ਖਮਾਣੋਂ, 7 ਅਪ੍ਰੈਲ (ਮਨਮੋਹਣ ਸਿੰਘ ਕਲੇਰ)-ਵਿਧਾਨ ਸਭਾ ਹਲਕਾ ਬਸੀ ਪਠਾਣਾਂ ਦੇ ਭਾਜਪਾ ਦੇ ਸੀਨੀਅਰ ਆਗੂ ਤੇ ਐਸ.ਸੀ. ਮੋਰਚਾ ਦੇ ਸੂਬਾ ਮੀਤ ਪ੍ਰਧਾਨ ਕੁਲਦੀਪ ਸਿੰਘ ਸਿੱਧੂਪੁਰ ਦੀ ਅਗਵਾਈ ਹੇਠ ਖਮਾਣੋਂ ਵਿਖੇ ਭਾਜਪਾ ਦਾ 47ਵਾਂ ਸਥਾਪਨਾ ਦਿਵਸ ਮਨਾਇਆ ਗਿਆ | ਜਿਸ ਵਿਚ ਪਾਰਟੀ ਅਹੁਦੇਦਾਰਾਂ ਤੇ ਵਰਕਰਾਂ ਨੇ ਸ਼ਿਰਕਤ ਕੀਤੀ | ਸਿੱਧੂਪੁਰ ਨੇ ਕਿਹਾ ਕਿ ਭਾਜਪਾ ਇਕ ਵਧੀਆ ਤੇ ਮਜ਼ਬੂਤ ਲੀਡਰਸ਼ਿਪ ਦੀ ਅਗਵਾਈ ਹੇਠ ਹਰ ਦਿਨ ਅੱਗੇ ਵੱਧ ਰਹੀ ਹੈ | ਕਿਉਂਕਿ ਦੇਸ਼ ਵਿਚ ਤੀਜੀ ਵਾਰ ਭਾਜਪਾ ਦੀ ਸਰਕਾਰ ਦਾ ਬਣਨਾ ਵਰਕਰਾਂ ਦੀ ਮਿਹਨਤ ਅਤੇ ਵਧੀਆ ਲੀਡਰਸ਼ਿਪ ਦੀ ਨਿਸ਼ਾਨੀ ਹੈ | ਉਨ੍ਹਾਂ ਕਿਹਾ ਕਿ ਕੇਵਲ ਦੋ ਸੀਟਾਂ ਤੋਂ ਭਾਜਪਾ ਦੀ ਸ਼ੁਰੂਆਤ ਹੋਈ ਸੀ | ਉਸ ਤੋਂ ਬਾਅਦ ਲਗਾਤਾਰ ਮਿਹਨਤ ਕਰਦੇ ਹੋਏ ਅੱਜ 22 ਸੂਬਿਆਂ ਵਿਚ ਭਾਜਪਾ ਦੀ ਸਰਕਾਰ ਹੈ | ਉਨ੍ਹਾਂ ਨੇ ਕਿਹਾ ਕਿ 2027 ਤੱਕ 25 ਸੂਬਿਆਂ ਵਿਚ ਭਾਜਪਾ ਦੀ ਸਰਕਾਰ ਬਣ ਜਾਏਗੀ | ਜਿਸ ਵਿਚ ਪੰਜਾਬ ਵੀ ਸ਼ਾਮਿਲ ਹੋਏਗਾ | ਉਨ੍ਹਾਂ ਪੰਜਾਬ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ 2027 ਵਿਚ ਭਾਜਪਾ ਦੀ ਸਰਕਾਰ ਬਣਾ ਕੇ ਪੰਜਾਬ ਨੂੰ ਨਸ਼ਾ ਮੁਕਤ, ਕਰਜ਼ਾ ਮੁਕਤ, ਗੈਂਗਸਟਰਵਾਦ ਤੋਂ ਮੁਕਤ ਕਰਨ ਵਿਚ ਯੋਗਦਾਨ ਪਾਇਆ ਜਾਵੇ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸ਼ਾਮ ਲਾਲ ਨਰੂਲਾ ਮੰਡਲ ਪ੍ਰਧਾਨ ਸੰਘੋਲ, ਵਿਨੋਦ ਕੁਮਾਰ ਰਾਣਾ, ਹਰਪ੍ਰੀਤ ਸਿੰਘ ਖਮਾਣੋਂ, ਛੱਜੂ ਸਿੰਘ ਸਾਬਕਾ ਪੰਚ, ਗੁਰਮੁੱਖ ਸਿੰਘ ਹਵਾਰਾ, ਮਲਕੀਤ ਸਿੰਘ ਖਮਾਣੋਂ, ਰਵਿੰਦਰ ਸਿੰਘ ਰਾਮਗੜ੍ਹ, ਬਲਜਿੰਦਰ ਸਿੰਘ ਮੋਹਣਮਾਜਰਾ, ਚਰਨਜੀਤ ਸਿੰਘ ਭਾਂਬਰੀ, ਗੁਰਵਿੰਦਰ ਸਿੰਘ ਮਨੈਲੀ, ਗੁਰਚਰਨ ਸਿੰਘ ਰਾਏਪੁਰ ਰਾਈਆ, ਭਜਨ ਸਿੰਘ ਮਨਸੂਰਪੁਰ, ਅਵਤਾਰ ਸਿੰਘ ਮਨੈਲਾ, ਹਰਪ੍ਰੀਤ ਸਿੰਘ ਦੁੱਲਵਾਂ, ਹਰਜਿੰਦਰ ਸਿੰਘ ਕਾਲੇਮਾਜਰਾ, ਕੁਲਦੀਪ ਸਿੰਘ ਰਾਣਾ, ਹਰਜਿੰਦਰ ਸਿੰਘ, ਬਿੰਦਰ ਸਿੰਘ ਲਖਣਪੁਰ, ਗੁਰਮਖ ਸਿੰਘ ਖਮਾਣੋਂ ਆਦਿ ਹਾਜ਼ਰ ਸਨ |
