ਖਮਾਣੋਂ ਤਹਿਸੀਲ 'ਚ ਕੋਰਟ ਫ਼ੀਸ ਅਸ਼ਟਾਮ ਪੇਪਰ ਤੇ ਰਸੀਦੀ ਟਿਕਟਾਂ ਨਾ ਮਿਲਣ ਕਰਕੇ ਲੋਕ ਹੋਏ ਖੱਜਲ ਖ਼ੁਆਰ

ਸੁਖਦੇਵ ਸਿੰਘ ਗੱਗੜ੍ਹਵਾਲ <br/> 08-03-2026

ਖਮਾਣੋਂ, 7 ਮਾਰਚ (ਜੋਗਿੰਦਰ ਪਾਲ)-ਖਮਾਣੋਂ ਦੀ ਤਹਿਸੀਲ 'ਚ ਪਿਛਲੇ 6 ਮਹੀਨਿਆਂ ਤੋਂ ਮੈਰਿਜ ਰਜਿਸਟਰਡ ਕਰਨ ਵੇਲੇ ਵਰਤੇ ਜਾਣ ਵਾਲੇ ਕੋਰਟ ਫ਼ੀਸ ਵਾਲੇ ਅਸ਼ਟਾਮ ਅਤੇ ਰਸੀਦੀ ਟਿਕਟਾਂ ਪਿਛਲੇ ਛੇ ਮਹੀਨੇ ਤੋਂ ਨਾ ਮਿਲਣ ਕਰਕੇ ਸਥਾਨਕ ਲੋਕ ਵੱਡੀਆਂ ਖੱਜਲ ਖ਼ੁਆਰੀਆਂ ਦਾ ਸਾਹਮਣਾ ਕਰ ਰਹੇ ਹਨ | ਇਸ ਸੰਬੰਧੀ ਸੁਖਦੇਵ ਸਿੰਘ ਗੱਗੜ੍ਹਵਾਲ, ਪਰਮਿੰਦਰ ਸਿੰਘ ਨਾਨੋਵਾਲ, ਗੁਰਜੀਤ ਸਿੰਘ ਮਾਵੀ, ਨਿਰਮਲ ਦਾਸ ਤੇ ਹੋਰਨਾਂ ਲੋਕਾਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿਛਲੇ ਛੇ ਮਹੀਨੇ ਤੋਂ ਖਮਾਣੋਂ ਅੰਦਰ ਮੈਰਿਜ ਰਜਿਸਟਰਡ ਕਰਨ ਵੇਲੇ ਵਰਤੇ ਜਾਣ ਵਾਲੇ ਕੋਰਟ ਫ਼ੀਸ ਦੇ ਅਸ਼ਟਾਮ ਤੇ ਰਸੀਦੀ ਟਿਕਟਾਂ ਦੀ ਭਾਰੀ ਕਮੀ ਚੱਲ ਰਹੀ ਹੈ | ਉਨ੍ਹਾਂ ਦੱਸਿਆ ਕਿ ਹੋਰਨਾਂ ਤਹਿਸੀਲਾਂ ਵਿਚ ਉਕਤ ਕੋਰਟ ਫ਼ੀਸ ਅਸ਼ਟਾਮ ਤੇ ਰਸੀਦੀ ਟਿਕਟਾਂ ਧੜਾ ਧੜ ਵਿਕ ਰਹੀਆਂ ਹਨ, ਜਦੋਂਕਿ ਖਮਾਣੋਂ 'ਚ ਪਿਛਲੇ ਛੇ ਮਹੀਨੇ ਤੋਂ ਲੋਕ ਖੱਜਲ ਖ਼ੁਆਰੀਆਂ ਦਾ ਸਾਹਮਣਾ ਕਰ ਰਹੇ ਹਨ | ਗੱਗੜਵਾਲ ਨੇ ਕਿਹਾ ਕਿ ਜਾਂ ਤਾਂ ਸਰਕਾਰ ਮੈਰਿਜ ਰਜਿਸਟਰਡ ਨੂੰ ਆਸਾਨ ਕਰਨ ਲਈ ਕੋਰਟ ਫ਼ੀਸ ਅਸ਼ਟਾਮ ਪੇਪਰਾਂ ਨੂੰ ਆਨਲਾਈਨ ਕਰ ਦੇਵੇ ਨਹੀਂ ਤਾਂ ਅਸ਼ਟਾਮ ਤੇ ਰਸੀਦੀ ਟਿਕਟਾਂ ਦੀ ਕੋਈ ਕਿੱਲਤ ਨਹੀਂ ਆਉਣੀ ਚਾਹੀਦੀ ਤਾਂ ਜੋ ਲੋਕ ਖੱਜਲ ਖ਼ੁਆਰ ਨਾ ਹੋ

ਪਿਛਲੀ ਖ਼ਬਰ ਸ਼੍ਰੋਮਣੀ ਅਕਾਲੀ ਦਲ ਦੀ ਮਜ਼ਬੂਤੀ ਲਈ ਮੀਟਿੰਗਾਂ ਦਾ ਸਿਲਸਿਲਾ ਜਾਰੀ ਅਗਲੀ ਖ਼ਬਰ ਸਰਕਾਰੀ ਹਾਈ ਸਮਾਰਟ ਸਕੂਲ ਡਡਹੇੜੀ ਨੇ ਵਿਦਿਆਰਥੀਆਂ ਲਈ ਵਿਦਾਇਗੀ ਸਮਾਰੋਹ ਕਰਵਾਇਆ

ਖਮਾਣੋਂ ਤਹਿਸੀਲ 'ਚ ਕੋਰਟ ਫ਼ੀਸ ਅਸ਼ਟਾਮ ਪੇਪਰ ਤੇ ਰਸੀਦੀ ਟਿਕਟਾਂ ਨਾ ਮਿਲਣ ਕਰਕੇ ਲੋਕ ਹੋਏ ਖੱਜਲ ਖ਼ੁਆਰ

ਸੰਬੰਧਿਤ ਖ਼ਬਰਾਂ