ਬੰਦ ਦੇ ਸੱਦੇ ਦਾ ਪੇਂਡੂ ਇਲਾਕਿਆਂ ਵਿਚ ਰਿਹਾ ਮਿਲਿਆ ਜੁਲਿਆ ਜਿਹਾ ਅਸਰ

ਅਰਨੋਂ, 21 ਅਗਸਤ (ਦਰਸ਼ਨ ਸਿੰਘ ਪਰਮਾਰ)-ਕੌਮੀ ਇਨਸਾਫ਼ ਮੋਰਚੇ ਦੇ ਸਵੇਰੇ ਸੱਤ ਵਜੇ ਤੋਂ ਬਾਦ ਦੁਪਹਿਰ ਦੋ ਵਜੇ ਤਕ ਦੇ ਪੰਜਾਬ ਬੰਦ ਦੇ ਦਿੱਤੇ ਸੱਦੇ ਦਾ ਜਿਥੇ ਸਹਿਰੀ ਇਲਾਕਿਆਂ ਵਿਚ ਪੂਰਨ ਤੌਰ ’ਤੇ ਅਸਰ ਵੇਖਣ ਨੂੰ ਮਿਲਿਆ ਪਰ ਪੇਂਡੂ ਇਲਾਕਿਆਂ ਵਿਚ ਇਸ ਦਾ ਮਿਲਿਆ ਜੁਲਿਆ ਅਸਰ ਦੇਖਣ ਨੂੰ ਮਿਲਿਆ। ਇਲਾਕੇ ਦੇ ਪੇਂਡੂ ਬਾਜ਼ਾਰ ਆਮ ਦਿਨਾਂ ਵਾਂਗ ਖੁਲ੍ਹੇ ਰਹੇ ਦੁਕਾਨਦਾਰਾਂ ਵਲੋਂ ਸਵੇਰ ਵੇਲੇ ਤਾਂ ਕੁਝ ਸਮਾਂ ਆਪਣੀਆਂ ਦੁਕਾਨਾਂ ਆਦਿ ਬੰਦ ਰੱਖੀਆਂ ਗਈਆਂ ਪਰ ਹੌਲੀ-ਹੌਲੀ ਦੇਖਾ-ਦੇਖੀ ਆਪੋ ਆਪਣੀਆਂ ਦੁਕਾਨਾਂ ਪੂਰਣ ਤੌਰ ’ਤੇ ਖੋਲ ਲਈਆਂ ਗਈਆਂ ਅਤੇ ਨਾ ਹੀ ਕਿਸੇ ਜਥੇਬੰਦੀ ਵਲੋਂ ਇਕੱਠੀਆਂ ਹੋ ਕੇ ਕੋਈ ਰੋਸ ਮੁਜ਼ਾਹਰਾ ਕਰਨ ਦਾ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ।