ਪਠਾਨਕੋਟ, 4 ਫਰਵਰੀ (ਵਿਨੋਦ)-ਬੇਟੇ ਦੇ ਸ਼ਗਨ ਦੇ ਪ੍ਰੋਗਰਾਮ 'ਚ ਗਹਿਣੇ ਤੇ ਪੈਸਿਆਂ ਵਾਲਾ ਬੈਗ ਲੈ ਕੇ ਚੋਰ ਰਫ਼ੂ ਚੱਕਰ ਹੋ ਗਿਆ | ਜਾਣਕਾਰੀ ਦਿੰਦੇ ਹੋਏ ਕੁਲਦੀਪ ਚੰਦ ਵਾਸੀ ਪਠਾਨਕੋਟ ਨੇ ਦੱਸਿਆ ਕਿ ਉਸ ਨੇ ਆਪਣੇ ਬੇਟੇ ਦਾ ਸ਼ਗਨ ਗੋਸਾਈਾਪੁਰ ਦੇ ਇਕ ਨਿੱਜੀ ਪੈਲੇਸ 'ਚ ਰੱਖਿਆ ਹੋਇਆ ਸੀ, ਇੱਕ ਬੈਗ ਵਿੱਚ ਗਹਿਣੇ ਤੇ ਸ਼ਗਨ ਇਕੱਠੇ ਹੋਏ ਪੈਸੇ ਰੱਖੇ ਹੋਏ ਸੀ, ਜਿਸ ਨੂੰ ਕੋਈ ਚੋਰ ਲੈ ਕੇ ਚਲਾ ਗਿਆ ਹੈ, ਉਸ ਨੇ ਦੱਸਿਆ ਕਿ ਇਸ 'ਚ ਲਗਭਗ 10 ਤੋਂ 12 ਲੱਖ ਰੁਪਏ ਦਾ ਨਕਦੀ ਤੇ ਗਹਿਣੇ ਸੀ | ਜਿਸ ਦਾ ਨੁਕਸਾਨ ਹੋਇਆ ਹੈ | ਉਨ੍ਹਾਂ ਦੱਸਿਆ ਕਿ ਇਸ ਸੰਬੰਧ 'ਚ ਸੀ.ਸੀ.ਟੀ.ਵੀ. ਫੁਟੇਜ ਵੀ ਸਾਹਮਣੇ ਆਈ ਹੈ | ਜਿਸ 'ਚ ਇਕ ਬੱਚਾ ਨਜ਼ਰ ਆ ਰਿਹਾ ਹੈ | ਜਿਸ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਤੇ ਪੁਲਿਸ ਨੇ ਆ ਕੇ ਮੌਕੇ 'ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ | ਕੁਲਦੀਪ ਰਾਜ ਨੇ ਪੁਲਿਸ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਉਨ੍ਹਾਂ ਨੂੰ ਇਨਸਾਫ਼ ਦਿੱਤਾ ਜਾਵੇ |