ਅਣਗੌਲਿਆ ਫਲਾਈਓਵਰ ਬਹਿਰਾਮ ਕਦੋਂ ਹੋਵੇਗਾ ਸ਼ੁਰੂ- ਸ਼੍ਰੀਧਰ

ਬਹਿਰਾਮ, 20 ਜੁਲਾਈ (ਨਛੱਤਰ ਸਿੰਘ ਬਹਿਰਾਮ)- ਰੋਪੜ-ਫਗਵਾੜਾ ਮੁੱਖ ਮਾਰਗ ਬਹਿਰਾਮ ਵਿਖੇ ਲੰਮੇ ਸਮੇਂ ਤੋਂ ਬਨਣਾ ਸ਼ੁਰੂ ਹੋਇਆ ਫਲਾਈ ਓਵਰ ਪੁਲ ਕਦੋਂ ਪੂਰਾ ਹੋਵੇਗਾ ਅਤੇ ਕਦੋਂ ਚਾਲੂ ਹੋਵੇਗਾ, ਕਿਸੇ ਨੂੰ ਕੁੱਛ ਨਹੀਂ ਪਤਾ। ਇਹ ਸ਼ਬਦ ਭਾਜਪਾ ਆਗੂ ਰਾਜੀਵ ਸ਼ਰਮਾ ਸ਼੍ਰੀਧਰ ਨੇ ਆਖੇ। ਉਨ੍ਹਾ ਕਿਹਾ ਕਿ ਇਸ ਤਰ੍ਹਾਂ ਲੱਗ ਰਿਹਾ ਕਿ ਇਸ ਪੁਲ ਨੂੰ ਪ੍ਰਸ਼ਾਸ਼ਨ ਨੇ ਅਣ-ਗੋਲਿਆ ਹੀ ਕਰ ਦਿੱਤਾ ਹੈ । ਉਨ੍ਹਾ ਹੋਰ ਕਿਹਾ ਕਿ ਜਦੋ ਕਿਤੇ ਇਸ ਪੁਲ ਦੀ ਅਖਬਾਰਾਂ ਵਿੱਚ ਖਬਰ ਲੱਗਦੀ ਹੈ ਤਾਂ ਭਲਵਾਨੀ ਜਿਹੀ ਗੇੜੀ ਮਾਰਨ ਲਈ ਮਸ਼ੀਨਾਂ ਆ ਜਾਂਦੀਆ ਹਨ, ਫਿਰ ਪਤਾ ਨਹੀਂ ਕਿਧਰ ਗਾਇਬ ਹੋ ਜਾਂਦੀਆ ਹਨ। ਕੰਮ ਉਥੇ ਦਾ ਉਥੇ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਉਕਤ ਪੁਲ ਨੂੰ ਚਾਲੂ ਕਰਵਾਇਆ ਜਾਵੇ। ਜਿਵੇਂ ਪਿਛਲੇ ਦਿਨੀਂ ਸਰਵਿਸ ਰੋਡ ‘ਤੇ ਕਈ ਹਾਦਸੇ ਵਾਪਰੇ ਚੁੱਕੇ ਹਨ ਜੇ ਪੁਲ ਚਾਲੂ ਕੀਤਾ ਹੁੰਦਾ ਤਾਂ ਜੋ ਜਾਨਾਂ ਅਜਾਈਂ ਗਈਆ ਹਨ, ਉਹ ਬੱਚ ਸਕਦੀਆ ਸਨ।