ਗੁਰਦਾਸਪੁਰ, 15 ਅਪੈ੍ਰਲ (ਚੱਕਰਾਜਾ)- ਗੁਰਦਾਸਪੁਰ ਦੇ ਸ੍ਰੀ ਕਰਤਾਰਪੁਰ ਸਾਹਿਬ ਕਾਰੀਡੋਰ ਰੋਡ 'ਤੇ ਗੁਰਦਾਸਪੁਰ ਤੋਂ ਕਲਾਨੌਰ ਵੱਲ ਨੂੰ ਜਾ ਰਹੀ ਇਕ ਕਾਰ ਟਿੱਪਰ ਨੂੰ ਓਵਰਟੇਕ ਕਰਦਿਆਂ ਅਚਾਨਕ ਅਸੰਤੁਲਨ ਵਿਗੜਨ 'ਤੇ ਪਿੰਡ ਖੋਖਰ ਦੇ ਬੱਸ ਸਟਾਪ ਦੀ ਕੰਧ ਵਿਚ ਜਾ ਵੱਜੀ | ਕਾਰ ਵਿਚ ਦੋ ਲੋਕ ਸਵਾਰ ਸਨ | ਗ਼ਨੀਮਤ ਇਹ ਰਹੀ ਕਿ ਦੁਰਘਟਨਾ ਵਿਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਕਾਰ ਦੀ ਟੱਕਰ ਕਾਰਨ ਬੱਸ ਸਟਾਪ ਦੀ ਕੰਧ ਟੁੱਟ ਗਈ ਤੇ ਕਾਰ ਦਾ ਵੀ ਕਾਫੀ ਨੁਕਸਾਨ ਹੋਇਆ ਹੈ | ਸੜਕ ਸੁਰੱਖਿਆ ਫੋਰਸ ਦੇ ਅਧਿਕਾਰੀਆਂ ਵਲੋਂ ਤੁਰੰਤ ਮੌਕੇ 'ਤੇ ਕਾਰ ਚਾਲਕ ਦੀ ਸਹਾਇਤਾ ਕੀਤੀ ਗਈ |
