ਬਸੀ ਪਠਾਣਾਂ, 24 ਜਨਵਰੀ (ਐਚ.ਐਸ.ਗੌਤਮ)-ਸਥਾਨਕ ਡੇਰਾ ਸੁਆਮੀ ਨਰਾਇਣਪੁਰੀ ਦੇਵੀ ਮੰਦਰ ਬਸੀ ਪਠਾਣਾਂ ਵਿਖੇ ਅੱਜ ਸਵਾਮੀ ਨਰਾਇਣਪੁਰੀ ਦੇ ਇਤਿਹਾਸਿਕ ਤਪੱਸਿਆਧਾਰੀ ਅਖੰਡ ਧੂਣੇ ਦੀ ਸੁੰਦਰਤਾ ਵਧਾਉਣ ਲਈ ਉਸੇ ਜਗ੍ਹਾ 'ਤੇ ਹੀ ਨਿਰਮਾਣ ਦਾ ਕੰਮ ਡੇਰੇ ਦੇ ਗੱਦੀ ਨਸ਼ੀਨ ਮਹੰਤ ਬਾਬਾ ਵਿਸਾਖਪੁਰੀ ਦੀ ਅਗਵਾਈ ਹੇਠ ਮੰਦਰ ਕਮੇਟੀ ਨੇ ਸ਼ੁਰੂ ਕਰਵਾਇਆ | ਪ੍ਰਬੰਧਕ ਦੇਵਰਾਜ ਪਾਹਵਾ ਨੇ ਦੱਸਿਆ ਕਿ ਤਪੱਸਿਆਧਾਰੀ ਧੂਣੇ ਦੇ ਨਿਰਮਾਣ ਦੀ ਰਸਮ ਪੰਡਿਤ ਰਜਿੰਦਰ ਭਨੋਟ ਦੀ ਹਾਜ਼ਰੀ ਅਤੇ ਓਮ ਪ੍ਰਕਾਸ਼ ਕਾਲਾ ਆੜ੍ਹਤੀ ਨੇ ਆਪਣੇ ਬਜ਼ੁਰਗਾਂ ਦੀ ਯਾਦ ਵਿਚ ਮਾਲੀ ਸਹਾਇਤਾ ਤੇ ਸੀਮਿੰਟ ਦੇ ਕੇ ਆਪਣੇ ਹੱਥਾਂ ਨਾਲ ਇੱਟ ਰੱਖ ਕੇ ਕੀਤਾ | ਇਸ ਮੌਕੇ ਮੰਦਰ ਕਮੇਟੀ ਦੇ ਅਹੁਦੇਦਾਰ ਹਰੀਸ਼ ਚਾਵਲਾ, ਅਸ਼ੋਕ ਟੁਲਾਨੀ, ਜਗਦੀਸ਼ ਕੁਮਾਰ ਜੱਗੀ, ਸਤਪਾਲ ਸੱਚਦੇਵਾ, ਹੇਮਰਾਜ ਥਰੇਜਾ, ਵਾਸਦੇਵ ਨੰਦਾ, ਸੁਸ਼ੀਲ ਗਰੋਵਰ, ਹਰੀਸ਼ ਸ਼ਰਮਾ, ਭੁਪਿੰਦਰ ਸਿੰਘ ਭਿੰਦਾ, ਓਮ ਪ੍ਰਕਾਸ਼ ਕਾਲਾ, ਰਜਿੰਦਰ ਭਨੋਟ ਵੀ ਹਾਜ਼ਰ ਸਨ |
