ਵਿਸ਼ਵ ਯੂਨੀਵਰਸਿਟੀ ’ਚ ਅੰਤਰ-ਵਿਭਾਗੀ ਮੂਟ ਕੋਰਟ ਮੁਕਾਬਲਾ ਕਰਵਾਇਆ

ਅ

ਅਜੀਤ ਡੈਸਕ 15-09-2026

ਫ਼ਤਹਿਗੜ੍ਹ ਸਾਹਿਬ, 14 ਸਤੰਬਰ (ਬਲਜਿੰਦਰ ਸਿੰਘ)- ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ ਯੂਨੀਵਰਸਿਟੀ ਫ਼ਤਹਿਗੜ੍ਹ ਸਾਹਿਬ ਦੇ ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਵਲੋਂ ਅੰਤਰ-ਵਿਭਾਗੀ ਮੂਟ ਕੋਰਟ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਦਾ ਉਦਘਾਟਨ ਡਾ. ਅਮਿਤਾ ਕੌਸ਼ਲ ਤੇ ਡਾ. ਨਵਨੀਤ ਕੌਰ ਨੇ ਕੀਤਾ। ਮੁਕਾਬਲੇ ਵਿਚ 14 ਟੀਮਾਂ ਨੇ ਭਾਗ ਲਿਆ। ਪ੍ਰੋ. ਕੌਸ਼ਲ ਨੇ ਵਿਦਿਆਰਥੀਆਂ ਨੂੰ ਕਾਨੂੰਨੀ ਖੋਜ ਕਰਨ ਤੇ ਕਾਨੂੰਨੀ ਦਲੀਲਾਂ ਪੇਸ਼ ਕਰਨ ਵਿਚ ਆਤਮ-ਵਿਸ਼ਵਾਸ ਵਧਾਉਣ ਲਈ ਪ੍ਰੇਰਿਤ ਕੀਤਾ, ਜਦਕਿ ਡਾ. ਨਵਨੀਤ ਕੌਰ ਨੇ ਕਾਰਵਾਈ ਦਾ ਸੰਚਾਲਨ ਕੀਤਾ। ਸ਼ੁਰੂਆਤੀ ਦੌਰ ਦੌਰਾਨ ਭਾਗੀਦਾਰਾਂ ਨੇ ਦਿੱਤੇ ਗਏ ਕਾਨੂੰਨੀ ਵਿਸ਼ੇ ’ਤੇ ਕਾਨੂੰਨੀ ਧਾਰਾਵਾਂ, ਨਿਆਇਕ ਨਜ਼ਰੀਆ, ਖੋਜ ਤੇ ਤੱਥਾਂ ਦੇ ਵਿਸ਼ਲੇਸ਼ਣ ਦੇ ਆਧਾਰ ’ਤੇ ਦਲੀਲਾਂ ਪੇਸ਼ ਕੀਤੀਆਂ। ਇਸ ਦੌਰ ਦਾ ਨਿਰਣਾ ਸ਼ਰਨਪ੍ਰੀਤ ਕੌਰ, ਅਮਨਦੀਪ ਕੌਰ ਅਤੇ ਸਾਬੀਆ ਨੇ ਕੀਤਾ। ਭਾਗੀਦਾਰਾਂ ਦੇ ਕਾਨੂੰਨੀ ਖੋਜ ਹੁਨਰਾਂ ਦਾ ਮੁਲਾਂਕਣ ਕਰਨ ਲਈ ਖੋਜ-ਕਰਤਾ ਪਰਖ ਵੀ ਕਰਵਾਈ ਗਈ। ਚਾਰ ਟੀਮਾਂ ਨੇ ਅਰਧ-ਅੰਤਿਮ ਦੌਰ ਲਈ ਯੋਗਤਾ ਹਾਸਲ ਕੀਤੀ , ਜਿਸ ਦਾ ਨਿਰਣਾ ਡਾ. ਮੋਹਲੀਨ ਕੌਰ ਅਤੇ ਸੁਰਭੀ ਵਰਮਾ ਨੇ ਕੀਤਾ। ਟੀਮ ਯੂ.ਐਸ.ਓ.ਐਲ-2, ਜਿਸ ਵਿਚ ਪਰਣੀਤ ਕੌਰ, ਮਨਮੀਤ ਕੌਰ ਤੇ ਅਨਮੋਲਦੀਪ ਕੌਰ ਸ਼ਾਮਿਲ ਸਨ, ਨੇ ਪਹਿਲੇ ਸਥਾਨ ’ਤੇ ਜਿੱਤ ਹਾਸਿਲ ਕੀਤੀ। ਟੀਮ ਯੂ.ਐਸ.ਓ.ਐਲ 19 ਜਿਸ ਵਿਚ ਹਰਸਿਮਰ ਕੌਰ, ਹੁਸਨਪ੍ਰੀਤ ਕੌਰ ਅਤੇ ਜਸਪ੍ਰੀਤ ਕੌਰ ਸ਼ਾਮਲ ਸਨ, ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਟੀਮ ਯੂ. ਐਸ. ਓ. ਐਲ-14, ਜਿਸ ਵਿਚ ਗੁਰਲੀਨ ਕੌਰ, ਲਵਜੋਤ ਅਤੇ ਅਰਸ਼ਪ੍ਰੀਤ ਕੌਰ ਸ਼ਾਮਿਲ ਸਨ, ਨੇ ਸਰਵੋਤਮ ਮੂਟ ਯਾਦਗਾਰੀ ਲਿਖਤ ਦਾ ਇਨਾਮ ਜਿੱਤਿਆ। ਹਰਸਿਮਰ ਕੌਰ (ਯੂ. ਐਸ. ਓ. ਐਲ -19) ਨੂੰ ਸਰਵੋਤਮ ਬੁਲਾਰਾ, ਜਦਕਿ ਨਵਨੀਤ ਕੌਰ (ਯੂ.ਐਸ.ਓ.ਐਲ-9) ਨੂੰ ਸਰਵੋਤਮ ਖੋਜ-ਕਰਤਾ ਐਲਾਨਿਆ ਗਿਆ । ਸਮਾਪਤੀ ਸਮਾਰੋਹ ਵਿਚ ਉਪ-ਕੁਲਪਤੀ ਡਾ. ਪਰਿਤ ਪਾਲ ਸਿੰਘ, ਵਿਸ਼ੇਸ਼ ਮਹਿਮਾਨ ਵਕੀਲ ਹਰਸ਼ਿਤਾ ਸ਼ਰਮਾ, ਰਜਿਸਟਰਾਰ ਡਾ. ਤੇਜਬੀਰ ਸਿੰਘ, ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਦੇ ਮੁਖੀ ਤੇ ਡੀਨ ਪ੍ਰੋ. ਕੌਸ਼ਲ, ਮੂਟ ਕੋਰਟ ਪ੍ਰਬੰਧਕ ਡਾ. ਨਵਨੀਤ ਕੌਰ, ਜੱਜ ਸਾਹਿਬਾਨ, ਅਧਿਆਪਕ ਅਤੇ ਵਿਦਿਆਰਥੀ ਹਾਜ਼ਰ ਸਨ। ਡਾ. ਪਰਿਤ ਪਾਲ ਸਿੰਘ ਨੇ ਯੂਨੀਵਰਸਿਟੀ ਸਕੂਲ ਆਫ਼ ਲਾਅ ਦੇ ਯਤਨਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਜਿਹੇ ਮੁਕਾਬਲੇ ਸਿਧਾਂਤਕ ਕਾਨੂੰਨੀ ਸਿੱਖਿਆ ਨੂੰ ਵਿਹਾਰਕ ਅਦਾਲਤੀ ਤਜਰਬੇ ਨਾਲ ਜੋੜਨ ਅਤੇ ਵਿਦਿਆਰਥੀਆਂ ਨੂੰ ਕਾਨੂੰਨੀ ਪੇਸ਼ੇ ਲਈ ਤਿਆਰ ਕਰਨ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਡਾ. ਅਮਿਤਾ ਕੌਸ਼ਲ ਨੇ ਭਾਗੀਦਾਰਾਂ ਦੇ ਉਤਸ਼ਾਹ ਦੀ ਪ੍ਰਸ਼ੰਸਾ ਕੀਤੀ, ਜਦਕਿ ਡਾ. ਨਵਨੀਤ ਕੌਰ ਨੇ ਜੱਜ ਸਾਹਿਬਾਨ ਅਤੇ ਪ੍ਰਬੰਧਕੀ ਟੀਮ ਦਾ ਧੰਨਵਾਦ ਕੀਤਾ। ਇਸ ਮੁਕਾਬਲੇ ਦਾ ਸੰਚਾਲਨ ਡਾ. ਕਵਲਜੀਤ ਕੌਰ ਨੇ ਕੀਤਾ। ਦਿਵਜੋਤ ਸੰਧੂ ਅਤੇ ਗੁਰਲੀਨ ਕੌਰ ਸਹਿ-ਪ੍ਰਬੰਧਕ ਰਹੇ।

ਪਿਛਲੀ ਖ਼ਬਰ ਪੀ. ਆਈ. ਐਮ. ਟੀ. ਨੇ ਵਿਦਿਆਰਥੀਆਂ ਨੂੰ ਵਿੱਦਿਅਕ ਦੌਰਾ ਕਰਵਾਇਆ ਅਗਲੀ ਖ਼ਬਰ ਮਾਤਾ ਗੁਜਰੀ ਕਾਲਜ ਦੀ ਇੰਗਲਿਸ਼ ਲਿਟਰੇਰੀ ਸੁਸਾਇਟੀ ਵਲੋਂ ਇਨਵੈਸਟੀਚਰ ਸਮਾਰੋਹ

ਵਿਸ਼ਵ ਯੂਨੀਵਰਸਿਟੀ ’ਚ ਅੰਤਰ-ਵਿਭਾਗੀ ਮੂਟ ਕੋਰਟ ਮੁਕਾਬਲਾ ਕਰਵਾਇਆ

ਸੰਬੰਧਿਤ ਖ਼ਬਰਾਂ