ਬਟਾਲਾ, 28 ਅਪ੍ਰੈਲ (ਸਤਿੰਦਰ ਸਿੰਘ)-ਆਰ.ਆਰ. ਬਾਵਾ ਡੀ.ਏ.ਵੀ. ਕਾਲਜ ਫਾਰ ਗਰਲਜ਼ ਬਟਾਲਾ ਵਿਖੇ ਕਾਰਜਕਾਰੀ ਪਿ੍ੰਸੀਪਲ ਡਾ. ਮੀਨਾਕਸ਼ੀ ਦੁੱਗਲ ਦੇ ਨਿਰਦੇਸ਼ਾਂ ਅਨੁਸਾਰ, ਡਾ. ਲੱਕੀ ਸ਼ਰਮਾ (ਪ੍ਰੋਗਰਾਮ ਕੋਆਰਡੀਨੇਟਰ), ਸ਼੍ਰੀਮਤੀ ਹਰਪ੍ਰੀਤ ਅਨੇਜਾ ਕਨਵੀਨਰ ਤੇ ਸ਼੍ਰੀਮਤੀ ਨਈਆ ਮਹਾਜਨ ਕੋਕਨਵੀਨਰ ਦੇ ਸਹਿਯੋਗ ਨਾਲ ਕਾਲਜ ਵਿਖੇ 5ਵਾਂ ਸਾਲਾਨਾ ਫੈਸ਼ਨ ਸ਼ੋਅ 'ਸੂਈ-ਧਾਗਾ' ਕਰਵਾਇਆ ਗਿਆ | ਇਸ ਵਿਚ ਕਈ ਤਰ੍ਹਾਂ ਦੇ ਮਨਮੋਹਕ ਦੌਰ ਸ਼ਾਮਲ ਸਨ | ਹਰੇਕ ਹਿੱਸੇ ਨੇ ਵਿਦਿਆਰਥਣਾਂ ਦੀ ਡਿਜ਼ਾਈਨ ਸੰਵੇਦਨਸ਼ੀਲਤਾ, ਕਾਰੀਗਰੀ ਅਤੇ ਕਲਾਤਮਕ ਪ੍ਰਗਟਾਵੇ ਨੂੰ ਸੁੰਦਰਤਾ ਨਾਲ ਉਜਾਗਰ ਕੀਤਾ | ਮੁਕਾਬਲਿਆਂ ਦੌਰਾਨ ਜਸ਼ਨਪ੍ਰੀਤ ਕੌਰ, ਅਰਸ਼ਦੀਪ ਕੌਰ, ਪਿ੍ਯਾਂਸ਼ੂ ਚੌਹਾਨ, ਮਨਦੀਪ ਕੌਰ, ਗੁਰਲੀਨ ਕੌਰ, ਖੁਸ਼ਪ੍ਰੀਤ ਕੌਰ, ਲਲਿਤਾ, ਜਸਮੀਤ ਕੌਰ, ਹਿਮਾਨੀ, ਖੁਸ਼ਪ੍ਰੀਤ ਕੌਰ, ਸਿਮਰਨਜੀਤ ਕੌਰ, ਲਲਿਤਾ, ਗੁਰਪ੍ਰੀਤ ਕੌਰ, ਹਰਮਨਪ੍ਰੀਤ ਕੌਰ, ਹਰਮਨਪ੍ਰੀਤ ਕੌਰ, ਹਰਸਿਮਰਨ ਕੌਰ, ਅਰਸ਼ਦੀਪ ਕੌਰ, ਪਿ੍ਆਂਸ਼ੂ ਚੌਹਾਨ, ਨਵਜੋਤ ਕੌਰ, ਸੁਖਵਿੰਦਰ ਕੌਰ ਜੇਤੂ ਰਹੀਆਂ | ਜੇਤੂ ਵਿਦਿਆਰਥਣਾਂ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਅਤੇ ਰਚਨਾਤਮਕ ਉੱਤਮਤਾ ਦੇ ਸਨਮਾਨ ਲਈ ਸਰਟੀਫ਼ਿਕੇਟ ਤੇ ਤਗਮੇ ਦਿੱਤੇ ਗਏ | ਇਸ ਮੌਕੇ ਕਾਰਜਕਾਰੀ ਪਿ੍ੰ. ਡਾ. ਮੀਨਾਕਸ਼ੀ ਦੁੱਗਲ ਨੇ ਕਿਹਾ ਕਿ ਲੜਕੀਆਂ ਵਿਚ ਉੱਦਮੀ ਹੁਨਰ ਵਿਕਸਤ ਕੀਤੇ ਜਾਣ | ਉਨ੍ਹਾਂ ਸਮਾਗਮ ਦੇ ਸਫ਼ਲਤਾਪੂਰਵਕ ਸੰਪੂਰਨਤਾ ਲਈ ਕਾਲਜ ਦੇ ਫੈਸ਼ਨ ਡਿਜ਼ਾਈਨਿੰਗ ਵਿਭਾਗ ਨੂੰ ਵਧਾਈ ਦਿੱਤੀ | ਇਸ ਮੌਕੇ ਡਾ. ਲੱਕੀ ਸ਼ਰਮਾ ਨੇ ਸਟੇਜ ਸੰਚਾਲਨ ਕੀਤਾ | ਜਦੋਂ ਕਿ ਹਰਪ੍ਰੀਤ ਅਨੇਜਾ ਨੇ ਰਸਮੀ ਧੰਨਵਾਦ ਕੀਤਾ | ਪ੍ਰੋਗਰਾਮ ਦਾ ਅੰਤ ਸਮਾਗਮ ਦੀਆਂ ਕੁਝ ਮਿੱਠੀਆਂ, ਆਕਰਸ਼ਕ ਅਤੇ ਮਨਮੋਹਕ ਯਾਦਾਂ ਨਾਲ ਹੋਇਆ | ਇਸ ਮੌਕੇ ਕਾਲਜ ਦੇ ਸਮੂਹ ਅਧਿਆਪਕ, ਸਟਾਫ਼ ਮੈਂਬਰ ਤੇ ਵਿਦਿਆਰਥਣਾਂ ਵੀ ਮੌਜ਼ੂਦ ਸਨ |
