ਬੰਗਾ, 8 ਮਈ (ਧਰਮਵੀਰ ਪਾਲ)-ਡੈਰਿਕ ਇੰਟਰਨੈਸ਼ਨਲ ਸਕੂਲ ਬੰਗਾ 'ਚ ਇਨਵੈਸਟਿਚਰ ਸਮਾਗਮ ਉਤਸ਼ਾਹ ਤੇ ਸ਼ਾਨੋ-ਸ਼ੌਕਤ ਨਾਲ ਕਰਵਾਏ ਸਮਾਗਮ ਦੀ ਸ਼ੁਰੂਆਤ ਸਕੂਲ ਪ੍ਰਬੰਧਕ ਕਮੇਟੀ ਅਤੇ ਅਧਿਆਪਕਾਂ ਵਲੋਂ ਮਹਿਮਾਨਾਂ ਦੇ ਤਹਿ ਦਿਲੋਂ ਸਵਾਗਤ ਨਾਲ ਹੋਈ | ਇਸ ਤੋਂ ਬਾਅਦ ਮੰਚ ਸੰਚਾਲਕਾਂ ਵਲੋਂ ਸਮਾਗਮ ਸ਼ੁਰੂ ਕਰਨ ਲਈ ਆਗਿਆ ਲਈ ਗਈ | ਸਮਾਗਮ ਦਾ ਸ਼ੁੱਭ ਆਰੰਭ ਦੀਪ ਪ੍ਰਜਵਲਨ ਨਾਲ ਕੀਤਾ, ਜੋ ਮਹਿਮਾਨਾਂ ਤੇ ਪਿ੍ੰਸੀਪਲ ਮੈਡਮ ਵਲੋਂ ਸਰਸਵਤੀ ਵੰਦਨਾ ਦੇ ਮਧੁਰ ਸੁਰਾਂ ਦੇ ਦਰਮਿਆਨ ਕੀਤਾ | ਇਸ ਪਵਿੱਤਰ ਮੌਕੇ ਨੇ ਪੂਰੇ ਮਾਹੌਲ ਨੂੰ ਭਗਤੀ, ਸਕਾਰਾਤਮਕਤਾ ਤੇ ਆਤਮਿਕ ਉਰਜਾ ਨਾਲ ਭਰ ਦਿੱਤਾ | ਇਸ ਤੋਂ ਬਾਅਦ ਜਮਾਤ ਛੇਵੀਂ ਦੇ ਵਿਦਿਆਰਥੀਆਂ ਵਲੋਂ ਪੇਸ਼ ਕੀਤਾ ਸੁਰੀਲਾ ਸਵਾਗਤੀ ਗੀਤ ਸਭ ਦੇ ਦਿਲਾਂ ਨੂੰ ਛੂਹ ਗਿਆ | ਅਗਲੇ ਪੜਾਅ ਵਿਚ ਵਿਦਿਆਰਥੀ ਕੌਂਸਲ ਮੈਂਬਰਾਂ ਦੇ ਫਰਜ਼ਾਂ ਤੇ ਜ਼ਿੰਮੇਵਾਰੀਆਂ ਨੂੰ ਦਰਸਾਉਂਦੀ ਆਚਾਰ ਸੰਹਿਤਾ ਪੇਸ਼ ਕੀਤੀ ਗਈ | ਉਪਰੰਤ ਪਿ੍ੰਸੀਪਲ ਮੈਡਮ ਵਲੋਂ ਨਵੇਂ ਚੁਣੇ ਗਏ ਜਮਾਤ ਮਾਨੀਟਰਾਂ ਨੂੰ ਬੈਜ ਅਤੇ ਸੈਸ਼ ਪਹਿਨਾ ਕੇ ਸਨਮਾਨਿਤ ਕੀਤਾ ਗਿਆ | ਚੁਣੇ ਗਏ ਵਿਦਿਆਰਥੀਆਂ ਨੇ ਸਕੂਲ ਦੇ ਅਨੁਸ਼ਾਸਨ, ਮਰਯਾਦਾ ਤੇ ਮੁੱਲਾਂ ਨੂੰ ਕਾਇਮ ਰੱਖਣ ਦੀ ਸਹੰੁ ਚੁੱਕੀ | ਇਸ ਮੌਕੇ ਆਪਣੇ ਪ੍ਰੇਰਣਾਦਾਇਕ ਸੰਬੋਧਨ ਦੌਰਾਨ ਪਿ੍ੰਸੀਪਲ ਮੈਡਮ ਨੇ ਸਾਰੇ ਮਾਨੀਟਰਾਂ ਨੂੰ ਵਧਾਈ ਦਿੱਤੀ ਅਤੇ ਉਨ੍ਹਾਂ ਨੂੰ ਜ਼ਿੰਮੇਵਾਰ ਤੇ ਆਦਰਸ਼ ਵਿਦਿਆਰਥੀ ਨੇਤਾ ਬਣਨ ਲਈ ਪ੍ਰੇਰਿਤ ਕੀਤਾ | ਸਮਾਗਮ ਦੇ ਅੰਤ ਵਿਚ ਧੰਨਵਾਦ ਪ੍ਰਸਤਾਵ ਪੇਸ਼ ਕੀਤਾ, ਜਿਸ ਵਿਚ ਸਾਰੇ ਮਹਿਮਾਨਾਂ, ਅਧਿਆਪਕਾਂ, ਵਿਦਿਆਰਥੀਆਂ ਤੇ ਪ੍ਰਬੰਧਕਾਂ ਦਾ ਸਫਲ ਸਮਾਗਮ ਲਈ ਧੰਨਵਾਦ ਕੀਤਾ | ਅੰਤ ਵਿਚ ਰਾਸ਼ਟਰੀ ਗੀਤ ਦੇ ਗਾਇਨ ਨਾਲ ਸਮਾਗਮ ਦਾ ਸਮਾਪਨ ਦੇਸ਼ਭਗਤੀ ਤੇ ਸਨਮਾਨ ਭਰੇ ਮਾਹੌਲ ਵਿਚ ਹੋਇਆ |
