ਕਟਾਰੀਆਂ, 1 ਫਰਵਰੀ (ਪ੍ਰੇਮੀ ਸੰਧਵਾਂ)-ਮਹਿੰਦਰਾ ਹਸਪਤਾਲ ਮੁਕੰਦਪੁਰ ਰੋਡ ਬੰਗਾ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਉਂਕਾਰ ਸਿੰਘ ਤੇ ਹਸਪਤਾਲ ਦੇ ਚੇਅਰਪਰਸਨ ਮੈਡਮ ਦਲਜੀਤ ਕੌਰ ਨੇ ਪਤੰਗਬਾਜ਼ੀ ਕਰਦਿਆਂ ਵਰਤੀ ਜਾ ਰਹੀ ਮਨੁੱਖੀ ਤੇ ਬੇਜੁਬਾਨੇ ਪੰਛੀਆਂ ਦੀ ਜਾਨ ਦਾ ਖੌਅ ਬਣ ਰਹੀ ਚਾਈਨਾ ਡੋਰ ਦੀ ਹੋ ਰਹੀ ਲੁੱਕ-ਛਿੱਪ ਕੇ ਵਿਕਰੀ 'ਤੇ ਗਹਿਰੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਕੋਈ ਸਮਾਂ ਹੁੰਦਾ ਸੀ ਕਿ ਜਦੋਂ ਬੱਚੇ ਤੇ ਨੌਜਵਾਨ ਕੱਚੇ ਧਾਗੇ ਸੂਤ ਨਾਲ ਪਤੰਗ ਉਡਾ ਕੇ ਆਪਣਾ ਮਨ ਪਰਚਾਵਾ ਕਰਦੇ ਸਨ ਪਰ ਕੁੱਝ ਕੁ ਦੁਕਾਨਦਾਰਾਂ ਵਲੋਂ ਜਾਨਾਂ ਦੀ ਖੌਅ ਸਾਬਤ ਹੋ ਰਹੀ ਚਾਈਨਾ ਡੋਰ ਵੇਚ ਕੇ ਆਪਣੀਆਂ ਲਾਭਪਾਤਰੀ ਸਕੀਮਾਂ ਦਾ ਲਾਹਾ ਲੈਂਦੇ ਹੋਏ ਮਾੜੀ ਵੀ ਝਿਜਕ ਨਹੀਂ ਕੀਤੀ ਜਾ ਰਹੀ | ਜਿਸ ਕਾਰਨ ਆਏ ਦਿਨ ਚਾਈਨਾ ਡੋਰ ਦੀ ਲਪੇਟ 'ਚ ਆ ਕੇ ਮੌਤਾਂ ਹੋ ਰਹੀਆਂ ਹਨ | ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਇਸ ਖੂਨੀ ਡੋਰ ਦੇ ਵੇਚਣ ਤੇ ਵਰਤਣ 'ਤੇ ਸਖ਼ਤ ਪਾਬੰਦੀ ਲਗਾਉਣੀ ਚਾਹੀਦੀ ਹੈ |
