ਫ਼ਤਹਿਗੜ੍ਹ ਸਾਹਿਬ

ਵਰਲਡ ਯੂਨੀਵਰਸਿਟੀ 'ਚ ਉੱਭਰ ਰਹੀਆਂ ਤਕਨੀਕੀ ਰੁਝਾਨਾਂ ਤੇ ਕਰੀਅਰ ਮੌਕਿਆਂ 'ਤੇ ਵਿਸ਼ੇਸ਼ ਲੈਕਚਰ

ਵਰਲਡ ਯੂਨੀਵਰਸਿਟੀ ਵਿਚ ਵਿਸ਼ੇਸ਼ ਲੈਕਚਰ ਦੌਰਾਨ ਮੁੱਖ ਵਕਤਾ ਅਸ਼ੀਸ਼ ਜਲੋਟਾ, ਵਿਭਾਗ ਦੇ ਅਧਿਕਾਰੀਆਂ ਅਤੇ ਵਿਦਿਆਰਥੀਆਂ ਨਾਲ ਦਿਖਾਈ ਦਿੰਦੇ ਹੋਏ | ਅਜੀਤ ਤਸਵੀਰ <br/> 28-04-2026

ਫ਼ਤਹਿਗੜ੍ਹ ਸਾਹਿਬ, 27 ਅਪ੍ਰੈਲ (ਬਲਜਿੰਦਰ ਸਿੰਘ)-ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਰਲਡ ਯੂਨੀਵਰਸਿਟੀ ਦੇ ਕੰਪਿਊਟਰ ਸਾਇੰਸ ਵਿਭਾਗ ਦੇ ਕੰਪਿਊਟਰ ਸਾਇੰਸ ਇਨੋਵੇਸ਼ਨ ਕਲੱਬ ਵਲੋਂ 'ਇਮਰਜਿੰਗ ਟੈਕਨਾਲੋਜੀ ਟ੍ਰੈਂਡਜ਼ ਫ਼ਾਰ ਕਰੰਟ ਇੰਡਸਟਰੀ ਓਪਨਿੰਗਜ਼' ਵਿਸ਼ੇ 'ਤੇ ਇਕ ਜਾਣਕਾਰੀਪੂਰਣ ਵਿਸ਼ੇਸ਼ ਲੈਕਚਰ ਕਰਵਾਇਆ ਗਿਆ | ਇਸ ਸੈਸ਼ਨ ਦੇ ਮੁੱਖ ਵਕਤਾ ਅਸ਼ੀਸ਼ ਜਲੋਟਾ ਸੀ.ਈ.ਓ. ਤੇ ਫਾਊਾਡਰ ਅੰਸ਼ ਇਨਫੋਟੈਕ ਸਨ | ਉਨ੍ਹਾਂ ਨੇ ਆਈ.ਟੀ. ਇੰਡਸਟਰੀ ਦੀਆਂ ਬਦਲਦੀਆਂ ਲੋੜਾਂ ਬਾਰੇ ਚਰਚਾ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਸਿਧਾਂਤਕ ਗਿਆਨ ਦੇ ਨਾਲ-ਨਾਲ ਪ੍ਰੈਕਟੀਕਲ ਸਕਿਲਜ਼ ਵਿਕਸਿਤ ਕਰਨ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ | ਉਨ੍ਹਾਂ ਨੇ ਆਰਟੀਫੀਸ਼ਲ ਇੰਟੈਲੀਜੈਂਸ, ਕਲਾਊਡ ਕੰਪਿਊਟਿੰਗ ਅਤੇ ਡਾਟਾ ਐਨਾਲਿਟਿਕਸ ਵਰਗੇ ਉੱਭਰਦੇ ਖੇਤਰਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਅਤੇ ਦੱਸਿਆ ਕਿ ਇਹ ਖੇਤਰ ਨਵੇਂ ਰੁਜ਼ਗਾਰ ਦੇ ਮੌਕੇ ਪੈਦਾ ਕਰ ਰਹੇ ਹਨ | ਜਲੋਟਾ ਨੇ ਅਕਾਦਮਿਕ ਪਾਠਕ੍ਰਮ ਅਤੇ ਉਦਯੋਗ ਦੀਆਂ ਲੋੜਾਂ ਵਿਚਕਾਰ ਮੌਜੂਦ ਪਾੜੇ ਬਾਰੇ ਵੀ ਗੱਲ ਕੀਤੀ ਅਤੇ ਵਿਦਿਆਰਥੀਆਂ ਨੂੰ ਵਾਸਤਵਿਕ ਜੀਵਨ ਨਾਲ ਸਬੰਧਿਤ ਪ੍ਰੋਜੈਕਟਾਂ, ਵਿਚ ਭਾਗ ਲੈਣ ਲਈ ਪ੍ਰੇਰਿਤ ਕੀਤਾ | ਇਸ ਭਾਸ਼ਣ ਵਿਚ ਵਿਦਿਆਰਥੀਆਂ ਤੇ ਅਧਿਆਪਕਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ ਅਤੇ ਇਸ ਨੂੰ ਉਦਯੋਗ ਦੀਆਂ ਉਮੀਦਾਂ ਅਤੇ ਭਵਿੱਖੀ ਰੁਜ਼ਗਾਰ ਜੀਵਨ ਦੀ ਤਿਆਰੀ ਲਈ ਬਹੁਤ ਹੀ ਲਾਭਕਾਰੀ ਕਰਾਰ ਦਿੱਤਾ | ਉਪ ਕੁਲਪਤੀ ਡਾ. ਪਰਿਤਪਾਲ ਸਿੰਘ ਨੇ ਵਿਦਿਆਰਥੀਆਂ ਨੂੰ ਨਵੀਂ ਟੈਕਨਾਲੋਜੀ ਨਾਲ ਅੱਪਡੇਟ ਰਹਿਣ ਅਤੇ ਆਪਣੇ ਸਕਿਲਜ਼ ਨੂੰ ਨਿਰੰਤਰ ਨਿਖਾਰਨ ਲਈ ਪ੍ਰੇਰਿਤ ਕੀਤਾ | ਇਹ ਪ੍ਰੋਗਰਾਮ ਡਾ. ਸਰਪ੍ਰੀਤ ਸਿੰਘ ਕਨਵੀਨਰ ਤੇ ਮੁਖੀ, ਡਾ. ਸ਼ੀਨਮ ਮਲਹੋਤਰਾ (ਕੋ-ਕਨਵੀਨਰ), ਡਾ. ਕਿਰਨਪ੍ਰੀਤ ਕੌਰ (ਟ੍ਰੇਜ਼ਰਰ) ਅਤੇ ਗੁਰਪ੍ਰੀਤ ਕੌਰ (ਫੈਕਲਟੀ ਕੋਆਰਡੀਨੇਟਰ) ਦੀ ਰਹਿਨੁਮਾਈ ਹੇਠ ਸਫਲਤਾਪੂਰਵਕ ਆਯੋਜਿਤ ਕੀਤਾ ਗਿਆ | ਵਿਭਾਗ ਵਲੋਂ ਵਿਦਿਆਰਥੀਆਂ ਨਾਲ ਆਪਣੇ ਇੰਡਸਟਰੀ ਅਨੁਭਵ ਸਾਂਝੇ ਕਰਨ ਬਦਲੇ ਅਸ਼ੀਸ਼ ਜਲੋਟਾ ਦਾ ਧੰਨਵਾਦ ਵੀ ਕੀਤਾ ਗਿਆ |

ਪਿਛਲੀ ਖ਼ਬਰ ਦਿੱਲੀ ਤੋਂ ਚੱਲਣ ਵਾਲੀਆਂ ਸਰਕਾਰਾਂ ਕਦੇ ਪੰਜਾਬੀਆਂ ਨਾਲ ਵਫ਼ਾ ਨਹੀਂ ਕਰ ਸਕਦੀਆਂ-ਐਡਵੋਕੇਟ ਸੈਂਪਲਾ ਅਗਲੀ ਖ਼ਬਰ ਮੁਹੱਲਾ ਕਲੀਨਿਕਾਂ ਵਿਚ ਟੈਲੀ ਕਾਲਿੰਗ ਦੀਆਂ 200 ਅਸਾਮੀਆਂ ਲਈ ਇੰਟਰਵਿਊ ਕੱਲ੍ਹ

ਵਰਲਡ ਯੂਨੀਵਰਸਿਟੀ 'ਚ ਉੱਭਰ ਰਹੀਆਂ ਤਕਨੀਕੀ ਰੁਝਾਨਾਂ ਤੇ ਕਰੀਅਰ ਮੌਕਿਆਂ 'ਤੇ ਵਿਸ਼ੇਸ਼ ਲੈਕਚਰ

ਸੰਬੰਧਿਤ ਖ਼ਬਰਾਂ