ਨਵਾਂਸ਼ਹਿਰ, 7 ਮਾਰਚ (ਜਸਬੀਰ ਸਿੰਘ ਨੂਰਪੁਰ)-ਪੰਜਾਬੀ ਭਵਨ ਲੁਧਿਆਣਾ ਵਿਖੇ 8 ਮਾਰਚ ਨੂੰ ਹੋਣ ਵਾਲੇ ਕਵਿਤਾ ਕੁੰਭ 10 ਵਿਚ ਨਵਾਂਸ਼ਹਿਰ ਦੇ ਪਿੰਡ ਮੱਲਪੁਰ ਤੋਂ ਲੇਖਕ ਹਰਪ੍ਰੀਤ ਸਿੰਘ ਪਾਲਾ ਕੰਗ ਆਪਣੀ ਕਵਿਤਾ ਨਾਲ ਹਾਜ਼ਰੀ ਲਗਾਉਣਗੇ | ਇਹ ਕਵਿਤਾ ਕੁੰਭ ਹਰ ਸਾਲ ਲੁਧਿਆਣਾ ਵਿਖੇ ਕਰਵਾਇਆ ਜਾਂਦਾ ਹੈ | ਪੰਜਾਬ ਭਰ ਤੋਂ ਤਕਰੀਬਨ 400 ਕਵੀਆਂ ਵਿਚੋਂ 52 ਕਵੀ ਚੁਣੇ ਗਏ | ਜਿਸ ਵਿੱਚ ਹਰਪ੍ਰੀਤ ਸਿੰਘ ਪਾਲਾ ਕੰਗ ਦਾ ਚੌਥਾ ਸਥਾਨ ਬਣਿਆ | ਜ਼ਿਕਰਯੋਗ ਹੈ ਕਿ ਪੰਜਾਬੀ ਸੰਗੀਤ ਇੰਡਸਟਰੀ ਵਿੱਚ ਪਾਲਾ ਕੰਗ ਦਾ ਸਥਾਪਿਤ ਨਾਮ ਹੈ, ਉਸਦੇ ਲਿਖੇ ਗੀਤ ਪੰਜਾਬ ਦੇ ਗਾਇਕਾਂ ਦੁਆਰਾ ਰਿਕਾਰਡ ਕਰਵਾਏ ਜਾ ਚੁੱਕੇ ਨੇ | ਢਾਡੀ ਸਿੰਘਾਂ ਨੇ ਵੀ ਇਹਨਾਂ ਦੇ ਲਿਖੇ ਧਾਰਮਿਕ ਗੀਤ, ਪ੍ਰਸੰਗ ਕਾਫ਼ੀ ਗਾਏ ਹਨ | ਇਹ ਕਵਿਤਾ ਕੁੰਭ ਪਾਲੀ ਖਾਦਿਮ ਤੇ ਰਵਿੰਦਰ ਰਵੀ ਦੇ ਯਤਨਾਂ ਸਦਕਾ ਉਲੀਕਿਆ ਗਿਆ ਹੈ |
