ਅਮਲੋਹ, 7 ਅਪ੍ਰੈਲ (ਕੇਵਲ ਸਿੰਘ)-ਸਰਕਾਰੀ ਸਕੂਲ ਆਫ਼ ਹੈਪੀਨੈਸ ਲਾਡਪੁਰ ਨੂੰ ਨੌਜਵਾਨ ਆਗੂ ਅਮਨ ਲਾਡਪੁਰ ਵਲੋਂ ਆਪਣੇ ਪਿਤਾ ਸਵ. ਸੰਪੂਰਨ ਸਿੰਘ ਸਾਬਕਾ ਸਰਪੰਚ ਦੀ ਯਾਦ 'ਚ 15 ਪੱਖੇ ਅਤੇ 5100 ਰੁਪਏ ਦੀ ਰਕਮ ਭੇਟ ਕੀਤੀ ਗਈ | ਇਸ ਦੇ ਨਾਲ ਹੀ ਉਨ੍ਹਾਂ ਵਲੋਂ ਆਉਣ ਵਾਲੇ ਸਮੇਂ ਵਿਚ ਸਕੂਲ ਨੂੰ ਇਕ ਏ.ਸੀ. ਦੇਣ ਦਾ ਐਲਾਨ ਵੀ ਕੀਤਾ ਗਿਆ | ਇਸ ਮੌਕੇ ਸਕੂਲ ਦੇ ਸਟਾਫ਼ ਮੈਂਬਰਾਂ ਨੇ ਅਮਨ ਲਾਡਪੁਰ ਦਾ ਧੰਨਵਾਦ ਕਰਦੇ ਹੋਏ ਵਿਸ਼ੇਸ਼ ਸਨਮਾਨ ਵੀ ਕੀਤਾ | ਇਸ ਮੌਕੇ ਅਮਨ ਲਾਡਪੁਰ ਨੇ ਕਿਹਾ ਕਿ ਸਕੂਲ ਸਟਾਫ਼ ਦੀ ਮੰਗ ਅਨੁਸਾਰ ਹੀ ਸਕੂਲ ਨੂੰ ਪੱਖੇ ਭੇਟ ਕੀਤੇ ਗਏ ਹਨ ਅਤੇ ਭਵਿੱਖ ਵਿਚ ਵੀ ਸਕੂਲ ਨੂੰ ਹਰ ਸੰਭਵ ਸਹਿਯੋਗ ਦਿੱਤਾ ਜਾਵੇਗਾ | ਇਸ ਮੌਕੇ 'ਤੇ ਜਸਵੀਰ ਸਿੰਘ, ਅੰਗਰੇਜ਼ ਸਿੰਘ, ਹਰਪਾਲ ਕੌਰ ਮੁੱਖ ਅਧਿਆਪਕਾ, ਮਨਪ੍ਰੀਤ ਕੌਰ, ਬਲਵੀਰ ਸਿੰਘ, ਹਰਪਾਲ ਸਿੰਘ, ਅਰੁਣ ਸ਼ਰਮਾ, ਸ਼ੈਲੀ ਵਰਮਾ, ਮਿਨਾਲ ਗੋਇਲ, ਹਰਜਿੰਦਰ ਬੈਂਸ ਅਤੇ ਵਿਦਿਆਰਥੀ ਮੌਜੂਦ ਸਨ |
