ਫ਼ਤਹਿਗੜ੍ਹ ਸਾਹਿਬ, 27 ਅਪ੍ਰੈਲ (ਬਲਜਿੰਦਰ ਸਿੰਘ)-ਬਾਬਾ ਫ਼ਤਹਿ ਸਿੰਘ ਫੁੱਟਬਾਲ ਕਲੱਬ ਫ਼ਤਹਿਗੜ੍ਹ ਸਾਹਿਬ ਦੀ ਅਹਿਮ ਮੀਟਿੰਗ ਪ੍ਰਧਾਨ ਕਰਮਜੀਤ ਬੱਬੂ ਦੀ ਅਗਵਾਈ ਹੇਠ ਪਿੰਡ ਤਲਾਣੀਆਂ ਵਿਖੇ ਹੋਈ | ਜਿਸ ਵਿਚ ਕਲੱਬ ਦੇ ਸੰਸਥਾਪਕ ਐਨ.ਆਰ.ਆਈ. ਜੋਗਾ ਸਿੰਘ ਬਾਠ ਨੇ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕੀਤੀ | ਮੀਟਿੰਗ ਦੌਰਾਨ ਕਲੱਬ ਦੇ ਸਰਪ੍ਰਸਤ ਕਰਮਜੀਤ ਸਿੰਘ ਢਿੱਲੋਂ ਨੇ ਪਿਛਲੇ ਸਮੇਂ ਵਿਚ ਕਰਵਾਏ ਟੂਰਨਾਮੈਂਟ ਤੇ ਖਿਡਾਰੀਆਂ ਦੀ ਚੱਲ ਰਹੀ ਟ੍ਰੇਨਿੰਗ ਸਬੰਧੀ ਜਾਣੂ ਕਰਵਾਇਆ | ਉਨ੍ਹਾਂ ਦੱਸਿਆ ਕਿ ਪਿੰਡ ਚਨਾਰਥਲ ਦੀ ਖੁਸ਼ਮਨ ਕੌਰ ਚੀਮਾ ਖਿਡਾਰਨ ਨੇ ਯੂਨਾਈਟਿਡ ਕੋਲਕਾਤਾ ਫੁੱਟਬਾਲ ਕਲੱਬ, ਜੋ ਕਿ ਦੇਸ਼ ਦੇ ਬਿਹਤਰੀਨ ਕਲੱਬਾਂ 'ਚੋਂ ਇਕ ਹੈ, ਉਸ ਵਿਚ ਸਲੈਕਟ ਹੋ ਕੇ ਜ਼ਿਲ੍ਹੇ ਦਾ ਮਾਣ ਵਧਾਇਆ ਹੈ | ਇਸ ਮੌਕੇ ਅਕੈਡਮੀ ਸੰਸਥਾਪਕ ਐਨ.ਆਰ.ਆਈ. ਜੋਗਾ ਸਿੰਘ ਬਾਠ ਤੇ ਸਮੂਹ ਮੈਂਬਰਾਂ ਵਲੋਂ ਖੁਸ਼ਮਨ ਕੌਰ ਚੀਮਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ | ਇਸ ਤੋਂ ਇਲਾਵਾ ਕਲੱਬ ਨੂੰ ਵਿਸ਼ੇਸ਼ ਸਹਿਯੋਗ ਦੇਣ ਵਾਲੇ ਯਾਦਵਿੰਦਰ ਭੰਗੂ, ਰਾਜੇਸ਼ ਅਰੋੜਾ ਕੈਨੇਡਾ ਅਤੇ ਮਨਪ੍ਰੀਤ ਜੋਨੀ ਤਲਾਣੀਆਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਜੋਗਾ ਸਿੰਘ ਬਾਠ ਨੇ ਕਲੱਬ ਦੇ ਅਹੁਦੇਦਾਰਾਂ ਤੇ ਮੈਂਬਰਾਂ ਨੂੰ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਦੇ ਕਾਰਜਾਂ ਵਿਚ ਹਰ ਸੰਭਵ ਸਹਿਯੋਗ ਦੇਣ ਦਾ ਭਰੋਸਾ ਵੀ ਦਿੱਤਾ | ਇਸ ਮੌਕੇ ਕਰਮਜੀਤ ਸਿੰਘ ਚੀਮਾ ਕੋਟਲਾ ਬਜਵਾੜਾ, ਹਰਪ੍ਰੀਤ ਸਿੰਘ ਕੰਗ, ਰਣਜੀਤ ਸਿੰਘ, ਸਬ ਇੰਸਪੈਕਟਰ ਨਿਰਮਲ ਸਿੰਘ ਗੋਲਡੀ, ਜਗਤਾਰ ਸਿੰਘ ਧੀਰਪੁਰ, ਨੰਬਰਦਾਰ ਕਸ਼ਮੀਰ ਸਿੰਘ ਤਲਾਣੀਆਂ, ਪਿ੍ੰਸ ਅੱਤੇਵਾਲੀ, ਸਤਨਾਮ ਦੁਫ਼ੇੜਾ, ਹਰਿੰਦਰ ਕੁਮਾਰ ਡੀ.ਪੀ.ਈ., ਐਡਵੋਕੇਟ ਬਿਕਰਮ ਸਿੰਘ, ਐਡਵੋਕੇਟ ਅੰਕਿਤ, ਹਰਪ੍ਰੀਤ ਸਿੰਘ ਬਹਾਦਰਗੜ੍ਹ, ਮੋਨਾ, ਮੁਖਵਿੰਦਰ ਸਿੰਘ, ਮਨਿੰਦਰਜੀਤ ਚੀਮਾ, ਗੌਰਵ ਭਲਵਾਨ, ਜੀਤੀ ਤਲਾਣੀਆਂ, ਦੀਪੀ ਸਰਹਿੰਦ, ਰਾਕੇਸ਼ ਕੁਮਾਰ, ਹਰਵਿੰਦਰ ਬਹਾਦਰਗੜ੍ਹ, ਕਿ੍ਸ਼ਨ, ਗੋਬਿੰਦ ਸਿੰਘ, ਤੇਜੀ ਤਲਾਣੀਆਂ, ਜਗਜੀਤ ਤਲਾਣੀਆਂ ਅਤੇ ਰਿੰਕੂ ਸਰਹਿੰਦ ਵੀ ਹਾਜ਼ਰ ਸਨ |
