ਪਠਾਨਕੋਟ, 24 ਫ਼ਰਵਰੀ (ਸੰਧੂ)-ਖੇਡਾਂ ਨੂੰ ਉਤਸ਼ਾਹਿਤ ਕਰਨ ਦੇ ਮੰਤਵ ਨਾਲ ਪਠਾਨਕੋਟ ਹਾਕੀ ਐਸੋਸੀਏਸ਼ਨ ਵਲੋਂ ਐਸੋਸੀਏਸ਼ਨ ਦੇ ਪ੍ਰਧਾਨ ਐਡਵੋਕੇਟ ਹਰਿਸ਼ ਪਠਾਨੀਆ ਦੀ ਅਗਵਾਈ 'ਚ ਸ਼ਾਦੀਪੁਰ ਹਾਕੀ ਗਰਾਉਂਡ ਵਿਖੇ ਵੱਖ-ਵੱਖ ਪਿੰਡਾਂ ਦੇ ਹਾਕੀ ਖਿਡਾਰੀਆਂ ਨੂੰ ਹਾਕੀ ਸਟਿਕਾਂ ਤੇ ਕਿੱਟਾਂ ਵੰਡੀਆਂ ਗਈਆਂ | ਇਸ ਮੌਕੇ ਜ਼ਿਲ੍ਹਾ ਖੇਡ ਕੋਆਰਡੀਨੇਟਰ ਅਰੁਣ ਕੁਮਾਰ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ | ਇਸ ਮੌਕੇ ਖਿਡਾਰੀਆਂ ਵਿਚ ਖ਼ੁਸ਼ੀ ਦੀ ਲਹਿਰ ਦੇਖੀ ਗਈ ਤੇ ਪਿੰਡ ਵਾਸੀਆਂ ਵਲੋਂ ਐਸੋਸੀਏਸ਼ਨ ਦੇ ਇਸ ਉਪਰਾਲੇ ਦੀ ਸਰਾਹਨਾ ਕੀਤੀ | ਇਸ ਮੌਕੇ ਐਸੋਸੀਏਸ਼ਨ ਦੇ ਪ੍ਰਧਾਨ ਐਡਵੋਕੇਟ ਹਰਿਸ਼ ਪਠਾਨੀਆ ਤੇ ਜ਼ਿਲ੍ਹਾ ਖੇਡ ਕੋਆਰਡੀਨੇਟਰ ਅਰੁਣ ਕੁਮਾਰ ਨੇ ਕਿਹਾ ਕਿ ਪਿੰਡ ਪੱਧਰ 'ਤੇ ਖੇਡਾਂ ਨੂੰ ਮਜ਼ਬੂਤ ਕਰਨਾ ਸਮੇਂ ਦੀ ਲੋੜ ਹੈ | ਐਸੋਸੀਏਸ਼ਨ ਵਲੋਂ ਸ਼ਾਦੀਪੁਰ, ਤਾਰਾਗੜ੍ਹ, ਚੇਲਾ, ਤੰਗੋਸ਼ਾਹ, ਰਸ਼ਪਾਲਮਾ ਅਤੇ ਮਲਿਕਪੁਰ ਹਾਕੀ ਕਲੱਬਾਂ ਨੂੰ ਕਿੱਟਾਂ ਮੁਹੱਈਆ ਕਰਵਾਈਆਂ ਗਈਆਂ | ਇਸ ਮੌਕੇ ਉਪ ਪ੍ਰਧਾਨ ਸੇਵਾ ਮੁਕਤ ਕਮਿਸ਼ਨਰ ਐਚ.ਐਸ. ਬਾਜਵਾ, ਆਰਗੇਨਾਈਜ਼ਿੰਗ ਸੈਕਟਰੀ ਦਿਨੇਸ਼ ਕੁਮਾਰ ਅਤੇ ਸਹਾਇਕ ਸੈਕਟਰੀ ਅਭਿਮਨਯੂ ਸ਼ਰਮਾ, ਸ਼ਾਦੀਪੁਰ ਕਲੱਬ ਤੋਂ ਰਣਦੀਪ ਸਿੰਘ, ਜਗਦੀਪ ਸਿੰਘ, ਝੇਲਾ ਸਰਪੰਚ ਕੁਲਬੀਰ ਸਿੰਘ, ਅਭਿਸ਼ੇਕ, ਤੰਗੋਸ਼ਾਹ ਕਲੱਬ ਤੋਂ ਸਰਪੰਚ ਵਰਿੰਦਰ ਸਿੰਘ, ਰਾਕੇਸ਼ ਕੁਮਾਰ, ਤਾਰਾਗੜ੍ਹ ਕਲੱਬ ਤੋਂ ਹਰਸ਼ ਸ਼ਰਮਾ, ਅਰੁਣ ਕੁਮਾਰ, ਰਸ਼ਪਾਲਮਾ ਕਲੱਬ ਤੋਂ ਦਿਲਜੀਤ ਸਿੰਘ, ਸਰਪੰਚ ਸ਼ਸ਼ੀਪਾਲ, ਮਲਿਕਪੁਰ ਕਲੱਬ ਤੋਂ ਦਿਲਜੀਤ ਸਿੰਘ, ਨਵਜੋਤ ਸਿੰਘ ਹਾਜ਼ਰ ਸਨ |
