ਸ਼ਾਹਪੁਰ ਕੰਢੀ, 15 ਅਪ੍ਰੈਲ (ਰਣਜੀਤ ਸਿੰਘ)-ਵਾਟਰ ਸਪਲਾਈ ਦੀ ਪਾਈਟ ਟੁੱਟ ਜਾਣ ਕਾਰਨ ਪਿੰਡ ਵਿਰਕੁੱਲੀ ਦੇ ਵਾਰਡ ਨੰਬਰ ਇਕ ਵਿਚ ਪਿਛਲੇ ਇਕ ਹਫ਼ਤੇ ਤੋਂ ਪਾਣੀ ਦੀ ਸਪਲਾਈ ਨਾ ਆਉਣ ਕਾਰਨ ਵਾਰਡ ਵਾਸੀਆਂ ਨੇ ਇਕੱਠੇ ਹੋ ਕੇ ਮੰਡੀ ਬੋਰਡ ਖ਼ਿਲਾਫ਼ ਰੋਸ ਪ੍ਰਦਰਸ਼ਨ ਕੀਤਾ | ਪਿੰਡ ਦੇ ਸਰਪੰਚ ਹੰਸ ਰਾਜ ਵਿੱਕੀ, ਜਰਨੈਲ ਸਿੰਘ, ਮਹਾਸ਼ੂ ਰਾਮ ਆਦਿ ਨੇ ਦੱਸਿਆ ਕਿ ਪਿੰਡ ਵਿਚ ਸੜਕ ਦੇ ਨਿਰਮਾਣ ਦਾ ਕੰਮ ਚੱਲ ਰਿਹਾ ਹੈ, ਸਾਈਡਾਂ ਤੋਂ ਮਿੱਟੀ ਪੁੱਟਣ ਸਮੇਂ ਵਾਟਰ ਸਪਲਾਈ ਦੀ ਪਾਈਪ ਟੁੱਟ ਗਈ ਹੈ ਜੋ ਇਕ ਹਫ਼ਤਾ ਬੀਤਣ ਦੇ ਬਾਅਦ ਵੀ ਠੀਕ ਨਹੀਂ ਹੋਈ ਜਿਸ ਕਾਰਨ ਵਾਰਡ ਵਾਸੀਆਂ ਨੰੂ ਪੀਣ ਲਈ ਪਾਣੀ ਦੂਰੋਂ ਲੈ ਕੇ ਆਉਣਾ ਪੈ ਰਿਹਾ ਹੈ | ਪਿੰਡ ਵਾਸੀਆਂ ਨੇ ਮੰਗ ਕੀਤੀ ਕਿ ਸੜਕ ਨਿਰਮਾਣ ਤੋਂ ਪਹਿਲਾਂ ਪਾਣੀ ਦੀ ਪਾਈਪ ਦੀ ਮੁਰੰਮਤ ਕੀਤੀ ਜਾਵੇ | ਇਸ ਮੌਕੇ ਬਲਦੇਵ ਰਾਜ, ਸੰਜੂ, ਰੋਮੀ, ਜੋਸ਼ੀ, ਸਰਨ ਦਾਸ, ਗਗਨ ਸਿੰਘ, ਬਿਮਲਾ ਦੇਵੀ, ਆਸ਼ਾ ਰਾਣੀ, ਮੋਨਾ ਦੇਵੀ, ਅੰਜੂ ਦੇਵੀ, ਸਵਰਨਾ ਦੇਵੀ, ਮੋਨੀ ਦੇਵੀ ਤੇ ਜੋਤੀ ਦੇਵੀ ਆਦਿ ਹਾਜ਼ਰ ਸਨ |
