ਸ੍ਰੀ ਹਰਿਗੋਬਿੰਦਪੁਰ, 4 ਫਰਵਰੀ (ਕੰਵਲਜੀਤ ਸਿੰਘ ਚੀਮਾ)-ਸ੍ਰੀ ਹਰਿਗੋਬਿੰਦਪੁਰ ਨਜ਼ਦੀਕ ਪਿੰਡ ਸੱਖੋਵਾਲ ਤੋਂ ਆਮ ਆਦਮੀ ਪਾਰਟੀ ਦੇ ਬਲਾਕ ਪ੍ਰਭਾਰੀ ਸੁਖਦੇਵ ਸਿੰਘ ਨੇ ਆਪਣੇ ਸਾਥੀਆਂ ਨਾਲ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਪਿੰਡ ਦੇ ਮੁਹਤਬਰਾਂ ਵਲੋਂ ਜੋ ਗ੍ਰਾਮ ਰੁਜ਼ਗਾਰ ਸੇਵਕ 'ਤੇ ਮਨਮਰਜ਼ੀਆਂ ਕਰਨ ਦੇ ਦੋਸ਼ ਲਗਾਏ ਜਾ ਰਹੇ ਨੇ ਉਹ ਝੂਠੇ ਹਨ | ਉਸ ਨੇ ਕਿਹਾ ਕਿ ਪਿੰਡ ਦੇ ਵਿਕਾਸ ਕਾਰਜਾਂ ਵਿਚ ਕਿਸੇ ਅਧਿਕਾਰੀ ਜਾਂ ਪਿੰਡ ਦੇ ਕਿਸੇ ਵੀ ਹੋਰ ਵਿਅਕਤੀ ਵਲੋਂ ਕੋਈ ਦਖ਼ਲ ਅੰਦਾਜ਼ੀ ਨਹੀਂ ਕੀਤੀ ਗਈ | ਉਨ੍ਹਾਂ ਕਿਹਾ ਕਿ ਸੰਨ 2023 ਵਿਚ ਵਿਧਾਇਕ ਅਮਰਪਾਲ ਸਿੰਘ ਵਲੋਂ ਪਿੰਡ ਵਿਚ ਖੇਡ ਮੈਦਾਨ ਅਤੇ ਪਾਰਕ ਬਣਾਉਣ ਦਾ ਉਦਾਘਟਨ ਕੀਤਾ ਸੀ ਤੇ ਮਨਰੇਗਾ ਸਕੀਮ ਤਹਿਤ 60-70 ਹਜ਼ਾਰ ਦੇ ਕਰੀਬ ਪਾਰਕ ਤੇ ਛੱਪੜ ਆਦਿ ਨੂੰ ਪੱਕਾ ਕਰਨ ਲਈ ਇੱਟ ਮੰਗਵਾਈ ਗਈ ਸੀ ਤੇ ਉਸ ਵਿਚੋਂ ਹੁਣ 8000 ਦੇ ਕਰੀਬ ਇੱਟ ਗਾਇਬ ਹੋ ਗਈ ਹੈ | ਸੁਖਦੇਵ ਸਿੰਘ ਨੇ ਦੱਸਿਆ ਕਿ ਪਿੰਡ ਵਿਚ ਜੋ ਬੱਚਿਆਂ ਦੇ ਖੇਡਣ ਲਈ ਖੇਡ ਮੈਦਾਨ ਬਣਿਆ ਹੈ | ਮੈਂ ਇਸ ਗੱਲ ਦਾ ਮੌਕੇ ਦਾ ਗਵਾਹ ਹਾਂ ਕਿ ਪਿੰਡ ਸੱਖੋਵਾਲ ਦੇ ਖੇਡ ਮੈਦਾਨ 'ਚੋਂ ਅੱਠ ਹਜ਼ਾਰ ਦੇ ਕਰੀਬ ਇੱਟ ਪਿੰਡ ਦੇ ਮੁਹਤਬਰ ਵਲੋਂ ਆਪਣੇ ਟਰੈਕਟਰ ਟਰਾਲੀ 'ਤੇ ਲੱਦ ਕੇ ਚੋਰੀ ਖੜ੍ਹੀ ਹੈ | ਸੁਖਦੇਵ ਸਿੰਘ ਨੇ ਹਲਕਾ ਵਿਧਾਇਕ ਅਮਰਪਾਲ ਸਿੰਘ ਕਿਸ਼ਨਕੋਟ ਤੇ ਬਲਾਕ ਸ੍ਰੀ ਹਰਿਗੋਬਿੰਦਪੁਰ ਦੇ ਬੀ.ਡੀ.ਪੀ.ਓ. ਨੂੰ ਅਪੀਲ ਕੀਤੀ ਖੇਡ ਮੈਦਾਨ 'ਚੋਂ ਚੋਰੀ ਹੋਈ ਇੱਟ ਦੀ ਜਾਂਚ ਕਰਵਾਈ ਜਾਵੇ ਕਿ ਕਿੱਥੇ ਗਈ ਹੈ | ਇਸ ਸਮੇਂ ਗੁਰਮੁੱਖ ਸਿੰਘ, ਹਰਦੇਵ ਸਿੰਘ ਰੂਪ ਸਿੰਘ ਆਦਿ ਹਾਜ਼ਰ ਸਨ |