ਦੀਨਾਨਗਰ, 26 ਅਪ੍ਰੈਲ (ਸ਼ਾਮ ਸਿੰਘ ਘੁੰਮਣ/ਸੋਢੀ/ਸ਼ਰਮਾ)-ਪੁਲਿਸ ਸਟੇਸ਼ਨ ਦੀਨਾਨਗਰ ਅਧੀਨ ਪੈਂਦੇ ਪਿੰਡ ਸਦਾਨਾ ਵਿਖੇ ਅੱਜ ਦੁਪਹਿਰ ਵੇਲੇ ਵਾਪਰੀ ਅੱਗ ਲੱਗਣ ਦੀ ਇਕ ਘਟਨਾ ਦੌਰਾਨ ਇਕ ਗੁੱਜਰ ਪਰਿਵਾਰ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਜਾਣ ਦੀ ਜਾਣਕਾਰੀ ਮਿਲੀ ਹੈ | ਪੀੜਤ ਪਰਿਵਾਰ ਦੇ ਮੁਖੀ ਲਿਆਕਤ ਅਲੀ ਪੁੱਤਰ ਮੁਰੀਦ ਅਲੀ ਵਾਸੀ ਸਦਾਨਾ ਨੇ ਦੱਸਿਆ ਕਿ ਦੁਪਹਿਰ ਦੇ ਸਮੇਂ ਉਹ ਕੰਮ 'ਤੇ ਗਿਆ ਹੋਇਆ ਸੀ ਤੇ ਘਰ ਕੋਈ ਵੀ ਨਹੀਂ ਸੀ ਕਿ ਮਗਰੋਂ ਅਚਾਨਕ ਘਰ ਨੂੰ ਅੱਗ ਲੱਗ ਗਈ | ਜਦੋਂ ਨੂੰ ਲੋਕ ਇਕੱਠੇ ਹੋਏ ਤਾਂ ਅੱਗ ਕਾਫ਼ੀ ਫੈਲ ਚੁੱਕੀ ਸੀ ਤੇ ਕਾਬੂ ਤੋਂ ਬਾਹਰ ਹੋ ਚੁੱਕੀ ਸੀ ਜਿਸ ਮਗਰੋਂ ਫਾਇਰ ਬਿ੍ਗੇਡ ਦੀਆਂ ਦੋ ਗੱਡੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਅੱਗ 'ਤੇ ਕਾਬੂ ਪਾਇਆ | ਪਰਿਵਾਰ ਦੇ ਅਨੁਸਾਰ ਘਟਨਾ ਵਿਚ ਭਾਵੇਂ ਉਸ ਦੇ ਪਰਿਵਾਰਕ ਮੈਂਬਰ ਤੇ ਪਸ਼ੂ ਸੁਰੱਖਿਅਤ ਰਹੇ ਹਨ ਪਰ ਉਸ ਦਾ ਸਾਰਾ ਘਰ ਤੇ ਅੰਦਰ ਪਏ ਸਾਮਾਨ ਦੇ ਇਲਾਵਾ ਪਸ਼ੂਆਂ ਲਈ ਰੱਖੀ ਸਾਰੀ ਪਰਾਲੀ ਸੜ ਕੇ ਸੁਆਹ ਹੋ ਗਈ ਹੈ ਜਿਸ ਨਾਲ ਉਸ ਦਾ ਕਰੀਬ ਢਾਈ ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ ਹੈ | ਪੀੜਤ ਲਿਆਕਤ ਅਲੀ ਨੇ ਪ੍ਰਸ਼ਾਸਨ ਕੋਲੋਂ
