਾਲ ਉੱਪਰ ਨੂੰ ਕੱਢਿਆ ਹੋਇਆ ਸੀ | ਉਨ੍ਹਾਂ ਦੱਸਿਆ ਕਿ ਚੋਰਾਂ ਵਲੋਂ ਚੋਰੀ ਦੀ ਵਾਰਦਾਤ ਨੂੰ ਇੰਜਾਮ ਦੇਣ ਤੋਂ ਪਹਿਲਾਂ ਸਾਹਮਣੇ ਲੱਗੇ ਟਰਾਂਸਫਾਰਮ ਦੇ ਤਿੰਨੇ ਫਿਊਜ ਵੀ ਉਡਾਏ ਗਏ | ਉਨਾਂ ਦੱਸਿਆ ਕਿ ਉਸ ਵੇਲੇ ਜਾਂ ਤਾਂ ਕੋਈ ਆ ਗਿਆ, ਜਿਸ ਕਰਕੇ ਚੋਰ ਵਿਚਾਲੇ ਹੀ ਭੱਜ ਗਏ ਤੇ ਚੋਰੀ ਹੋਣ ਤੋਂ ਬਚਾਅ ਹੋ ਗਿਆ | ਕਸਬਾ ਮਜਾਰੀ ਦੇ ਦੁਕਾਨਦਾਰਾਂ ਵਿਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ |
