ਪਠਾਨਕੋਟ, 21 ਫਰਵਰੀ (ਸੰਧੂ)-ਸ੍ਰੀਮਤੀ ਰਮਾ ਚੋਪੜਾ ਸਨਾਤਨ ਧਰਮ ਕੰਨਿਆ ਮਹਾਂ ਵਿਦਿਆਲਿਆ ਵਿਖੇ ਅੰਤਰਰਾਸ਼ਟਰੀ ਮਾਂ ਬੋਲੀ ਦਿਵਸ ਉਤਸ਼ਾਹ ਨਾਲ ਮਨਾਇਆ ਗਿਆ | ਇਸ ਪ੍ਰੋਗਰਾਮ ਦੇ ਅਗਵਾਈ ਕਾਲਜ ਦੇ ਪਿ੍ੰਸੀਪਲ ਡਾ: ਸ਼ੋਭਾ ਪਰਾਸ਼ਰ ਨੇ ਕੀਤੀ | ਇਸ ਮੌਕੇ ਪਿ੍ੰਸੀਪਲ ਡਾ: ਸ਼ੋਭਾ ਪਰਾਸ਼ਰ ਨੇ ਮਾਂ ਬੋਲੀ ਦੀ ਮਹੱਤਤਾ ਤੇ ਸਮਾਨਤਾ ਬਾਰੇ ਦੱਸਿਆ | ਉਨ੍ਹਾਂ ਕਿਹਾ ਕਿ ਮਾਂ ਬੋਲੀ ਬੱਚੇ ਨੂੰ ਮਾਂ ਦੇ ਦੁੱਧ ਨਾਲ ਮਿਲਦੀ ਹੈ, ਬੱਚਾ ਇਸ ਵਿਚ ਜੰਮਦਾ ਹੈ, ਪਲਦਾ ਹੈ ਤੇ ਵੱਡਾ ਹੁੰਦਾ ਹੈ | ਮਾਂ ਬੋਲੀ ਮਨੁੱਖ ਨੂੰ ਪਾਲਦੀ ਹੈ ਤੇ ਸੰਵਾਰਦੀ ਹੈ, ਇਸ ਲਈ ਸਾਨੂੰ ਮਾਂ ਬੋਲੀ ਨਾਲ ਪਿਆਰ ਤੇ ਸਤਿਕਾਰ ਕਰਨਾ ਚਾਹੀਦਾ ਹੈ | ਇਸ ਮੌਕੇ ਪੰਜਾਬੀ ਬੋਲਣ, ਪੰਜਾਬੀ ਲਿਖਣ, ਪੰਜਾਬੀ ਪੜ੍ਹਨ ਦਾ ਸੰਕਲਪ ਵਿਦਿਆਰਥਣਾਂ ਵਲੋਂ ਲਿਆ ਗਿਆ | ਵਿਦਿਆਰਥਣਾਂ ਨੇ ਮਾਂ ਬੋਲੀ ਦੀ ਮਹੱਤਤਾ 'ਤੇ ਲੇਖ ਲਿਖ ਕੇ, ਕਵਿਤਾ ਗਾ ਕੇ ਤੇ ਚਾਰਟ ਬਣਾ ਕੇ ਮੁਕਾਬਲੇ ਵਿਚ ਹਿੱਸਾ ਲਿਆ | ਜੇਤੂ ਵਿਦਿਆਰਥਣਾਂ ਨੂੰ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਮੈਡਮ ਰੀਤੀ ਮਹਾਜਨ, ਮੈਡਮ ਰਿੰਕੀ ਬਾਲਾ, ਡਾ: ਪਿ੍ਯੰਕਾ ਮਹਾਜਨ, ਮਨੋਜ ਗੁਪਤਾ, ਸੋਨਾਲੀ ਮਹਾਜਨ ਆਦਿ ਹਾਜ਼ਰ ਸਨ |
