ਬਟਾਲਾ, 12 ਅਪ੍ਰੈਲ (ਹਰਦੇਵ ਸਿੰਘ ਸੰਧੂ)-ਬਟਾਲਾ ਨਜ਼ਦੀਕ ਪਿੰਡ ਰੌੜ ਖੈਹਿਰਾ ਦਾ ਜੰਮਪਲ ਤੇ ਲਵਲੀ ਪ੍ਰੋਫੈਸਨਲ ਯੂਨਿਵਰਸਿਟੀ ਵਿਚ ਬੀ.ਪੀ. ਈ. ਐੱਸ. ਭਾਗ ਪਹਿਲਾ ਦੇ ਵਿਦਿਆਰਥੀ ਪੁਨੀਤਪਾਲ ਸਿੰਘ ਨੇ ਸ਼ਿਵਾਜੀ ਯੂਨੀਵਰਸਿਟੀ ਕੌਲਾਂਪੁਰ ਮਹਾਰਾਸ਼ਟਰ ਵਿਚ ਹੋਈ ਆਲ ਇੰਡੀਆ ਅੰਤਰ ਯੂਨੀਵਰਸਿਟੀ ਕੈਕਿੰਗ ਕਨੋਇੰਗ ਮੁਕਾਬਲਿਆਂ ਵਿਚੋਂ ਸੀ-1, 500 ਮੀਟਰ ਰੇਸ 'ਚ ਕਾਂਸੇ ਦਾ ਤਮਗਾ ਹਾਸਲ ਕੀਤਾ ਹੈ | ਇਸ ਖੇਡ ਦਾ ਅਭਿਆਸ ਪੁਨੀਤਪਾਲ ਸਿੰਘ ਨੇ ਸੰਤ ਸੀਚੇਵਾਲ ਵਾਟਰ ਸਪੋਰਟਸ ਸੈਂਟਰ ਸੁਲਤਾਨਪੁਰ ਲੋਧੀ ਵਿਖੇ ਸੀਨੀਅਰ ਕੌਰ ਅਤੇ ਸੈਂਟਰ ਇੰਚਾਰਜ ਅਮਨਦੀਪ ਸਿੰਘ ਖੈਹਿਰਾ ਸਿੱਖਿਆ ਵਿਭਾਗ ਪੰਜਾਬ, ਪਿ੍ਆ ਸੈਣੀ ਖੇਡ ਵਿਭਾਗ ਪੰਜਾਬ ਅਤੇ ਵਰਿੰਦਰ ਸਿੰਘ ਦੀ ਰਹਿਨੁਮਾਈ ਹੇਠ ਕੀਤਾ | ਪੁਨੀਤਪਾਲ ਸਿੰਘ ਦੇ ਜਿੱਤ ਕੇ ਆਉਣ ਤੋਂ ਬਾਅਦ ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਵਲੋਂ ਸਵਾਗਤ ਕੀਤਾ ਗਿਆ |
